Праваабарончы цэнтр «ВЯСНА»

Навіны за 27 красавіка 2011

27.04.2011 Апазіцыя прапануе «Гомельскай праўдзе» абмеркаваць праблемы свабоды слова

Каардынацыйная рада гомельскай кааліцыі АДС накіраваў рэдакцыі абласной газеты «Гомельская праўда» зварот з прапановай зладзіць сумесны круглы стол да 3 мая — сусветнага Дня свабоды друку.

27.04.2011 Вобыскі ў Бабруйску працягваюцца

Бабруйчанін Максім Чарняк, якога апошнім часам даволі часта выклікалі на допыты ў міліцыю, сцвярджае, што ўвага да яго з боку праваахоўных органаў не зменшылася.

27.04.2011 У Барысаве і Брэсце першамайскія пікеты забаранілі

Заяўнік пікету, прымеркаванага да Міжнароднага дня салідарнасці працоўных, старшыня Барысаўскай гарадской арганізацыі прафсаюза работнікаў радыёэлектроннай прамысловасці (РЭП) Мікалай Пахабаў атрымаў адказ з мясцовага райвыканкама.

27.04.2011 У Гомелі распаўсюджваюцца запрашэнні на санкцыянаваны мітынг апазіцыі

«Калі вы за абарону правоў чалавека працы, за сацыяльна-эканамічную стабільнасць, супраць павышэння коштаў, супраць рашэння створаных уладамі эканамічных праблем за кошт простых людзей — мы чакаем вас на мітынгу», - гаворыцца ў запрашэнні.

27.04.2011 Бараніць правы працоўных таксама забаронена

Запланаваны дэмакратычнымі актывістамі Салігорска першатравеньскі пікет у абарону правоў працоўных забаронены мясцовымі чыноўнікамі. Афіцыйнай прычынай адмовы ў правядзенні пікету ўладамі была зноў названа рэканструкцыя стадыёну, якая разам з тым не замінае правядзенню на ім матчаў ФК “Шахцёр”, на якія збіраюцца тысячы жыхароў гораду.

27.04.2011 Суд над віцебскім журналістам Уладзіславам Стараверавым працягнецца 10 траўня

27 красавіка працэс распачала суддзя Кастрычніцкага райсуду Алеся Жарыкава. У якасці сведкаў з’явіліся супрацоўнікі міліцыі, якім не падабалася, што журналіст іх фатаграфуе, і віцебскія актывісты, гатовыя распавесці пра тое, як жорстка міліцыянты збівалі Уладзіслава Стараверава падчас затрымання.

27.04.2011 У Магілёўскай вобласці 80% турмаў -- перанаселеныя

Пракуратура праверыла турмы і СІЗА Магілёўскай вобласці. Па выніках праверкі стала вядома, што 80% калоній, у тым ліку і Бабруйскі следчы ізалятар №5, з’яўляюцца перанаселенымі.

27.04.2011 У Жодзіна помнік чарнобыльцам адкрылі двойчы

Учора, у 25-ю гадавіну катастрофы на Чарнобыльскай АЭС, у Жодзіна ў другі раз «адкрылі» помнік ліквідатарам. Нагадаем, 22 красавіка помнік ужо адкрывалі: на цырымоніі прысутнічаў ініцыятар закладкі памятнага знака дэмактывіст Аляксандр Валчанін.

27.04.2011 Мінінфармацыі ініцыявала закрыццё газет «Наша Ніва» і «Народная воля»

Міністэрства інфармацыі падало зыскавыя заявы ў Вышэйшы гаспадарчы суд аб спыненні выпуску газет «Наша Ніва» і «Народная воля». Гэтае паведамленне распаўсюдзіла 27 красавіка агенцтва БелТА са спасылкай на Міністэрства інфармацыі.

27.04.2011 Ігару Трухановічу - 10 сутак арышту

Суд Фрунзенскага раёна Менска 27 красавіка разгледзеў адміністратыўную справу грамадскага актывіста і прызнаў яго вінаватым у дробным хуліганстве (арт. 17.1 КаАП). Пратакол на Ігара быў складзены 26 красавіка пры затрыманні каля будынку гэтага суда, калі там праходзілі працэсы па справах удзельнікаў пікету супраць будаўніцтва Астравецкай АЭС.

27.04.2011 Глыбоцкага актывіста будуць судзіць за пікет салідарнасці з палітвязнямі

Пікет праходзіў у Глыбокім яшчэ 19 сакавіка, прычым з дазволу мясцовых уладаў. Але сёння да арганізатара Яраслава Берніковіча прыйшлі міліцыятны і склалі пратакол за парушэнне заканадаўства пра масавыя акцыі.

27.04.2011 Суды за Плошчу: Зьміцеру Бандарэнку - 2 гады калоніі

Судзьдзя Тацяна Равінская агучыла прысуд каардынатару "Еўрапейскай Беларусі", даверанай асобе экс-кандыдата ў прэзідэнты Андрэя Саньнікава Зьмітру Бандарэнку - 2 гады калоніі агульнага рэжыму.

27.04.2011 У Жодзіна «маёўка» забаронена

«Адказ - адмоўны, - сказалі жодзінскія ідэолагі. - Заява на правядзенне пікету 1 мая 2011 года не адпавядае артыкулу 5 Закона «Аб правядзенні масавых мерапрыемстваў». Патлумачыць, у чым менавіта праяўляецца «неадпаведнасць», у аддзеле ідэалогіі Жодзінскага гарадскога выканкама адмовіліся.

27.04.2011 Дарафеева такі наогул звольнілі з АНТ

Мне было прапанавана напісаць заяву аб звальненьні. Я напісаў, — пракаментаваў Сяргей Дарафееў навіна аб сваім звальненьні з тэлеканала АНТ.

27.04.2011 Барысаўскіх дэмакратаў пільнуюць людзі ў цывільным

Сёння ў Барысаве павінна адбыцца сустрэча дэмактыва горада, дзе плануецца абмеркаваць паўсядзённыя пытанні. З самай раніцы некаторыя дэмакраты заўважылі, што «нешта не так ». Як паведамляюць арганізатары сустрэчы Сяргей Салаш і Міхаіл Васільеў, яны ўжо адчуваюць на сабе пільную ўвагу нейкіх «людзей у цывільным ».