Праваабарончы цэнтр «ВЯСНА»

Навіны за 6 траўня 2011

06.05.2011 Андрэя Пачобута пакідаюць пад вартай

Журналіста Андрэя Пачобута, якога абвінавачваюць у парушэнні адразу двух артыкулаў Крымінальнага кодэксу: абраза прэзідэнта і паклёп на прэзідэнта, наведаў ягоны адвакат Аляксандар Бірылаў. Ён паведаміў, што меру стрымання абвінавачанаму змяніць не ўдалося.

06.05.2011 Пераслед расійскіх праваабаронцаў працягваецца

Сёння прыкладна ў 20:30 людзі, якія назвалі сябе супрацоўнікамі міграцыйнай службы, пачалі ламіцца ў дзверы ў кватэру ў доме па вул. Чырвонай у Менску, дзе знаходзіліся прадстаўніцы Міжнароднай назіральнай місіі Любоў Захарава, Ірына Байкачова і Кацярына Карасцялёва. У выніку грамадзянкі Расіі з рэчамі дастаўленыя ў Савецкі РАУС.

06.05.2011 Забраць - не праблема. Праблема - вярнуць!

Барысаўскія міліцыянты цяпер вырашаюць вельмі складаную праблему: як вярнуць канфіскаваную пры ператрусе ў актывістаў кампаніі «Гавары праўду!» маёмасць. Прычым, 18 траўня споўніцца роўна год, як маёмасць апынулася ў “праваахоўных органах”.

06.05.2011 У рэгістрацыі Баранавіцкага аб’яднання “Кабзар” -- адмоўлена

Брэсцкае ўпраўленне юстыцыі адмовіла ў рэгістрацыі Баранавіцкаму грамадскаму аб’яднанню ўкраінцаў “Кабзар”. Гэта стала вядома з ліста, які 5 траўня атрымаў старшыня аргкамітэту па стварэнні арганізацыі Мікалай Чарнавус.

06.05.2011 ДзяржСМІ супярэчаць адно аднаму

Пра правы чытачоў на аб'ектыўную і праўдзівую інфармацыю дзяржаўныя журналісты часам забываюць. Дайшло да таго, што нават пра мясцовыя навіны ў мясцовых выданнях (прынамсі, гомельскіх) можна прачытаць абсалютна супярэчліваю інфармацыю.

06.05.2011 У Сяргея Каваленкі – арышт з перапынкамі

За час 15-суткавага арышту, якія віцебскі актывіст КХП БНФ адбывае з 1 красавіка паводле распараджэння крымінальна-выканаўчай інспекцыі, Сяргея Каваленку двойчы адпускалі з ІЧУ па стане здароўя. Сёння за ім зноў прыехалі, каб ён дабыў арышт да канца.

06.05.2011 У Бялынічах выказалі салідарнасць з палітвязнямі

У гарадскім пасёлку Бялынічы і шэрагу населеных пунктаў Бялыніцкага раёна з’явіліся ўлёткі з патрабаваннем вызвалення палітвязняў. Акцыю правялі мясцовыя актывісты кампаніі “Гавары праўду!”.

06.05.2011 Па справе падпала бабруйскага КДБ з’явіліся прэтэнзіі ў 2 мільярды рублёў

Рушанія Васьковіч: "Размова ішла нават пра нейкія два мільярды беларускіх рублёў, якія быццам бы павінныя заплаціць хлопцы за тое, што “хацелі спаліць КДБ”. Але пры гэтым пра артыкул 218 (пашкоджанне маёмасці) нават не ўзгадвалі".

06.05.2011 Палітычнае супрацьстаянне па-івацэвіцку

Сябра Аб’яднанай грамадзянскай партыі Казімір Каржынеўскі з вёскі Любішчыцы Івацэвіцкага раёна накіраваў пракурору Івацэвіцкага раёна скаргу, дзе просіць праверыць законнасць і абгрунтаванасць судовай пастановы па яго адміністрацыйнай справе.

06.05.2011 Мемарандум Камітэта міжнароднага кантролю за сітуацыяй з правамі чалавека ў Рэспубліцы Беларусь

Зыходзячы з праведзенага намі аналізу падстаў ўзбуджэння, расследавання і судовага разгляду шэрагу крымінальных спраў * у адносінах да асобаў, якія маюць дачыненне да падзеяў 19 сьнежня 2010 г., і, перш за ўсё, з асноўных палажэнняў даклада Спецыяльнага дакладчыка Камітэта, матэрыялаў незалежнага судовага маніторынгу, якое ажыццяўляецца Міжнароднай назіральнай місіяй камітэта, і іншых яе аналітычных дакументаў, лічым неабходным канстатаваць, што:

06.05.2011 Валянцін Стэфановіч: Мы прызнаем асуджаных палітвязнямі

Такую пазіцыю агучыў юрыст Праваабарончага цэнтру "Вясна" ў інтэрв'ю Радыё Свабода, камэнтуючы прысуды Паўлу Вінаградаву, Дзмітрыю Дразду, Алесю Кіркевічу, Андрэю Пратасеню, Уладзіміру Хамічэнку. Валянцін Стэфановіч адсочваў увесь працэс па крымінальнай справе гэтых удзельнікаў Плошчы-2010.

06.05.2011 Суд над абвінавачанымі ў падпале будынку КДБ працягнецца 17 траўня

5 траўня ў Бабруйску распачаўся суд над Яўгенам Васьковічам, Арцёмам Пракапенкам і Паўлам Сырамолатавым, якіх абвінавачваюць у падпале будынка мясцовага аддзяленьня КДБ (частка 2 артыкул 339 Крымінальнага кодэксу — «Асабліва злоснае хуліганства»). Ім пагражае ад 7 да 12 гадоў турэмнага зьняволеньня. Cуддзя Павел Карцінін.