Праваабарончы цэнтр «ВЯСНА»

Навіны за Сьнежань 2010

02.12.2010 Светлагорск: Было 3 - стала 23

Відаць, райвыканкам узяў курс на лібералізацыю - спіс пляцовак пашырыўся з 3-х да 23-х. Што цікава - у Светлагорску замест адной пляцоўкі праводзіць сходы з выбаршчыкамі дазволена зараз на 5 пляцоўках, астатнія ж - у аграгарадках, і ўсе яны - каля сельскіх дамоў культуры. Раней пляцовак у аграгарадках у спісе дазволеных не было.

02.12.2010 Брагінская газета выканала інструкцыю – змясціла «правільныя» адказы на пытанні

Галоўнае ўпраўленне ідэалагічнай работы Гомельскага аблвыканкама даслала ў рэдакцыі дзяржаўных газет ліст з прапановай правесці апытанне жыхароў вобласці на тэму прэзідэнцкіх выбараў. У згаданым лісце ўпраўлення ідэалогіі былі не толькі прапанаваныя для апытання пытанні, але і падрыхтаваныя ідэалагічна правільныя адказы на іх.

02.12.2010 Барысаў. Пра кандыдатаў - альбо нічога, альбо са здекам

У друкаванай версіі газеты Барысаўскага райвыканкаму "Адзiнства", якая выйшла 1 снежня 2010 г., ні слова не сказана пра апазіцыйных кандыдатаў у прэзідэнты. Затое ў электроннай версіі рэпартажы з сустрэч Раманчука і Саннікава напісаныя ў відавочна здзеклівым тоне.

02.12.2010 Слонім: Выбаршчыкі папрасілі чыноўніка-ідэолага сядзець ціха

Падчас сустрэчы з кандыдатам Кастусёвым першым пытанне вырашыў задаць супрацоўнік ідэалагічнага аддзела Слонімскага райвыканкама Канстанцін Дзятчык. Але ён адразу накінуўся на сяброў партыі БНФ, згадаў 90-я гады, пачаў крытыкаваць Зянона Пазняка і хваліць Аляксандра Лукашэнку.

02.12.2010 Віцебскія газеты заблытваюць выбаршчыкаў

Пра сустрэчы з апазіцыйнымі кандыдатамі з’яўляецца непраўдзівая інфармацыя – СМІ памыляюцца з месцамі і часам сустрэч, а пра тое, як тыя сустрэчы праходзяць – не пішуць увогуле.

02.12.2010 2 сьнежня – Міжнародны дзень барацьбы за скасаваньне рабства

Міжнародны дзень барацьбы за скасаваньне рабства, які традыцыйна адзначаецца 2 сьнежня, зьвязаны з датай прыняцьця ў 1949 годзе Генэральнай Асамблеяй ААН Канвэнцыі аб барацьбе з гандлем людзьмі і з эксплуатацыяй прастытуцыі трэцімі асобамі.

02.12.2010 Ідэалагічная праца "вертыкалі" ўзмацнілася

У апошнія некалькі тыдняў значна ўзрасла ідэалагічная дзейнасць салігорскай "вертыкалі". Усплеск актыўнасці “дзіўным чынам” супаў са стартам агітацыйнага этапу выбараў Прэзідэнта.

02.12.2010 Лельчыцы: “Светлае жыццё” агітуе толькі за Лукашэнку

Лельчыцкая грамадска-палітычная газета “Светлае жыццё” на сваіх старонках пачала агітаваць за дзейнага Прэзідэнта РБ Аляксандра Лукашэнку. Агітацыю праводзяць вуснамі яго самага надзейнага электарату - пенсіянераў. У нумары ад 27 ліпеня выданне змясціла артыкул “Сделать правильный выбор” былой настаўніцы Валянціны Сюцюкавай.

02.12.2010 Баранавічы: Першы пастаянны пікет у падтрымку Уладзіміра Някляева

Нягледзячы на маразы, 1 снежня ў Баранавічах пачаў дзейнічаць першы пастаянны інфармацыйна-агітацыйны пікет у падтрымку Уладзіміра Някляева. Ён усталяваны амаль у цэнтры горада - ля гарадскога Дому афіцэраў.

02.12.2010 Баранавічы: Cустрэча з Кастусёвым прайшла без аншлага, але з аўтографамі

Найбольш актыўны ўдзел у дыскусіі з кандыдатам ў прэзідэнты Рыгорам Кастусёвым прынялі мясцовыя БРСМаўцы і іх старшыня Сяргей Пяцігораў.

02.12.2010 Паўла Севярынца сустрэлі правакацыйнымі пытаннямі

Як распавёў Павел Севярынец, давераная асоба кандыдата ў Прэзідэнты Віталя Рымашэўскага, у Паставах на агітацыйны сход прыйшлі людзі, якія мэтанакіравана спрабавалі сарваць імпрэзу.

02.12.2010 Барысаў: Гендырэктар дазволіў гендырэктару правесці сустрэчу з выбаршчыкамі на прадпрыемстве ў працоўны час

У сераду, 1 снежня, на тэрыторыі барысаўскага ААТ «Экран» прайшла сустрэча даверанай асобы кандыдата ў дэпутаты Аляксандра Лукашэнкі, генеральнага дырэктара ААТ «БАТЭ» Анатоля Капскага з работнікамі прадпрыемства. Сустрэча пачалася ў 15.00, у той час як працоўны дзень заканчваецца не раней 15.30.

01.12.2010 Улады фармуюць армію «сваіх назіральнікаў»

Старшыні ўчастковых камісій атрымалі заданне сфармаваць брыгады назіральнікаў. Апошніх навучаюць таму, як супрацьстаяць «цікаўным» журналістам і назіральнікам пры падліку галасоў на ўчастку, нейтралізаваць асабістае меркаванне назіральнікаў і засведчыць чарговую «элегантную» перамогу. Пра гэта даведалася назіральнік ад ГА "БНФ "Адраджэньне" Валянціна Свяцкая, наведаўшы 30 лістапада семінар-трэнінг для старшыняў участковых камісій Маскоўскага раёна г.Мінска.

01.12.2010 Бабруйск: Агітацыя ў СМІ -- толькі за дзеючага прэзідэнта

Гарадскія газеты ў перыяд агітацыі абралі тактыку маўчання і друкуюць агульную інфармацыю, датычную выбараў. Выключэнне – хіба што рупар гарвыканкама “Бабруйскае жыццё”, які аддана піярыць толькі аднаго кандыдата, дзеючага прэзідэнта.

01.12.2010 Шклоў: На малой радзіме Лукашэнкі з выбаршчыкамі сустрэўся Някляеў

Назіральнік Міхаіл Кучарэнка: "Сустрэча Уладзіміра Някляева прайшла ў цэлым арганізавана, ніякіх перашкод яе правядзенню не чынілася. Я асабіста не лічыў, колькі людзей пажадала сустрэцца з кандыдатам, магу толькі адзначыць, што было больш за пяцьдзесят. Людзей магло было б быць больш, але сустрэча адбывалася ў працоўны час".