Праваабарончы цэнтр «ВЯСНА»

Навіны за Сьнежань 2010

08.12.2010 Горкі: “Ленінскі шлях” у выразах не саромеецца

Адметным з’яўляецца тое, што пад сабранымі ў артыкуле эпітэтамі на адрас кандыдатаў -“Удручающее впечатление”, “несерьезные обещания”, “некрасиво”, “непорядочно”, “непонятный максимализм” прозвішчы дэмакратычных кандыдатаў у артыкуле наогул не ўзгадваюцца.

08.12.2010 Слонім: Агітацыйным плакатам абвешчана вайна

Дырэктар гандлёвага дома “Престиж” Галіна Казялецкая сарвала ў краме плакаты Рыгора Кастусёва. Загадчыца аптэкі № 5 на Чырвонаармейскай вуліцы таксама сарвала і выкінула плакаты гэтага кандыдата. Адмовілася вывесіць агітацыйныя матэрыялы Віталя Рымашэўскага загадчыца дзіцячай раённай паліклінікі Людміла Дзягель.

08.12.2010 “Калінкавіцкая навіны”: “Мы выбіраем Аляксандра Лукашэнку”

Газета “Калінкавіцкія навіны” працягвае агітацыю за дзеючага прэзідэнта, узгадваючы пра альтэрнатыўных кандыдатаў толькі ў адмоўным рэчышчы. Чарговая публікацыя газеты мае вельмі красамоўную назву: “Мы выбираем Александра Лукашенко”.

08.12.2010 Лельчыцы: Райвыканкам “прачнуўся” за 15 дзён да выбараў

Да выбараў прэзідэнта Беларусі засталося няшмат крыху часу, а Лельчыцкі райвыканкам толькі зараз вырашыў пашырыць колькасць месцаў для правядзення кандыдатамі ў прэзідэнты РБ і іх даверанымі асобамі перадвыбарчай агітацыі.

08.12.2010 Жлобінскі “Новы дзень”: справы – у “дзеючага Прэзідэнта”, словы – у апазіцыйных кандыдатаў

Дзяржаўныя газеты ў Гомельскай вобласці працягваюць агітаваць толькі за “дзеючага Прэзідэнта”. Вось і “Новы дзень”, які выдаецца ў Жлобінскім раёне, надрукаваў адмоўныя “меркаванні чытачоў” аб апазіцыйных кандыдатах. Між тым, каманды гэтых кандыдатаў не праяўляюць ініцыятыву весці агітацыю ў СМІ.

08.12.2010 У Міёрах міліцыянерам трэба вучыць закон

Зміцеру Пальчэўскаму, які раздаваў агітацыйныя ўлёткі ў падтрымку Уладзіміра Някляева, участковы міліцыянт загадаў спыніць агітацыю – маўляў, распаўсюджваць друкаваныя матэрыялы можа толькі ці сам кандыдат, ці яго давераная асоба.

07.12.2010 Галоўны прэтэндэнт на пост № 1 ужо вырашыў, як лепш жыць

Плакат з нябёсамі, надпіс на якім сыходзіць як лесвіца ў неба, навявае, сапраўды біблейскія матывы пра шлях ў нябёсы - да лепшага жыцця. Ну, і натуральна, што прозвішча, імя дзеючага прэзідэнта сакраментальна проста-ткі ўпісаны ў назву краіны.

07.12.2010 Орша. Агітатараў затрымліваюць, агітматэрыялы размяшчаць не даюць

Міхаіл Кузьмянкоў, сябра выбарчага штаба кандыдата ў прэзідэнты Беларусі Андрэя Саннікава, на днях быў затрыманы аршанскімі міліцыянтамі. У момант затрымання Міхаіл расклейваў агітацыйныя матэрыялы за свайго кандыдата ў месцах, якія афіцыйна вылучаныя Аршанскім гарвыканкамам.

07.12.2010 Кіраўнік місіі АБСЕ сустрэўся ў Оршы з назіральнікамі і кіраўнікамі штабоў кандыдатаў

7 снежня ў Оршы пабываў Кіраўнік місіі назіральнікаў АБСЕ Герт Арэнс. Сярод іншага ён правёў сустрэчы з кіраўніцтвам гарвыканкама, тэрытарыяльных выбарчых камісій, штабамі кандыдатаў у Прэзідэнты і назіральнікамі кампаніі "Праваабаронцы за свабодныя выбары".

07.12.2010 ЦВК: Аўтапрабег “Мы за Бацьку!” быў незаконны, але ніхто не вінаваты

Правабаронца Валянцін Стэфановіч атрымаў адказ Цэнтрвыбаркама на сваю скаргу, у якой прасіў прыцягнуць да адказнасці ўдзельнікаў аўтапрабегу “Мы за бацьку!”.

07.12.2010 Бабруйск: Пікетоўцаў перапісалі

У Бабруйску пікеты на вуліцы ладзяць пакуль што толькі сябры камандаў Уладзіміра Някляева, Яраслава Раманчука і Андрэя Саннікава. Некалькі дзён дэмакратычныя актывісты спакойна рабілі сваю справу, а сёння імі зацікавіліся супрацоўнікі міліцыі.

07.12.2010 Барысаў. Актывісты каманды Саннікава адправілі скаргі ў райвыканкам, ТВК і пракуратуру

Актывісты перадвыбарчай кампаніі кандыдата ў прэзідэнты Андрэя Саннікава скаргамі адрэагавалі на тое, што ў Барысаве не ўсюды афармляюцца месцы для размяшчэння нагляднай агітацыі. Яны патрабуюць аднавіць парушаныя правы па правядзенні агітацыйнай кампаніі.

07.12.2010 Пікетаў за правы чалавека ў Віцебску не будзе

Праваабаронцам Паўлу Левінаву і Леаніду Сьвеціку Адміністрацыя Кастрычніцкага раёна Віцебску адмовіла ў правядзеньні пікету ў гадавіну прыняцця Ўсеагульнай дэкларацыі правоў чалавека – 10 снежня.

07.12.2010 Гомель: Праваабаронца праз суд патрабуе вярнуць яму інструкцыі для назіральнікаў

Леанід Судаленка лічыць незаконнымі дзеянні супрацоўнікаў Ашмянскай мытні па канфіскацыі друкаванай прадукцыі перадвыбарчага зместу, пра што і напісаў 1 снежня у скарзе старшыні Дзяржаўнага памежнага камітэту, але адказу не атрымаў.

07.12.2010 Гродзеншчына: у Мастах і Гродна ўчасткі своечасова не абсталяваныя інфармацыйнымі стэндамі

Мастоўскія актывісты Беларускай Хрысціянскай Дэмакратыі Дзмітрый Кухлей, Уладзімір Шчэкарэвіч і Алена Давідовіч накіравалі скаргу ў раённую выбарчую камісію на прадмет адсутнасці стэндаў з інфармацыйнымі матэрыяламі пра кандыдатаў на пост Прэзідэнта Рэспублікі Беларусь на ўчастках для галасавання ў Мастоўскім раёне.