Праваабарончы цэнтр «ВЯСНА»

Навіны за 21 красавіка 2011

21.04.2011 Уладзімір Шульжыцкі вызвалены

Увечары 21 красавіка пасля 17 гадзінаў быў адпушчаны моладзевы актывіст Уладзімір Шульжыцкі, які суткі правёў у Смаргонскім КДБ. На пытанне аб тым, чаму ён быў затрыманы, Уладзімір адказаў, што не мае права нічога распавядаць.

21.04.2011 Магілёўскую краму “Евроопт” замініравалі?

Сёння днём крама “Евроопт”, што знаходзіцца на вуліцы Піянерскай у цэнтры Магілёва, была ачэплена супрацоўнікамі міліцыі. Усе наведвальнікі, а таксама персанал крамы былі выдалены на вуліцу на адлегласць 50 метраў ад будынка. Праз некалькі хвілін да крамы пад’ехаў грузавік з надпісам на бартах “размініраванне”.

21.04.2011 Скарга журналіста Уладзіміра Лапцэвіча не задаволена

Магілёўскі абласны суд не задаволіў скаргу журналіста “БелаПАН” Уладзіміра Лапцэвіча. Журналіст намагаўся адмены адміністрацыйнага спагнання ў выглядзе сямі сутак адміністрацыйнага арышту, вынесенага суддзёй Ленінскага раённага суда Магілёва Ірынай Ланчавай 28 сакавіка.

21.04.2011 Ператрус у Маладзечне звязаны са справай затрыманага У. Шульжыцкага

У прыватным доме правабаронцы з Маладзечна Аляксея Капуцкага сёння ў першай палове дня адбыўся ператрус. Гаспадара ў гэты час не было дома. Затое супрацоўнікі УКДБ па Гродзенскай вобласці прывезлі з сабой яго знаёмага -- затрыманага днём раней маладафронтаўца Уладзіміра Шульжыцкага, у якога былі ключы ад дома.

21.04.2011 Былы адвакат Уладзімір Тоўсцік не губляе надзею аднавіць ліцэнзію праз суд

Пазбаўлены адвакацкай ліцэнзіі былы адвакат Ірыны Халіп Уладзімір Тоўсцік спрабуе праз суд аднавіць ліцэнзію на працу. 28 красавіка будзе прынята судовае рашэнне ў справе былога адваката.

21.04.2011 Прэс-каферэнцыі па "Чарнобыльскаму шляху" перашкодзілі вучэньні па радыяцыйнай бяспецы

Прэс-канферэнцыя аргкамітэту "Чарнобыльскага шляху", прысьвечанага 25-м угодкам аварыі на Чарнобыльскай АЭС, адбылася на прыступках гатэля "Арбіта".

21.04.2011 Сайт барысаўскай “раёнкі” далучыўся да масавага шэльмавання

Сёння на сайце газеты “Адзінства” Барысаўскага райвыканкама з'явіліся артыкулы “Шеремет - лгун. Штрихи к портрету” і “Поворотись-ка, сынку!”, у якіх шэльмуюцца прадстаўнікі беларускай апазіцыі. Трэба адзначыць, што ў апошні час друкаваная версія “Адзінства”, роўна як і версія электронная, напрамую палітычных тым не тычылася.

21.04.2011 У Мінску быў затрыманы відэааператар Павал Падабед

Аператара затрымалі супрацоўнікі Маскоўскага РУУС Мінска для праверкі дакументаў у час выканання задання рэдакцыі.

21.04.2011 Паўла Станеўскага хціва асудзілі на 8 сутак арышту

Паўла Станеўскага, якога затрымалі разам з Паўлам Левінавым, Вольгай Карач і Алегам Баршчэўскім сёньня раніцай прысудзілі да 8 сутак арышту ў судзе Фрунзенскага раёна Менска. Пакуль вядома, што ён пасьля вызваленьня з-пад варты быў ізноў затрыманы міліцыяй.

21.04.2011 Юрыст Праваабарончага цэнтра “Вясна” Уладзімір Малей прывёз медаль з Міланскага марафона

Наш калега, юрыст Праваабарончага цэнтра “Вясна” з Маларыты Уладзімір Малей прыняў удзел у знакамітым Міланскім марафоне, дзе бралі ўдзел больш за тры тысячы бегуноў са ўсяго свету. Віншуем Уладзіміра Малея і жадаем яму далейшых перамог – спартыўных і прафесійных.

21.04.2011 Пасля затрымання падазраваных у тэракце 11 красавіка – маштабныя праверкі ў Віцебску

Правяраюць навучальныя установы, дзе вучыліся ўраджэнцы Віцебску – меркаваныя арганізатары тэракту ў мінскім метро, а таксама прадпрыемствы, дзе яны працавалі. Вынікі праверак – звальненні і вымовы.

21.04.2011 СМІ Салігоршчыны вярнуліся ў культурніцка-калгаснае “гета”

Агляд публікацый і матэрыялаў сродкаў масавай інфармацыі Салігорскага рэгіёна ў паслявыбарчы перыяд дазваляе канстатаваць вяртанне дзяржаўных і праўладных СМІ у “гета” культурніцка-калгаснай тэматыкі. Падобна на тое, што яны ўзялі на ўзбраенне даклад Алены Яловік для студэнтаў БДУ аб змяншэнні колькасці негатыўных навінаў і пачалі “лакіраваць рэчаіснасць”.

21.04.2011 У Пінску павінны зрабіць дактыласкапію яшчэ 5 тысячам гараджан

У пінскіх СМІ была зладжана цэлая рэкламная кампанія пад назвай “Адбіткі пальцаў: сёння гэта актуальна”. У мясцовых газетах і тэлеканалах намеснік начальніка пінскай міліцыі папулярна тлумачыў, якая карысць ад тых адбіткаў, хто іх павінен здаваць і якая кара напаткае тых , хто адмовіцца “катаць пальчыкі”.

21.04.2011 Лідэра бабруйскіх сацыял-дэмакратаў дапыталі ў КДБ

20 красавіка на працягу трох годзін дапытвалі лідэра бабруйскіх сацыял-дэмакратаў Юрыя Грынявецкага. Допыт вёў старэйшы лейтэнант КДБ Сілкоў. На допыт у якасці грамадскага прадстаўніка не быў дапушчаны сябра БСДП (Грамады) Уладзімір Чабан.

21.04.2011 Уладзімір Шульжыцкі затрыманы

Актывіста незарэгістраванай арганізацыі “Малады фронты” ад 20 красавіка трымаюць у пастарунку. Ноччу ў ягонай кватэры правялі паўторны ператрус. Уладзімера Шульжыцкага 20 красавіка выклікалі ў пракуратуру Смаргонскага раёну. Ён паведаміў “Свабодзе”, што яго дапытвалі ў справе выбуху ў мэтро.