Праваабарончы цэнтр «ВЯСНА»

Навіны за Сьнежань 2010

13.12.2010 Выбары Прэзідэнта: папярэдняя справаздача па выніках назірання за этапам перадвыбарчай агітацыі

Новаўвядзенні і пазітыўныя змены амаль не зменшылі істотную няроўнасць умоваў вядзення перадвыбарчай агітацыі паміж дзеючым Прэзідэнтам і астатнімі кандыдатамі. На карысць Аляксандра Лукашэнкі, як і ў 2006 годзе, працавалі: • неабмежаваная магчымасць для А. Лукашэнкі карыстацца дзяржаўнымі СМІ – ў параўнанні з двума гадзінамі на радыё і тэлебачанні і магчымасцю апублікаваць тэкст аб’ёмам у 5 друкаваных старонак у цэнтральных газетах, гарантаванымі астатнім кандыдатам; • мэтанакіраваная крытыка іншых кандыдатаў у дзяржаўных СМІ – у параўнанні з выключна кампліментарным асвятленнем асобы дзеючага Прэзідэнта і яго праграмы.

12.12.2010 Давайце разам скажам “Не!” прымусоваму галасаванню

Шаноўныя грамадзяне, калі вы сталі ахвярамі ці сведкамі прымусу з боку адміністрацый арганізацый, дзяржаўных органаў ці службовых асобаў і здолелі зняць гэтыя факты на відэа, дасылайце гэтыя матэрыялы "Праваабаронцам за свабодныя выбары". Таксам дасылайце фота абвестак, якія сведчаць аб прымусовым характары датэрміновага галасавання. Мы гарантуем вашую ананімнасць.

12.12.2010 Орша: Загадка другіх дзвярэй

Памяшканне, дзе засталіся бюлетэні, сябрамі камісіі было зачынена і апячатана. Разам з тым, аказалася, што ў памяшканне можна ўвайсці праз двое дзвярэй. Навошта адны з іх замыкаць на два замкі і апячатваць, пакідаючы іншыя адчыненымі?

12.12.2010 Віцебскія газеты “выкрываюць” прыхільнікаў Рымашэўскага і ўхваляюць Лукашэнку

У дзяржаўнай рэгіянальнай прэсе ўпершыню згадалі агітацыйныя сустрэчы з апазіцыйным кандыдатам на прэзідэнцкую пасаду – у выключна негатыўным кантэксце. Пра дзеючага прэзідэнта тым часам друкуюць выключна “хваласпевы” – нават у вершах.

12.12.2010 Гомель: Студэнтам універсітэта прапануюць выходны, каб яны прагаласавалі датэрмінова

Рэктар Гомельскага дзяржаўнага універсітэта ім.Ф.Скарыны агітаваў студэнтаў за датэрміновае галасаванне і прапанаваў адмяніць заняткі 18 снежня – каб студэнты прагаласавалі датэрмінова.

12.12.2010 Баранавічы: Плакаты апазіцыйных кандыдатаў сістэматычна знішчаюць

На месца сарванага плаката гарадскія актывісты наклейваюць два новых, а калі і гэтыя зрываюць, то наклейваюць ужо чатыры новых. Каб лепш інфармаваць выбаршчыкаў, павялічылі колькасць пікетаў у падтрымку апазіцыйных кандыдатаў.

12.12.2010 Полацк: Перадвыбарчая інфармацыя за ўласны кошт

Размясціць інфармацыйныя плакаты на відных месцах было загадана зверху, аднак набываць дадзеную афіцыйную перадвыбарчую прадукцыю кожнай установе прыйшлося за ўласныя грошы.

12.12.2010 Аршанская гарадская камісія вярнулася ў будынак гарвыканкама

У кастрычніку камісія пераехала з будынка гарвыканкама ў іншае памяшканне. Як паведамлялі ў самой камісіі, зроблена гэта было з мэтай захавання незалежнасці працы камісіі. Верагодна, у гэтай незалежнасці неабходнасць адпала.

12.12.2010 Слонім: Дырэктар крамы супраць плакатаў Кастусёва

Дырэктар крамы “Тавары для дома” Ларыса Кавалько не стрымала сваё абяцанне аб размяшчэнні пракатаў Рыгора Кастусёва. Прайшоў тыдзень, а плакатаў так і не з’явілася.

12.12.2010 Салігорск: Паляванне на агітатараў

Прадстаўнікі салігорскага перадвыбарчага штаба Уладзіміра Някляева скардзяцца на перашкоды з боку праваахоўных органаў, ведамаснай аховы і адміністрацый прадпрыемстваў падчас распаўсюду агітацыйных матэрыялаў.

12.12.2010 Гродзеншчына: Аншлаг у Някляева, з Кастусёвым прыехаў Мілінкевіч

11 снежня кандыдаты ў прэзідэнты Уладзімір Някляеў і Рыгор Кастусёў правялі сустрэчы на Гродзеншчыне. Уладзімір Някляеў з раніцы сустракаўся з выбаршчыкамі ў Слоніме, а днём завітаў у горад над Нёманам. Рыгор Кастусёў перад гэтым сустрэўся з выбаршчыкамі ў Лідзе і Бярозаўцы.

12.12.2010 Макей: Апазіцыя 19-га снежня рыхтуе правакацыі з выбухоўкай

Апазіцыйныя кандыдаты на пасаду прэзідэнта Беларусі, заклікаючы прыхільнікаў сабрацца ў дзень выбараў 19 снежня на Кастрычніцкай плошчы Мінска, насамрэч рыхтуюць правакацыі, у тым ліку з прымяненнем выбуховых рэчываў, паведаміў у эфіры беларускага тэлеканала «РТР-Беларусь» кіраўнік адміністрацыі прэзідэнта Уладзімір Макей.

11.12.2010 Вялікая Машчаніца: Назіральніца ўражана афармленнем участка

Тамара Вырвіч: "Я ўзгадала тыя часы, калі паўсюдна віселі лозунгі: “Планы партии – планы народа”. І мяне літаральна прывёў у шокавы стан лозунг: “Стабильная власть – проверенная времнем власть”, які вісеў над участкам для галасавання".

11.12.2010 Віцебск: Выступы Статкевіча і Уса – пад гук пажарнай сірэны

Падчас сустрэчы кандыдатаў з выбаршчыкамі двойчы ўключалася пажарная сігналізацыя. Пакінуць актавую залу прысутных не прасілі, але на нервы гук сірэны і механічны голас, які гучна вымаўляў “пажарная небяспека”, усё ж дзейнічалі.

11.12.2010 Мазыр: На сустрэчы з Рымашэўскім вяліся аператыўныя відэаздымкі

Сустрэча праходзіла канструктыўна, без правакацый. Разам з тым, у зале вяліся аператыўныя відэаздымкі супрацоўнікамі міліцыі на чале з начальнікам грамадскай бяспекі С. Гвоздзем.