Праваабарончы цэнтр «ВЯСНА»

Навіны за 9 траўня 2011

09.05.2011 Пасквіль на Шарамета не абмінуў смаргонскі “Светлы шлях”

Раней смаргонскі праваабаронца Алесь Дзергачоў характарызаваў мясцовую газету “Светлы шлях” як “нейтральную” і “апалітычную”. І раптам – амаль у кожным нумары пачалі з’яўляцца артыкулы невядомых мясцовым чытачам журналістаў, прысвечаныя Паўлу Шарамету.

09.05.2011 Праваабаронца адзначае Дзень Перамогі марафонскім бегам

Юрыст Праваабарончага цэнтра “Вясна” Уладзімір Малей з Маларыты адзначае Дзень Перамогі ва Украіне, дзе ў Ковелі адбываецца міжнародны марафон. У марафонскім забегу на 10 кіламетраў прымаюць удзел аматары бегу з Беларусі, Польшчы, Расіі і Украіны.

09.05.2011 Міністр Куляшоў – за абмежаванне волі непаўнагадовых правапарушальнікаў

Анатоль Куляшоў: "Накіраванне непаўнагадовых у спецыяльныя навучальна-выхаваўчыя і лячэбна-выхаваўчыя ўстановы будзе ўжывацца ў выпадку, калі падлеткі не сталі на шлях выпраўлення, працягваючы здзяйсняць супрацьпраўныя ўчынкі і далучаць да антыграмадскіх паводзін аднагодкаў".

09.05.2011 Тыднёвы агляд паслявыбарчай сітуацыі ў Беларусі (2-8 траўня)

На мінулым тыдні ў чатырох судах сталіцы праходзілі крымінальныя працэсы над абвінавачанымі за ўдзел у паслявыбарчым мітынгу пратэсту 19 снежня 2010 году, разглядаліся справы ў дачыненні да 22 чалавек. Вынесены жорсткія прысуды Паўлу Вінаградаву, Алесю Кіркевічу, Дзмітрыю Дразду, Андрэю Пратасені і Уладзіміру Хамічэнку. З Беларусі выправаджаны яшчэ пяцёра праваабаронцаў – прадстаўнікоў Міжнароднай назіральнай місіі. Па-ранейшаму парушаецца права на свабоду асацыяцыяў і свабоду слова, працягваецца адміністрацыйны пераслед.

09.05.2011 Аналітычны агляд судовага працэсу па крымінальнай справе Вінаградава, Кіркевіча, Дразда, Хамічэнкі, Пратасені

Прадстаўнікі ПЦ “Вясна” і РПГА “БХК”, якія ажыццяўлялі маніторынг судовага працэсу, лічаць асуджэнне абвінавачаных Дзмітрыя Дразда, Паўла Вінаградава, Аляксандра Кіркевіча, Андрэя Пратасені, Уладзіміра Хамічэнкі па ч. 2 арт. 293 КК Рэспублікі Беларусь незаконным і палітычна матываваным. А вынесеныя ім паводле судовага прысуду тэрміны і ўмовы адбыцця пакарання - жортскім і непрапарцыйным пакараннем у параўнанні са здзейсненымі імі правапарушэннямі.