Праваабарончы цэнтр «ВЯСНА»

Навіны за Сьнежань 2010

14.12.2010 Маладэчна: Пры рэгістрацыі назіральнікаў не абыйшлося без праблем

Cёння ў Маладэчне да назірання за ходам датэрміновага галасавання прыступілі 24 незалежныя назіральнікі, вылучаныя ад дэмакрытычных арганізацый ці шляхам збору подпісаў. Дваім з іх хацелі адмовіць у рэгістрацыі, але, пасля ўмяшальніцтва мясцовых праваабаронцаў, усё ж зарэгістравалі.

14.12.2010 Смаргонь: працэдура прыёму-перадачы выніковых пратаколаў і выкарыстаных бюлетэняў будзе таемнай

Назіральнік у Смаргонскай раённай камісіі па выбарах прэзідэнта Алесь Дзергачоў атрымаў афіцыйны адказ з камісіі на сваё пытанне, ці будзе яму дазволена прысутнічаць у дзень выбараў на працэдуры прыёму гэтай камісіяй ад участковых выніковых пратаколаў і выкарыстаных бюлетэняў.

14.12.2010 Салігорскі “Шахцёры”: Альтэрнатыўныя кандыдаты -- абязлічаны

Салігорская раёнка "Шахцёр" прысвяціла першую паласу свайго апошняга нумару кандыдату ў прэзідэнты Аляксандру Лукашэнку. У сваю чаргу, фотаздымкаў і праграм іншых кандыдатаў змешчана не было ні ў адным з нумароў газеты.

14.12.2010 Светлагорск: Cтаршыня выбарчай камісіі ўнёс уласныя патрабаванні ў парадак назірання

Старшыня Маладзёжнага выбарчага ўчастка № 12 у Светлагорскім раёне Гомельскай вобласці Васіль Некрашэвіч адмовіўся акрэдытаваць назіральніка. Патрабаванні да назіральнікаў, якія вызначаны заканадаўствам, В. Некрашэвіч вырашыў дапоўніць сваімі ўласнымі патрабаваннямі.

14.12.2010 Бялынічы: Замест участка -- усе на сустрэчы з дэлегатам Усебеларускага сходу

Барыс Вырвіч: "Згодна раскладу працы, участковыя выбарчыя камісіі ў будныя дні павінны працаваць з 14-00 да 16-00, пакуль не пачнецца датэрміновае галасаванне. Якое ж было мае здзіўленне, калі я нікога ў кабінеце, дзе месціцца ўчастковая выбарчая камісія, не ўбачыў. Аказалася -- усе на сустрэчы з дэлегатам 4 Усебеларускага народнага сходу".

14.12.2010 Валянціна Свяцкая дагэтуль не атрымала адказу па сутнасці сваёй скаргі

Назіральніца 30 лістапада накіроўвала ў Генеральную пракуратуру скаргу на парушэнні нормаў Выбарчага кодэкса і дзеючага заканадаўства сябрам Маскоўскай раённай камісіі г.Мінска Кудэрмаевым А.М. Пракуратура накіравала скаргу спн.Свяцкай на разгляд у Мінскую гарадскую камісію па выбарах Прэзідэнта Рэспублікі Беларусь.

14.12.2010 Мінск: Студэнтам -- тыднёвы адпачынак за датэрміновае галасаванне

У сталічным БНТУ студэнтаў заахвочваюць галасаваць датэрмінова не кнутом, а пернікам. Так, дэканат эканамічнага факультэту паабяцаў адпусціць дахаты ўсіх сваіх навучэнцаў, якія аддадуць свой голас на выбарах з 14 па 18 снежня, да наступнага панядзелка – 20 снежня.

14.12.2010 Праваабаронцы: выбары могуць адбыцца да 19 сьнежня

Паводле праваабаронцаў, дзеяньні ўладаў сёлета дазваляюць прагназаваць, што выбары могуць адбыцца ўжо падчас датэрміновага галасаваньня, да 19 сьнежня. І калі на яго загоняць 40% выбарцаў, то гэта будзе "гвалт над грамадзтвам". Праваабаронца Ўладзімер Лабковіч адзначае, што такога не было нават у 2006 годзе.

13.12.2010 Віцебск: Як будуць галасаваць вайскоўцы? (аўдыёзапіс)

Адказ на гэтае пытанне “Праваабаронцы за свабодныя выбары” атрымалі ў адным з народных паведамленняў, дасланым з Віцебску. У каментары да аўдыёзапісу аўтар паведамляе, што інструктаж у 103-яй асобнай мабільнай брыгадзе праводзіў намеснік камандзіра па ідэалагічнай працы.

13.12.2010 Пракуратура пакрывае міліцэйскае бясчынства

У жніўні дзеля бяспекі кіраўніка дзяржавы супрацоўнікі міліцыі патрабавалі ў 40-градусную спякоту зачыніць форткі жыхароў аднаго з дамоў у сталічным мікрараёне "Вяснянка". Адной з жыхарак, якая адмовілася падпарадкавацца гэтаму патрабаванню, не пашанцавала - узвод міліцыі Цэнтральнага раёна Мінска ўварваўся ў яе кватэру, дзе да жанчыны ўжылі фізічную сілу.

13.12.2010 Гомельскага сябра БНФ “Адраджэнне” не зарэгістравалі назіральнікам

Участковая камісія ўчастка №17 Цэнтральнага раёна Гомеля адмовіла ў рэгістрацыі ў якасці назіральніка сябру гомельскай арганізацыі БНФ “Адраджэнне” Уладзіміру Багіну. Па словах праваабаронцы Анатоля Паплаўнага, падставай для адмовы ўчастковая камісія назвала той факт, што ў пратаколе вылучэння назіральнікам не было пячаткі.

13.12.2010 Слуцк: Кіраўнік штаба Лукашэнкі ўказаў праваабаронцу на дзверы

Юрый Бандарэнка, кіраўнік перадвыбарнага штаба Лукашэнкі па Слуцку, выгнаў з фае інтэрната УП “Мінскаблсельбуд” прадстаўніка Беларускага Хельсінкскага камітэта Віталя Амяльковіча. У гэтым інтэрнаце размяшчаецца выбарчы ўчастак № 5 г. Слуцка.

13.12.2010 Барысаў: ЦВК лічыць прымальнай агітацыю ў працоўны час

Цэнтральная выбарчая камісія не знайшла падстаў для прыняцця мер рэагавання ў сувязі з правядзеннем 1 снежня даверанай асобай кандыдата ў прэзідэнты Аляксандра Лукашэнкі, гендырэктарам ААТ “БАТЭ” Анатолем Капскім сустрэчы з выбаршчыкамі на тэрыторыі ААТ “Экран” у працоўны час.

13.12.2010 Маладэчна: На просьбу забяспечыць захаванасць агітацыйных матэрыялаў – выклікалі міліцыю

Прыбыўшы ўчастковы запэўніваў, што кіраўніцтва крамы не нясе адказнасці за размешчаныя матэрыялы. Пасля складання пратакола ён паведаміў, што разбіральніцтва будзе доўжыцца 10 дзён.

13.12.2010 Слонім: На сустрэчы з Саннікавым – поўная зала

Сустрэчы з кандыдатамі на пасаду прэзідэнта і іх даверанымі асобамі выклікаюць у слонімцаў усё большую і большую зацікаўленасць. Увечары ў нядзелю, 12 снежня, у кінатэатры “Мір” адбылася сустрэча з кандыдатам Андрэем Саннікавым, на якой быў проста аншлаг.