Праваабарончы цэнтр «ВЯСНА»

Навіны за 12 траўня 2011

12.05.2011 Андрэй Пачобут пачаў знаёміцца з матэрыяламі справы

Заўтра матэрыялы следства будзе вывучаць адвакат. На наступным тыдні справа будзе накіраваная ў суд. Там цягам 14 дзён будзе вызначана у які тэрмін распачнецца разгляд крымінальнай справы Андрэя Пачобута.

12.05.2011 Суды за Плошчу: Статкевіч, Класкоўскі, Ус, Пазняк, Квяткевіч, Грыбкоў, Буланаў (дзень другі)

У Ленінскім судзе Мінска працягваецца працэс па справе Міколы Статкевіча, Дзмітрыя Уса, Аляксандра Класкоўскага, Арцёма Грыбкова, Дзмітрыя Буланава, Андрэя Пазняка і Аляксандра Квяткевіча. Наступнае паседжанне -- заўтра, 13 траўня, а 10-й.

12.05.2011 Абвешчаны прысуды Дароніну, Казакову, Лобану, Мацукевічу, Сакрэту і Федаркевічу

Суддзя суду Маскоўскага раёна Алена Шылько прызначыла пакаранне удзельнікам Плошчы: Сяргею Казакову, Віталю Мацукевічу, Яўгену Сакрэту, Уладзімеру Лобану - па тры гады калоніі строгага рэжыму, Дзмітрыю Дароніну і Алегу Федаркевічу - па тры з паловай гады калоніі строгага рэжыму.

12.05.2011 "Рэпарцёры без межаў" патрабуюць неадкладнага і безумоўнага вызвалення Ірыны Халіп

Праваабарончая арганізацыя "Рэпарцёры без межаў" уважліва сочыць за судом над журналісткай Ірынай Халіп.

12.05.2011 Смалявіцкая "раёнка" да шэльмавання паставілася "творча"

У рэгіянальных дзяржаўных СМІ працягваецца кампанія па шэльмаванню журналіста, рэдактара сайта "Беларускі Партызан" Паўла Шарамета. Смалявіцкая раённая газета «Край Смалявіцкі» не засталася ў баку.

12.05.2011 Барысаўскім дэмактывістам вярнулі канфіскаваную пры ператрусе маёмасць

Барысаўскім актывістам кампаніі «Гавары праўду!» Міхаілу Васільеву і Віктару Гарбачову міліцыя вярнула маёмасць, канфіскаваную пры ператрусе 18 мая 2010 года. Вярнулі не ўсё. У міліцыі засталося тое, што мае сімволіку кампаніі «Гавары праўду!» (майкі, нататнікі, сшыткі).

12.05.2011 Судзяць сябра партыі «Справядлівы свет» са Жлобіна

Кіраўнік не меў ніякіх прэтэнзій за час сваёй працы, непрыемнасці ў яго пачаліся тады, калі ён стаў сябрам партыі «Справядлівы свет», а затым вылучыў сваю кандыдатуру ў Гомельскі абласны савет дэпутатаў, на выбарах у мясцовыя саветы вясной 2010 года.

12.05.2011 Яшчэ адно «дробнае хуліганства»

Актывісту прапанавалі выбар: альбо ён знаходзіцца ў ізалятары часовага ўтрымання да таго часу, пакуль усе супрацоўнікі міліцыі не змогуць прыбыць у суд, альбо ён можа адразу заплаціць мінімальны штраф за дробнае хуліганства. Віктар Калеснік абраў штраф.

12.05.2011 Бабруйскія дэмакраты баронюць “Нашу Ніву” і “Народную Волю”

Рада дэмакратычных сіл Бабруйска распачала збор подпісаў у падтрымку незалежных газет “Нашай Нівы” і “Народнай Волі”. Дэмакратычныя актывісты патрабуюць спыніць пераслед гэтых незалежных выданняў.

12.05.2011 Гарадзенская праваабаронца змагаецца за свае правы

Пасля кампаніі па выбарах прэзідэнта, калі праваабаронца актыўна займалася назіраннем, яе цягам 5 месяцаў мясцовыя ўлады імкнуцца пазбавіць працы на пасадзе старшыні жыллёвага кааператыву.

12.05.2011 У Брэсце раздавалі кнігі Някляева і раздрукоўкі судовага працэса

Удзельнікі акцыі на вуліцах горада раздавалі кнігі з вершамі Уладзіміра Някляева і расказвалі людзям пра палітычныя судовыя працэсы. Было раздадзена больш 50 кніг з вершамі паэта, да якіх прыкладаліся раздрукоўкі з суда над ім.

12.05.2011 Змітра Бандарэнку перавялі на "Валадарку"

Палітвязня Змітра Бандарэнку 10 траўня перавялі з СІЗА КДБ у турму на вуліцы Валадарскага. Пра гэта сайту Хартыя97 паведаміла жонка палітыка Вольга Бандарэнка. 12 траўня яна змагла сустрэцца з мужам у турме.

12.05.2011 Рыгор Васілевіч: У тэрарыста мазгі набакір

Пакуль ня бачна, каб за тымі, хто ўчыніў тэракт у менскім мэтро, стаялі палітычныя сілы, заявіў генэральны пракурор Рыгор Васілевіч, адказваючы 12 траўня на пытаньні дэпутатаў Палаты прадстаўнікоў.

12.05.2011 Алеся Кіркевіча перавялі з ізалятара КДБ у турму на Валадарцы

Гарадзенца Алеся Кіркевіча, асуджанага па крымінальнай справе аб так званых “масавых беспарадках” у Мінску 19 снежня да чатырох гадоў зняволення, перавялі з сталічнага ізалятара КДБ у турму на вуліцы Валадарскага.

12.05.2011 Затрымалі трох наваполацкіх актывістаў

Каля 19 гадзін вечара 11 мая міліцэйскі патруль затрымаў трох наваполацкіх актывістаў - Віктара Калесніка, Яўгена Парчынскага і Іллю Багданава ў цэнтры горада. Ніякіх пратаколаў аб правапарушэннях па словах актывістаў, складзена не было.