Праваабарончы цэнтр «ВЯСНА»

Навіны за Сьнежань 2010

06.12.2010 Салігорск: Піяр-акцыя да выбараў за кошт прадпрыемстваў

Па загадзе раённага кіраўніцтва работнікі "Будтрэста №3", камунальнікі і нібыта актывісты БРСМ усталёўвалі гульнявыя пляцоўкі. Фінансаванне адбывалася дзесяццю буйнейшымі прадпрыемствамі гораду ў "добраахвотна-прымусовым" парадку.

06.12.2010 Масты: ад сябраў каманды Рымашэўскага міліцыя патрабуе тлумачэньняў

6 сьнежня раніцай каля восьмай гадзіны ўчастковы міліцыянт прыйшоў на кватэру Алены Давідовіч, актывісткі штабу Віталя Рымашэўскага, з патрабаваньнем, каб тая пісьмова патлумачыла — хто і адкуль даставіў для іх агітацыйныя матэрыялы за кандыдата ў прэзыдэнты Віталя Рымашэўскага, якія яна з сваім сябрамі расклейвала ў горадзе.

06.12.2010 Прыхільнікам Алеся Міхалевіча пагражалі фізічнай расправай

Актывістам, якія агітуюць за Алеся Міхалевіча, пагражалі фізічнай расправай. Алесь Галавань з Віцебску распавёў Радыё Свабода, што ўжо два дні запар ён і іншыя прыхільнікі палітыка не маюць магчымасці вольна раздаваць мінакам улёткі. З тэрыторыі гандлёвага цэнтру “Эвіком” агітатараў прагналі ахоўнікі, а каля гандлёвага цэнтру “Кантынент” давялося паспрачацца з грамадзянамі, якія назваліся міліцыянтамі.

06.12.2010 Жодзіна: За Лукашэнку агітаваў Батура

У Жодзіна праходзіла зусім неанансаванай у афіцыйных мясцовых СМІ агітацыйная перадвыбарчая сустрэча старшыні Мінаблвыканкаму Барыса Батуры з жодзінцамі. Апошні выступаў у ролі даверанай асобы кандыдата А.Лукашэнкі. Перадвыбарчая агітацыя праводзілася ў працоўны час і з прыцягненнем адміністрацыйнага рэсурсу.

04.12.2010 Віцебск: Прыхільнікам Міхалевіча перашкаджаюць агітаваць

Прыхільнікам Аляксея Міхалевіча замінаюць распаўсюджваць агітацыйныя ўлёткі. З тэрыторыі гандлёвага цэнтра “Эвіком” агітатараў прагналі ахоўнікі, а каля гандлёвага цэнтру “Кантынент” нецьвярозыя грамадзяне пагражалі фізічнай расправай.

04.12.2010 “Калінкавіцкія навіны”: апытаннем па кандыдатах

Газета “Калінкавіцкія навіны” выканала ўстаноўку галоўнага ўпраўлення ідэалагічнай працы Гомельскага аблвыканкама і надрукавала апытанне сярод жыхароў раёна з агульным “адабрамс” кандыдатуры дзеючага прэзідэнта і крытыкай апанентаў.

04.12.2010 Магілёўшчына: Патрэбная яўка даведзена

Па дадзеных Магілёўскага інстытута рэгіянальных сацыяльна-палітычных даследванняў, яўка на выбары будзе складаць не менш за 85%. Акрамя гэтага старшыня Магілёўскай абласной камісіі Валеры Берастаў адзначыў, што асноўная частка насельніцтва падзяляе і падтрымлівае палітыку, якую праводзіць дзеючы прэзідэнт.

04.12.2010 Бяроза: Выбаршчыкі аспрэчваюць прапагандыстаў

Падчас сустрэчы 3 снежня кандыдата Рыгора Кастусёва з выбаршчыкамі - пасля таго, як нехта з прысутных (магчыма, і спецыяльна падрыхтаваны для адпору выказванням кандыдата) распавёў, што ў разліковых квітках настаўнікаў за лістапад стаяць сумы больш за мільён рублёў - адна жанчына не вытрымала.

04.12.2010 Брэст: Статкевіч і Ус атрымалі блаславенне і перадалі садавіну інвалідам

Па дарозе на сустрэчу з выбаршчыкамі ў Брэсце кандыдаты ў прэзідэнты Мікалай Статкевіч і Дзмітрый Ус заехалі ў Свята-Міхайлаўскую царкву ў вёсцы Сцепанкі, дзе атрымалі блаславенне ад айца Сергія, які адслужыў набажэнства за здароўе кандыдатаў.

04.12.2010 Кастусёў на Брэстчыне

Кандыдат у прэзідэнты РБ Рыгор Кастусёў наведаў Івацэвічы, Белаазёрск і Бярозу, дзе сустрэўся з выбаршчыкамі.

04.12.2010 З падлеткаў, падазраваных па справе аб гучным забойстве ў Віцебску, выбівалі паказанні

Магілёўскі абласны суд 29 лістапада прызнаў невінаватымі дваіх непаўнагадовых віцяблянаў — Аляксандра Логінава і Аляксандра Напаюка, абвінавачваных у забойстве, здзейсненым з асаблівай жорсткасцю групай асоб (па пп. 6; 15, ч.ІІ, арт. 139 КК. РБ), у чэрвені 2009 года ў Віцебску. Пасля абвяшчэння прысуду абвінавачаныя былі вызваленыя з-пад варты ў зале судовага пасяджэння. За кратамі яны правялі амаль паўтара года — 10 месяцаў цягнулася следства і 7 — судовыя пасяджэнні.

04.12.2010 Актывісты кампаніі “Грамадзянін” зладзілі акцыю ля Белтэлерадыёкампаніі

Яе мэтай было нагадаць дзяржаўнаму тэлебачанню, што ўсе кандыдаты на прэзідэнцтва маюць роўныя правы ў доступе да СМІ і непрадузятае асвятленне дзейнасці кожнага.

04.12.2010 Ужо некалькі тыдняў Андрэя Бандарэнку трымаюць у гэтак званым ПКТ, памяшканьні камэрнага тыпу.

Як распавёў Радыё Свабода бацька прадпрымальніка, некалькі дзён таму Андрэй Бандарэнка даслаў ліст, у якім прасіў перадаць яму цёплыя рэчы. Але спроба выканаць просьбу скончылася для Валера Бандарэнкі няўдачай — супрацоўнікі адміністрацыі калёніі перадачу не прынялі.

04.12.2010 Назіральнікі місіі АБСЕ пабывалі ў Бярозе

Доўгатэрміновыя назіральнікі місіі АБСЕ Брыгіта Хойер з Германіі і Корнэліс Куйман з Галандыі сустрэліся як з афіцыйнымі асобамі Бярозаўскага райвыканкама і раённай выбарчай камісіі, так і з прадстаўнікамі дэмакратычнай супольнасці.

04.12.2010 Сустрэча Рыгора Кастусёва з выбаршчыкамі ў Малечы сарваная

Давераная асоба кандыдата Анатоль Сахаруша, атрымаўшы адказ ад Бярозаўскага райвыканкама ў другой палове дня 2 снежня, звярнуўся да дырэктара ДК за дазволам на правядзенне сустрэчы. Дырэктар адказала, што без дазволу раённага начальства пытанне вырашыць немагчыма.