Праваабарончы цэнтр «ВЯСНА»

Навіны за Сьнежань 2010

14.12.2010 Орша: Камісія атрымала бюлетэняў больш, чым прадугледжана законам

Назіральнік ад групы выбаршчыкаў Ігар Казмерчак накіраваў скаргу ў Цэнтральную камісію па выбарах і правядзенні рэспубліканскіх рэферэндумаў. Падставай стаў факт перавышэння дапушчальнай колькасці атрыманых бюлетэняў над колькасцю выбаршчыкаў.

14.12.2010 Рэчыца: Скрыні для галасавання будуць толькі апячатвацца

Па распараджэнні старшыні Рэчыцкай раённай камісіі на выбарчых участках скрыні для галасавання будуць толькі апячатваць, а заклейваюць лістом з подпісамі сябраў камісіі іх не збіраюцца. Датэрміновае галасавання становіцца практычна непадкантрольным.

14.12.2010 Магілёў: Абласная камісія адхіліла прапановы дэмакрата

Падчас паседжання Магілёўскай абласной выбарчай камісіі 13 снежня яе сябра - актывіст Аб’яднанай Грамадзянскай партыі Уладзімір Парфёнаў - прапанаваў уключыць у парадак дня два пытанні. Першае звязана з дадатковым апячатваннем скрыняў для галасавання, другое – просьба растлумачыць, што азначае фармулёўка “рэальна назіраць за працэсам падліку галасоў” у рашэнні №95 ад 5.11.2010 Цэнтральнай камісіі.

14.12.2010 Затрыманы адзін з кіраўнікоў «Гавары праўду»

Сяргей Вазняк, сябра ініцыятыўнай групы Някляева, быў затрыманы ў Мінску прыкладна ў 13.40 у аўторак. Затрыманне адбылося непадалёк вуліцы Радыяльнай, на тэрыторыі, забудаванай гаражамі. Са словаў адваката Раісы Міхайлоўскай, Сяргей Вазняк разам са сваім кіроўцам прыехаў туды, каб адрамантаваць стартэр у аўтамабілі. Падчас рамонту машына была акружаная людзьмі ў цывільным і адбылося затрыманне.

14.12.2010 Святлана Жук працягвае змаганьне за права ведаць месца пахаваньня свайго сына

У Менгарсудзе 13 сьнежня адбыўся касацыйны разгляд скаргі маці пакаранага сьмерцю Андрэя Жука на рашэньне суду Ленінскага раёна Менска аб адмове ў распачынаньні грамадзянскай справы з прычыны непадведамаснасьці справы суду.

14.12.2010 Спазніліся на дзве хвіліны - не пусцілі на паседжанне

Назіральнікаў ад АБСЕ, якія спазніліся на дзве хвіліны, не пусцілі на паседжанне Магілёўскай абласной выбарчай камісіі, што адбывалася 13 снежня.

14.12.2010 Слонім: Матэрыялы альтэрнатыўных кандыдатаў — знішчаюцца

У Слоніме па-ранейшаму працягваецца знішчэнне агітацыйных плакатаў альтэрнатыўных кандыдатаў на пасаду прэзідэнта. Адначасова паўсюдна вывешваюцца расцяжкі і стэнды са слоганамі дзеючага прэзідэнта: “Голосуй за сильную Беларусь”, “Вместе мы — Беларусь” і іншыя.

14.12.2010 Магілёў: Пасля афіцыйнага адкрытага паседжання абласной камісіі пачалося закрытае

Пасля паседжання Магілёўскай абласной выбарчай камісіі, што адбылося 13 снежня і на якім прысутнічалі назіральнік Барыс Бухель і журналіст БелаПАН Уладзімір Лапцэвіч, сябры ўчастковай выбарчай камісіі сабраліся ў адным з кабінетаў.

14.12.2010 Маніторынг СМІ: У асобных дзяржаўных медыях апазіцыю пачалі асацыяваць з наркадылерамі і алкаголікамі

БАЖ прэзентаваў маніторынг “Асвятленне прэзідэнцкіх выбараў 2010 ў беларускіх СМІ” (21 лістапада – 10 снежня 2010 г.). Аўтары маніторынгу звяртаюць увагу на той факт, што гэта быў самы актыўны перыяд выбарчай кампаніі, у які кандыдаты праз газеты, радыё і тэлебачанне звярталіся да выбаршчыкаў са сваімі праграмамі. Але асноўная схема асвятлення выбарчага працэсу засталася нязменнай.

14.12.2010 Віцебск: Cарваць сустрэчу з Уладзімірам Някляевым не ўдалося

13 снежня кандыдат наведаў Віцебск. Напярэдадні невядомыя асобы зрывалі паведамленні пра сустрэчу, а непасрэдна перад ёй высветлілася, што ў залі Першамайскага культурна-дзелавога цэнтру дэмантаваныя крэслы. Да ўсяго гэтага, на сход з’явілася паўтара дзесятка БРСМаўцаў, якія спачатку правакавалі сварку, а потым давалі інтэрв’ю тэлекампаніі СТВ.

14.12.2010 Праваабаронца Павел Левінаў – за байкот датэрміновага галасавання

Віцебскі праваабаронца распаўсюдзіў 960 уласных улётак з заклікам не хадзіць на прэзідэнцкія выбары датэрмінова. Іх знойдуць у сваіх паштовых скрынях жыхары выбарчага ўчастка №35 Першамайскага раёна.

14.12.2010 Салігорск: Падчас сустрэчы з Някляевым выбаршчыкі скардзіліся на прымус да датэрміновага галасавання

На сустрэчы з кандыдатам Уладзімірам Някляевым асобна прагучала тэма прымусу да датэрміновага галасавання. Многія жыхары гораду наўпрост пачалі агучваць такія факты. Доўгатэрміновы назіральнік БХК Леанід Мархотка заклікаў усіх паведамляць яму прозвішчы і пасады адказных за гэта асобаў.

14.12.2010 З участка для галасавання ў Гомелі выдалілі незалежнага назіральніка

З участка для галасавання № 22 у Цэнтральным раёне Гомеля выдалілі незалежнага назіральніка Уладзіміра Анфілава.

14.12.2010 У Хойніках міліцыя затрымала распаўсюдніка агітацыйных матэрыялаў

У Хойніках 13 снежня міліцыя затрымала Леаніда Цітка, распаўсюдніка агітацыйных матэрыялаў кандыдатаў у прэзыдэнты Мікалая Статкевіча і Дзмітрыя Уса.

14.12.2010 Пракуратура Менска: інфармацыя праваабаронцы па справе “анархістаў” прынятая да ведама

Пракуратура Менска паабяцала праваабаронцу Алесю Бяляцкаму ўлічыць дасланую ім інфармацыю па крымінальных справах, узбуджаных супраць актывістаў анархісцкіх і антыфашысцкіх рухаў. Аднак, каб прымусіць пракуратуру адказаць на зварот па сутнасьці, давялося скардзіцца пракурору.