Праваабарончы цэнтр «ВЯСНА»

Навіны за Красавік 2011

29.04.2011 Марэк Мігальскі ўзяў шэфства над Зміцерам Бандарэнкам

Марэк Мігальскі, дэпутат у Еўрапейскі Парламент і член-намеснік Дэлегацыі па суадносінах Беларусь - ЕС у рамках кампаніі праваабарончай арганізацыі Libereco ўзяў шэфства над Зміцерам Бандарэнкам.

29.04.2011 Зміцер Дашкевіч развітаўся з памерлай маці

Кіраўнік Маладога фронту Зміцер Дашкевіч, асуджаны на два гады пазбаўлення волі, развітаўся са сваёй памерлай маці ў моргу Слуцка. Ён быў прывезены туды пад канвоем са следчага ізалятара.

29.04.2011 Актывіста "Еўрапейскай Беларусі" аштрафавалі за салідарнасць

Суд Цэнтральнага раёна 28 красавіка прысудзіў актывіста "Еўрапейскай Беларусі" Аляксандра Кудлаева да штрафу ў памеры 50 базавых велічынь.

29.04.2011 У Мінску прайшла акцыя "Стоп бензін", міліцыя затрымлівала арганізатара

Арцём Шаркоў паспеў заправіць 2 літры бензіну і разлічыцца купюрамі ў 10, 20 і 50 рублёў. Неабходныя 6600 нават не пралезлі ў акенца касіра.

29.04.2011 Падтрымаем «Народную волю» і «Нашу Ніву»! Звернемся ў Мінінфармацыі з заклікам адмовіцца ад зыскаў!

“Калі справа дойдзе да суда, прадухіліць закрыццё газет будзе ўжо бадай немагчыма», - лічыць юрыст, намеснік старшыні ГА “БАЖ” Андрэй Бастунец.

29.04.2011 У Беларусі праваабаронцаў выдаляюць з краіны проста з будынка суда

28 красавіка, пасьля затрыманьня ў судзе і дастаўлення ў райаддзел міліцыі, прадстаўніку Міжнароднай назіральнай місіі Івану Кандраценка ўручаны загад пакінуць тэрыторыю Рэспублікі Беларусь на працягу 24 гадзін. Складваецца ўражанне, што выправаджэнне праваабаронцаў і забарона іх ўезду ў краіну становіцца ўжо нормай для беларускіх уладаў.

28.04.2011 Гарадзенскай актывістцы Кацярыне Герасімчык вярнулі тэхніку

Кацярыне Герасімчык праз два месяцы аддалі забраныя пад час ператрусу рэчы, у тым ліку ноўтбук. Нагадаем, што 12 лютага моладзевая актывістка была затрымана супрацоўнікамі міліцыі непадалёк помніка Леніна па падазрэнні ў нанясенні на пастамент графіці.

28.04.2011 Арганізатара акцыі «Стоп бензін 2» выклікалі ў міліцыю

Рэспубліканская акцыя «Стоп бензін 2» пройдзе сёння ў Мінску і іншых гарадах краіны. Аўтамабілісты будуць пратэставаць супраць павышэння коштаў на паліва.

28.04.2011 Расійскі праваабаронца павінен на працягу сутак пакінуць Беларусь

Расійскі праваабаронца Іван Кандраценка павінен на працягу 24 гадзін пакінуць тэрыторыю Беларусі. Як адзначана ў адпаведным дакуменце, ён унесены ў спіс асобаў, знаходжанне якіх на тэрыторыі Рэспублікі Беларусь непажадана.

28.04.2011 Жодзінская міліцыя папярэдзіла дэмактывістаў (дапоўнена)

Дэмактывістаў, удзельнікаў сённяшняга семінара, Жодзінская міліцыя папярэдзіла, што калі працягнуць мерапрыемства ці яшчэ раз збяруцца ў Жодзіна, зноў трапяць у ГАУС.

27.04.2011 Апазіцыя прапануе «Гомельскай праўдзе» абмеркаваць праблемы свабоды слова

Каардынацыйная рада гомельскай кааліцыі АДС накіраваў рэдакцыі абласной газеты «Гомельская праўда» зварот з прапановай зладзіць сумесны круглы стол да 3 мая — сусветнага Дня свабоды друку.

27.04.2011 Вобыскі ў Бабруйску працягваюцца

Бабруйчанін Максім Чарняк, якога апошнім часам даволі часта выклікалі на допыты ў міліцыю, сцвярджае, што ўвага да яго з боку праваахоўных органаў не зменшылася.

27.04.2011 У Барысаве і Брэсце першамайскія пікеты забаранілі

Заяўнік пікету, прымеркаванага да Міжнароднага дня салідарнасці працоўных, старшыня Барысаўскай гарадской арганізацыі прафсаюза работнікаў радыёэлектроннай прамысловасці (РЭП) Мікалай Пахабаў атрымаў адказ з мясцовага райвыканкама.

27.04.2011 У Гомелі распаўсюджваюцца запрашэнні на санкцыянаваны мітынг апазіцыі

«Калі вы за абарону правоў чалавека працы, за сацыяльна-эканамічную стабільнасць, супраць павышэння коштаў, супраць рашэння створаных уладамі эканамічных праблем за кошт простых людзей — мы чакаем вас на мітынгу», - гаворыцца ў запрашэнні.

27.04.2011 Бараніць правы працоўных таксама забаронена

Запланаваны дэмакратычнымі актывістамі Салігорска першатравеньскі пікет у абарону правоў працоўных забаронены мясцовымі чыноўнікамі. Афіцыйнай прычынай адмовы ў правядзенні пікету ўладамі была зноў названа рэканструкцыя стадыёну, якая разам з тым не замінае правядзенню на ім матчаў ФК “Шахцёр”, на якія збіраюцца тысячы жыхароў гораду.