Праваабарончы цэнтр «ВЯСНА»

Навіны за Студзень 2011

05.01.2011 Двум расейцам прад'явілі абвінавачаньні

Двум расейцам, затрыманым у сувязі з падазрэньнем у датычнасьці да масавых беспарадкаў у Менску, прад'яўленае абвінавачаньне.

05.01.2011 Актывіст кампаніі “Гавары праўду” з допыту не вярнуўся. Яго трымаюць у ІЧУ на Акрэсціна

Уначы прайшоў ператрус на кватэры, якую здымаў актывіст кампаніі “Гавары праўду” Павел Вінаградаў са сваёй дзяўчынай. Ператрус праводзіў следчы Першамайскага РУУС Менска Фіцэр Аляксандр.

05.01.2011 Заўтра суд разгледзіць скаргу адвакатаў Някляева

Хадайніцтва аб змяненні меры стрымання Уладзіміру Някляеву будзе разгледжана заўтра ў судзе Цэнтральнага раёна Мінска.

05.01.2011 Амбасадары ЕС просяць аб сустрэчы са зняволенымі кандыдатамі

Амбасадары краін Еўрасаюза просяць беларускія ўлады даць магчымасць сустрэцца з затрыманымі 19 снежня кандыдатамі ў прэзідэнты і іх даверанымі асобамі з мэтай ацаніць стан здароўя зняволеных і атрымаць ад падазраваных па крымінальнай справе інфармацыю пра стаўленне да іх у СІЗА КДБ.

05.01.2011 На допыты у КДБ выклікаюць новых грамадзян (Дапаўняецца)

Сёньня на беларуска-літоўскай мяжы з цягніка зьнялі студэнта ЕГУ Глеба Хамутова, які адбыў 12 сутак арышту ў Жодзіна. Цяпер праводзяць допыт па пытаньнях удзелу ў акцыі пратэсту 19 сьнежня.

05.01.2011 Вынікі судоў над затрыманымі 19-21 снежня (абноўлена)

Праваабарончы цэнтр “Вясна” атрымлівае інфармацыю ад праваабаронцаў, моладзевых актывістаў, родных затрыманых і сяброў, пра вынікі рашэнняў судоў над ўдзельнікамі мірнай акцыі пратэсту 19 снежня. Інфармацыя дапаўняецца.

05.01.2011 Ператрус у офісе БХК завяршыўся, пачынаецца ў кватэры Алега Гулака (Аднаўляецца)

12-20. Ператрус на офісе БХК завяршыўся. Сканфіскавалі два сістэмныя блокі ды сервер. Затым аператыўнікі паехалі дадому да старшыні арганізацыі Алега Гулака дзеля яшчэ аднаго пертрусу.

05.01.2011 Сяргей Клюеў – чарговы падазраваны па крымінальнай справе аб масавых беспарадках

3 студзеня пад час вызваленьня з ІЧУ на Акрэсціна арыштаванаму на 15 сутак Сяргею Клюеву следчы Партызанскага РУУСа прад’явіў пастанову аб прызнаньні яго падазраваным па крымінальнай справе, распачатай па артыкулу 239 Крымінальнага кодэксу РБ (масавыя беспарадкі). Увесь час знаходжаньня пад арыштам яго выклікалі на допыты.

05.01.2011 Алеся Кіркевіча чакае новы суд

Падчас адсідкі дзесяцісутачнага тэрміну на Акрэсьціна юнаку была ўручана позва для яўкі на суд у Горадню 6 студзеня. На гэты раз па справе ўдзелу ў “несанкцыянаваным мітынгу” Статкевіча.

05.01.2011 Віктар Даніловіч адшукаўся

Адзін з арыштаваных удзельнікаў акцыі пратэсту 19 снежня Віктар Даніловіч 3 студзеня быў вызвалены з ізалятара часовага ўтрыманьня ў Жодзіна, пасьля таго, як адседзеў 15 сутак. Зараз ён на волі і, па ягоных словах, пакуль ніхто яго на допыты не выклікаў.

05.01.2011 Гродзенскага актывіста КДБ дапытваў чатыры гадзіны

Грамадскага актывіста з Гродна Яна Лялевіча ў трэці раз дапыталі ў Камітэце дзяржаўнай бяспекі.

04.01.2011 Праваабаронца Наста Лойка дапытана ў КДБ у якасці сведкі

У 20.30 завершыўся допыт праваабаронцы Насты Лойкі ў КДБ. Наста паведаміла, што яна дапытана ў якасці сведкі па падзеях 19 снежня ў Мінску, але паколькі яна дала падпіску аб неразгалошванні, то падрабязнасці допыту паведаміць не можа.

04.01.2011 Гарадзенскага праваабаронцу зноў выклікаюць у КДБ

Гарадзенскага праваабаронцу і журналіста Уладзіміра Хільмановіча зноў выклікалі ў мясцовае аддзяленне КДБ. Яму патэлефанаваў следчы Грынкевіч і сказаў, што на гэты раз праваабаронцу выклікаюць на допыт у якасці сведкі па падзеях 19 снежня ў Мінску.

04.01.2011 УВАГА! Просім дапамагчы знайсці Віктара Даніловіча

Праваабарончы цэнтр "Вясна" просіць усіх, хто ведае, дзе зараз знаходзіцца Даніловіч Віктар, паведаміць нам. Па інфармацыі, атрыманай ад тых, хто адбываў з ім адміністратыўны арышт у Жодзіна, Віктар мог быць затрыманы ў межых крымінальнай справы аб масавых беспарадках.

04.01.2011 Ператрусы працягваюцца (дадаецца)

Пра ператрусы, праведзеныя сёння ў сябе на кватрэх супрацоўнікамі КДБ, праваабаронцам паведамілі менскія дэмакратычныя актывісты Аляксандр Пяткевіч і Андрэй Прасняк, а таксама адзін з лідараў прадпрымальніцкага руху Алесь Макаеў.