Праваабарончы цэнтр «ВЯСНА»

Навіны за Сьнежань 2010

17.12.2010 Мінск: Дэмакрата выключаюць з участковай камісіі за фіксаванне фальсіфікацыяў

Апошняй кропляй стала тое, што сябра Партыі БНФ Юры Шпак-Рыжкаў змог сфатаграфаваць вялізныя “дзіркі” ў скрынях для бюлетэняў. У дадатак, апазіцыянер пабачыў, што ў скрынях адсоўваюцца крышкі, а лічбы прагаласаваўшых датэрмінова выбаршчыкаў завышаюцца. А яшчэ ён знайшоў і 50 няўлічаных бюлетэняў.

17.12.2010 Баранавічы: Педагогі падключыліся да забеспячэння паказчыкаў датэрміновага галасавання

Падчас датэрміновага галасавання ў сярэдніх навучальных установах горада Баранавічы адначасова распачалася пара бацькоўскіх сходаў. Завяршаюцца яны запрашэннем бацькоў датэрмінова прагаласаваць на выбарчым участку.

17.12.2010 Маладэчна: Актывіст з партрэтам кандыдата – міліцыя з аўтаматамі

16 снежня ў памяшканні міні-рынка “1000 дробязяў” Уладзь Шульжыцкі размясціў плакат Рыгора Кастусёва. Не паспеў ён далёка адыйсціся, як убачыў супрацоўнікаў міліцыі з аўтаматамі. Яны адразу затрымалі хлопца і даставілі ў аддзяленне міліцыі.

17.12.2010 У Маладэчне выбаршчыкаў “праграмуюць” (фота)

На выбарчых участках Маладэчна ў “Кутках выбаршчыка” і кабінах для галасавання размешчаны ўзоры запоўненых бюлетэняў, дзе паказана, як трэба галасаваць. Пры гэтым “птушка” стаіць у квадраце насупраць прозвішча другога кандыдата.

17.12.2010 Віцебск: Татальны кантроль за галасаваннем супрацоўнікаў (фота дакументаў)

Да “Праваабаронцаў за свабодныя выбары” трапілі дакументы, якія сведчаць пра тое, што кіраўніцтва не толькі прымушае сваіх работнікаў галасаваць датэрмінова, але і спраўджвае, на якім участку і калі прагаласаваў падначалены.

17.12.2010 Брэст: Пікет супраць датэрміновага галасавання

Ініцыятарамі правядзення двухгадзіннай акцыі на мясцовым чыгуначным вакзале сталі мясцовыя актывісты выбарчага штаба Уладзіміра Някляева. Раней чыгуначны вакзал у Брэсце не выкарыстоўваўся ў якасці тэрыторыі для перадвыбарнай агітацыі, хоць дадзены аб'ект не ўваходзіць у спіс месцаў, дзе падобныя акцыі забароненыя.

17.12.2010 Затрыманыя актывісты кампаніі "Грамадзянін"

Трое актывістаў кампаніі "Грамадзянін" знаходзяцца ў міліцыі Савецкага раёну Мінска. Яны цягам дня раздавалі на выбарчых участках Мінска ўлёткі з выгляду падобныя на позвы ў міліцыю.

17.12.2010 Двух польскіх студэнтаў не прапусцілі праз беларускую мяжу

Фармальнай прычынай стала недастатковая сума грошаў. Пры гэтым студэнты паведамляюць, што кожны з іх меў пры сабе каля пяцісот даляраў. Нават прыезд консула не пераканаў беларускіх памежнікаў: палякам скасавалі візы. Затрыманне цягнулася дзве з паловай гадзіны.

17.12.2010 “Някляеўцам” няма месца каля віцебскага вакзала

Два агітацыйныя пікеты за Уладзіміра Някляева, якія стаялі каля чыгуначнага вакзалу ў Віцебску, былі спынены прадстаўніком адміністрацыі Чыгуначнага раёну.

17.12.2010 Барысаў: Выснова кампаніі - выканкамаўская газета не СМІ

Зараз ужо можна падвесці вынік працы газеты Барысаўскага райвыканкама "Адзiнства" у перыяд перадвыбарчай кампаніі. На жаль, вынік не суцяшальны: газета не з'яўляецца сродкам масавай інфармацыі, застаючыся сродкам агітацыі і прапаганды.

17.12.2010 Папярэдняя справаздача па выніках назірання за ТРЭЦІМ днём датэрміновага галасавання

Мінск, 10.00, 17 снежня – Кампанія «Праваабронцы за свабодныя выбары» прадстаўляе папярэднюю справаздачу па выніках назірання за трэцім днём датэрміновага галасавання (16 снежня). Назіранне ажыццяўляецца 600-мі кароткатэрміновымі і 80-ю доўгатэрміновымі назіральнікамі на 300-х выбарчых участках ва ўсіх рэгіёнах Беларусі.

16.12.2010 Дадзеныя па датэрміновым галасаванні праваабаронцаў і ЦВК пакуль не адрозніваюцца

Аналіз атрыманых дадзеных сведчыць, што масавага ўбросу бюлетэняў у ноч з 14-га на 15-га снежня, ці ў іншыя адрэзкі часу, калі назіральнікі кампаніі не маглі назіраць за скрынямі для датэрміновага галасавання, не было. Аднак кампанія “Правабаронцы за свабодныя выбары” не можа выключыць магчымасці іншых маніпуляцый з бюлетэнямі.

16.12.2010 Віцебскіх назіральнікаў выдаляюць у калідор і забараняюць фатаграфаваць

Пра забарону рабіць фотаздымкі паведамляе Антаніна Піванос, назіральніца на ўчастку №21 Кастрычніцкага раёну Віцебска. Тых, хто спрабуе адстойваць свае правы, выдаляюць – або з участка ўвогуле, або ў калідор.

16.12.2010 Бабруйск: Перакладчык для замежных назіральнікаў “ідэалагічна правільны”

"Мы папрасілі перакладчыцу сказаць міжнароднікам, што хочам з імі паразмаўляць. Яна перагаварыла з імі, а потым паведаміла праз старшыню камісіі Маргарыту Лібер, што назіральнікі не хочуць з намі размаўляць. Мы зразумелі, што нешта тут не так", - распавядае назіральніца па ўчастку № 5 Валянціна Глухава.

16.12.2010 Бабруйск: Улады пільнуюць, каб апазіцыянеры не паехалі ў Мінск

Таісія Кабанчук, давераная асоба Віталя Рымашэўскага, распавяла, што актывістку БХД Ірыну Міхалап на працы папярэдзілі, каб не ехала ў Мінск: "Яе выклікаў начальнік і сказаў, што калі Ірыну заўважаць на нейкіх фота ці відэаздымках з плошчы, то яго, начальніка, звольняць".