Праваабарончы цэнтр «ВЯСНА»

Навіны за Сьнежань 2010

07.12.2010 Студэнты ЕГУ рашуча выступаюць у абарону Міколы Дзядка

Студэнцкае прадстаўніцтва Еўрапейскага гуманітарнага ўніверсітэта звяртаецца да міжнароднай супольнасці са спадзевам на вашую падтрымку і салідарнасць са студэнтам ЕГУ Міколам Дзядком. Да звароту прыкладаецца Прававое заключэнне па справе Міколы Дзядка

07.12.2010 Гродна: Міліцыі не даведзена пастанова пра дазволеныя для агітацыі месцы?

Калі сябры каманды кандыдата ў прэзідэнты ад Аб’яднанай Грамадзянскай Партыі Яраслава Раманчука выставілі пікет каля чыгуначнага вакзалу, да іх падышлі міліцыянты і патрабавалі спыніць агітацыю.

07.12.2010 Жодзіна: Месцы для агітацыйных матэрыялаў – не падрыхтаваны

Установы і прадпрыемствы горада да гэтага часу не гатовы прадстаўляць месцы для друкаваных агітацыйных матэрыялаў. Пра гэта стала вядома ад А.Камароўскага – прадстаўніка перадвыбарчага штаба У. Някляева і Ю.Сілкіна -- актывіста каманды А. Саннікава ў Жодзіне.

07.12.2010 Бабруйск: Навучэнцам каледжа загадалі прагаласаваць датэрмінова

Бабруйскім праваабаронцам стала вядома, што ў аграэканамічным каледжы з паўнагадовымі навучэнцамі была праведзеная размова. Аб гэтым распавяла маці аднаго з навучэнцаў. Жанчына паведаміла, што студэнтаў папярэдзілі ўжо зараз, каб яны прагаласавалі датэрмінова.

07.12.2010 У Гродне значна актывізаваліся штабы апазіцыйных кандыдатаў

Галоўным гродзенскім “гайд-паркам” яшчэ з часу збору подпісаў стаў уваход на Цэнтральны, так званы Скідзельскі, рынак. Менавіта тут раздаюцца асноўныя інфармацыйныя матэрыялы і ідуць дробныя лакальныя дыскусіі, абмен думкамі з выбаршчыкамі.

07.12.2010 Да дня галасавання менш за два тыдні - пра выбары сталічныя СМІ практычна не пішуць

Маніторынг усіх асноўных афіцыйных інфармацыйных рэсурсаў сталіцы за апошні тыдзень (з 29 лістапада па 6 снежня) паказаў - стаўленне ў іх да галоўнай палітычнай падзеі пяцігоддзя практычна не змянілася.

07.12.2010 Гомель: Гарадскія ўлады не дазволілі пікет праваабаронцаў супраць датэрміновага галасавання

У канцы лістапада гомельскія праваабаронцы Леанід Судаленка і Анатоль Паплаўны накіравалі заяўку на правядзенне ў горадзе 10 снежня, у Дзень правоў чалавека, пікета. На мэце правядзення масавага мерапрыемства ставілася інфармаванне жыхароў горада аб праве не ісці на датэрміновае галасаванне.

07.12.2010 Пінск: Незаконны перадвыбарчы кіналекторый?

У Пінскім кінатэатры "Перамога" з лістапада па снежань праходзіць кіналекторый пад назвай “Выбары – справа ўсенародная”, якім падкрэсліваецца правільнасць абранага кіраўніцвам дзяржавы курсу развіцця краіны. Вось толькі кінатэатр “Перамога” не ўключаны ў пералік месцаў для перадвыбарчайя агітацыі.

07.12.2010 У Буда-Кашалёве дэмакратычным актывістам пагражаюць расправай

Нядаўна ў Гомелі быў запушчаны праект электроннай кнігі скаргаў «Не молчи!». У рамках кампаніі любы малады чалавек, які сутыкнуўся з парушэннямі Выбарчага кодэкса, можа паведаміць пра гэта на спецыяльным сэрвісе. Актывістам моладзевай ініцыятывы пагражаюць расправай, калі яны працягнуць рэкламу свайго праекта ў Буда-Кашалёве.

07.12.2010 У вёсках вакол Мінска дагэтуль няма інфармацыі пра кандыдатаў

У Мінскім раёне друкаваныя матэрыялы дазволена размяшчаць на інфармацыйных стэндах, якія, як правіла, маюцца ў кожнай вёсцы. Аднак простым вокам заўважна, што рашэнне райвыканкам прымаў дарма: месцы для агітацыі ўсё роўна пустуюць. Згодна з выбарчым заканадаўствам, да 4 снежня ўчастковыя камісіі павінны былі размясціць на тэрыторыі выбарчых участкаў друкаваныя матэрыялы з інфармацыяй пра кандыдатаў у прэзідэнты.

07.12.2010 Свядомы падман ці абыякавасць? Фотафакт

На адным з маладэчанскіх выбарчых участкаў у “Кутку выбаршчыка” было размешчана паведамленне аб тым, дзе знаходзіцца раённая выбарчая камісія, які нумар тэлефона, хто з’яўляецца старшынёй і сакратаром. Уся інфармацыя была несапраўднай.

07.12.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.

07.12.2010 Мінск: Выкладчыкам “параілі” ветліва загнаць студэнтаў на датэрміновае галасаванне

У сталічных вну поўным ходам ідзе падрыхтоўка да прымусовага датэрміновага галасавання студэнтаў. Напрыклад, з выкладчыкамі некаторых факультэтаў БДУ да адкрыцця Усебеларускага сходу ўжо праведзеныя гутаркі, каб яны “ветліва папрасілі” сваіх студэнтаў прыходзіць на заняткі з пашпартамі.

07.12.2010 Віцебск: Напярэдадні сустрэчы з Раманчуком былі пазрываныя аб'явы

Паводле Анатоля Гнеўкі, кіраўніка віцебскага выбарчага штаба кандыдата, людзей на сустрэчу прыйшло б і болей, але напярэдадні расклееныя ў цэнтры горада аб’явы былі пазрываныя – верагодна, работнікамі камунальных службаў.

07.12.2010 Пакрыўджаныя ў судах жанчыны дамагліся сустрэчы з Макеем

Актывісткі ініцыятывы «Жанчыны супроць беззаконьня ў судох і пракуратуры» правялі вулічную акцыю і дамагліся, што ў Палацы рэспублікі зь імі 5 хвілін размаўляў кіраўнік адміністрацыі прэзыдэнта.