Праваабарончы цэнтр «ВЯСНА»

Навіны за 2 жніўня 2011

02.08.2011 Затрыманым у Горках інкрымінуюць правядзенне несанкцыянаванай акцыі. Суд — 3 жніўня

Затрыманым 2 жніўня ў Горках 15 дэмакратычным актывістам інкрымінуюць правядзенне несанкцыянаванай акцыі. Пра гэта БелаПАН паведаміў сустаршыня аргкамітэта па стварэнні партыі «Беларуская хрысціянская дэмакратыя» Павел Севярынец.

02.08.2011 Каб забараніць пікет у падтрымку Мікіты Ліхавіда, наваполацкія ўлады змянілі рашэнне пра масавыя мерапрыемствы

Да такой высновы прыводзіць адказ гарадскіх чыноўнікаў пікетоўцам. Відавочна, што прычыны, указаныя намеснікам старшыні гарвыканкама Дурновым, штучна створаныя мясцовымі чыноўнікамі. Пікет у падтрымку маладога палітвязня, які адбывае пакаранне ў наваполацкай папраўчай калоніі № 10, павінен быў адбыцца ўвечары 2 жніўня.

02.08.2011 Затрыманні каля горацкай калоніі

Актывісты “Еўрапейскай Беларусі” паведамілі, што ў выніку разгону акцыі ў падтрымку Зміцера Дашкевіча затрыманыя трое сябраў гэтай моладзевай арганізацыі - Аляксандр Вялітчанка, Аляксей Сямчыла і Уладзімір Радкевіч. Іх запіхалі ў аўтазак і павезлі ў мясцовы РАУС. Хлопцы паведамілі, што ў аўтазаку больш за 20 чалавек.

02.08.2011 У Адміністрацыю прэзідэнта паступаюць прашэнні пра змякчэнне пакарання Бандарэнку

Грамадскія актывісты праводзяць у Мінску смартмоб-акцыю "Выратуем Дзмітрыя Бандарэнку!". Сутнасць яе заключаецца ў падачы ў прыёмную Адміністрацыі прэзідэнта асабістых прашэнняў грамадзян на імя Аляксандра Лукашэнкі аб змякчэнні пакарання апазіцыянеру Дзмітрыю Бандарэнку.

02.08.2011 Пракуратура разбіраецца са скаргай журналістаў «Еўрарадыё»

Трое журналістаў «Еўрарадыё» пабывалі ў Генпракуратры з нагоды скаргаў на незаконныя затрыманні ў часе вулічных акцый.

02.08.2011 Генпракурор адмовіўся абмяркоўваць пытанні парушэння правоў і свабодаў у Беларусі

Лідар Аб’яднанай грамадзянскай партыі Анатоль Лябедзька атрымаў з Генеральнай пракуратуры Беларусі адказ на зварот апазіцыйных палітыкаў, якія прапаноўвалі генпракурору Рыгору Васілевічу абмеркаваць пытанні парушэння правоў і свабод у краіне.

02.08.2011 Адвакату адмовілі сустрэцца з Дашкевічам

Намесьнік начальніка калёніі адмовіў адвакату Анатолю Мялеку ў сустрэчы з Дашкевічам з той прычыны, што нібыта сам Дашкевіч не пісаў заяўку на такую сустрэчу.

02.08.2011 Менгарсуд разгледзіць касацыйную скаргу Алеся Бяляцкага

Слуханні ў Менскім гарадскім судзе па касацыйнай скарзе старшыні ПЦ “Вясна” Алеся Бяляцкага на афіцыйнае папярэджанне Генеральнай пракуратуры прызачаны на 11 жніўня. Пачатак а 14-ай гадзіне.

02.08.2011 Андрэй Бандарэнка: Калоніі ды ізалятары бескантрольныя

“Мы можам прывесці масу прыкладаў катавання ў беларускіх вязніцах”, – заявіў у інтэрв’ю тэлеканалу “Белсат” Андрэй Бандарэнка, прадстаўнік грамадскага аб’яднання “Платформа”, які сам правёў за кратамі амаль два гады нібыта за махлярства, аднак быў вызвалены з фармулёўкаю “праз адсутнасць складу злачынства”.

02.08.2011 Праваабарончая праграма“Людзьмі звацца!” на Радыё Рацыя

У серыі інтэрв’ю з сябрамі ПЦ “Вясна” госці рубрыкі “Асоба. Дзяржава. Грамадства” - прадстаўніца арганізацыі ў горадзе Барысаве Марына Статкевіч і праваабаронца з Аршаншчыны Васіль Леўчанкаў.