Праваабарончы цэнтр «ВЯСНА»

Навіны за 8 жніўня 2011

08.08.2011 Мікола Статкевіч пацьвердзіў факт катаваньняў у СІЗА КДБ

Міколу Статкевіча дапыталі ў справе катаваньняў у СІЗА КДБ. Алега Гнедчыка прымушаюць пісаць ліст аб памілаваньні. Алег Федаркевіч скардзіцца на пагаршэньне здароўя. Васіль Парфянкоў працуе на рамонце памяшканьняў турмы.

08.08.2011 Дашліце ліст падтрымкі Алесю Бяляцкаму!

Пад вартай праваабаронца будзе ўтрымлівацца як мінімум да вечара нядзелі, 14 жніўня. Час у СІЗА цягнецца вельмі марудна і ператвараецца ў выпрабаванне невядомасцю. Перад тым, як адправіцца на Валадарку, ён перадаў уім прывітанне і заклікаў усіх нас трымацца годна і бадзёра. Сябры, падтрымаем і мы Алеся добрым словам у гэтыя выпрабавальныя дні!

08.08.2011 Сетка дамоў правоў чалавека заступілася за Алеся Бяляцкага

Пад зваротам да беларускіх уладаў падпісаліся больш за 30 праваабарончых арганізацыяў, што ўваходзяць у Сетку дамоў правоў чалавека.

08.08.2011 Libereco - Partnership for Human Rights: “Мы ўсе за Алеся”

Праваабарончая арганізацыя Libereco - Partnership for Human Rights ініцыявала акцыю ў падтрымку Аляся Бяляцкага на інтэрнет-старонцы ў Facebook. Там змешчаны зварот да прэзідэнта Беларусі з патрабаваннем неадкладнага і безумоўнага вызвалення вядомага праваабаронцы.

08.08.2011 Трое сутак за камэнтары ў інтэрнэце

Чыгуначны суд Гомеля сёньня асудзіў да трох сутак адміністратыўнага арышту 36-гадовага інжынэра Зьмітра Шаўчэнку. Зьміцер пісаў камэнтары ў інтэрнэт-суполцы “Рэвалюцыя праз сацыяльную сетку”.

08.08.2011 Шурхай і Шыла на суд у Горкі не паехалі

Горацкі раённы суд адклаў разгляд адміністрацыйных спраў супраць актывістаў зарэгістраванай у Чэхіі арганізацыі "Малады фронт" Івана Шылы з Салігорску й незарэгістраванай партыі "Беларуская хрысьціянская дэмакратыя" Зьмітра Шурхая зь Берасьця. Актывісты сёньня не зьявіліся на судовае паседжаньне. Судзьдзя Ірына Чаплыгіна ня стала разглядаць справы без абвінавачаных.

08.08.2011 Дыпламаты выказваюць знак падтрымкі “Вясне”

З нагоды арышту віцэ-прэзідэнта Міжнароднай федэрацыі правоў чалавека Алеся Бяляцкага праваабарончы цэнтр “Вясна” 5 жніўня наведалі часовы павераны ў справах ЗША у Беларусі Майкл Скэнлан і першы сакратар амбасады Крыс Паніка. 8 жніўня адбыўся візіт на офіс “Вясны” амбасадара Вялікабрытаніі Розмары Томас.

08.08.2011 Паўла Севярынца накіруюць у Віцебскую вобласць

Сустаршыня аргкамітэту па стварэнні партыі «Беларуская Хрысціянская Дэмакратыя» Павал севярынец будзе адбываць «хімію» ў Віцебскай вобласці. Пра гэта яму паведамілі 8 жніўня ў аддзеле выканання пакарання Перашамайскага РАУС Віцебска.

08.08.2011 Пра пераслед праваабаронцаў у Беларусі пад выглядам барацьбы з падатковымі парушэннямі

Заява Міжнароднай назіральнай місіі № 9

08.08.2011 Östgruppen патрабуе неадкладнага вызвалення Алеся Бяляцкага

"Відавочна, што арышт палітычна матываваны. Гэта, без сумневу, пакаранне за праваабарончую дзейнасць Бяляцкага і цэнтра “Вясна”, а таксама спроба запалохаць праваабарончы рух у Беларусі", - адзначае кіраўнік Östgruppen Марцін Угла.

08.08.2011 Вялікабрытанія: Затрыманьне Бяляцкага - яшчэ адзін абуральны выпадак перасьледу праваабаронцаў

Затрыманьне Алеся Бяляцкага афіцыйны Лондан расцаніў "як яшчэ адзін абуральны выпадак перасьледу праваабаронцаў у Беларусі". Пра гэта гаворыцца ў заяве брытанскага міністра па справах Эўропы Дэвіда Лідынгтана, якую распаўсюдзіла 6 жніўня пасольства Вялікабрытаніі ў Менску.

08.08.2011 Алесь Бяляцкі - пра выбар лёсу

"Наша сустрэча адбылася 25 лістапада 2009 года. Скажу шчыра, што раней я ставіўся да мясцовых праваабаронцаў даволі скептычна. Маўляў, чым менш у нашай краіне становіцца розных правоў, тым больш з’яўляецца тых, хто іх абараняе. А падчас размовы зразумеў, што Алесь Бяляцкі змагаецца з афіцыйнымі ўладамі не дзеля піяру, а каб больш за гэта не змагаўся ніхто”, - аўтарскае пасляслоўе Аляксандра Тамковіча да тэкста пра Алеся Бяляцкага з кнігі "Лёсы".

08.08.2011 У Беларусі можа быць уведзена пакаранне за «бяздзеянне»

Замест дзеючага Закона “Аб масавых мерапрыемствах” беларускі ўрад прапануе прыняць больш жорсткі дакумент.

08.08.2011 Гомель: актывіста затрымалі за паведамленьне у сацыяльнай сетцы

Супрацоўнікі міліцыі затрымалі 7 жніўня Дзьмітрыя Шаўчэнку, які пад ананімным акаўнтам актыўна дзейнічае ў гомельскай групе "Рэвалюцыя праз сацыяльную сетку".

08.08.2011 Маркус Лёнінг: урад Нямеччыны патрабуе неадкладнага вызваленьня Алеся Бяляцкага

Нямецкі бок "рэзка асуджае прымяненьне крымінальнага заканадаўства для таго, каб па палітычных матывах прымусіць маўчаць яшчэ аднаго актыўнага прадстаўніка беларускай грамадзянскай супольнасьці".