Праваабарончы цэнтр «ВЯСНА»

Навіны за Сьнежань 2010

19.12.2010 Аршанскія камісіі завышаюць колькасць прагаласаваўшых датэрмінова

Сур'ёзныя разыходжанні па колькасці выбаршчыкаў, што прагаласавалі датэрмінова, выявіліся паміж дадзенымі назіральнікаў і афіцыйнымі лічбамі ўчастковых камісій.

19.12.2010 Давераная асоба Рымашэўскага змешчаны ў следчы ізалятар

Затрыманы 18 снежня ў Гомелі Юрый Клімовіч, каардынатар аргкамітэта па стварэнні партыі «Беларуская хрысціянская дэмакратыя», давераная асоба кандыдата ў прэзідэнты Віталя Рымашэўскага, змешчаны ў следчы ізалятар.

19.12.2010 Сустрэчы з даверанай асобай Лукашэнкі “губернатарам” Руднікам – не для ўсіх

Жадаючыя патрапіць на сустрэчу з даверанай асобай кандыдата Лукашэнкі і адначасова старшынёй Магілёўскага абласнога выканаўчага камітэту Пятром Руднікам даведваюцца аб сустрэчы толькі пасля таго, як яна адбываецца. На сустрэчы ж з ім па разнарадцы заганяюць цэлыя залы.

19.12.2010 Салігорск: Назіральнікі фіксуюць парушэнні

Назіральнікі адзначаюць, што старшыні і сакратары камісій вельмі неахвотна прымаюць заявы з выяўленымі парушэннямі, а калі прымаюць, дык часта разглядаюць не калегіяльна. У прыватнасці, назіральнікі БХК на сваю заяву атрымалі пісьмовы нематываваны адказ, разгледжаны сакратаром камісіі аднаасобна.

19.12.2010 Орша: Міліцыянер і ягоны правяраючы засталіся на ноч з урнай

Увечары 17 снежня незадоўга да закрыцця выбарчага ўчастку № 13 па г. Орша, калі сябры камісіі ўжо збіраліся разыходзіцца дадому, на ўчастак прыйшоў невядомы мужчына ў цывільным. "Дабры дзень, я - правяраючы вашага міліцыянера", - адрэкамендаваўся ён. Сяброў выбарчай камісіі такое тлумачэнне задаволіла.

19.12.2010 У Слоніме пракурор перасцярог актывіста ад удзелу ў мітынгу ў Мінску

Афіцыйнае папярэджанне "аб недапушчэнні парушэння законнасці" атрымаў у суботу з Слонімскай раённай пракуратуры рэгіянальны каардынатар выбарчага штаба Віталя Рымашэўскага па Слонімскім раёне Іван Бедка.

19.12.2010 Пагрозы ў адрас гродзенскага актывіста

А палове дзевятай вечару 18 снежня невядомы затэлефанаваў журналісту і грамадскаму праваабаронцу Уладзіміру Хільмановічу. Упэўніўшыся, што ён трапіў па прызначэнні, невядомы кінуў пагрозлівую фразу і адразу абарваў размову.

18.12.2010 Перадмітынговыя пагромы ў Менску набіраюць моц (аднаўляецца!)

Па апошніх дадзеных, супрацоўнікі міліцыі ў Менску спрабавалі ўламіцца ў кватэру да Тацяны Шапуцькі. У той жа час “пашпартны кантроль” уварваўся ў кватэру, дзе знаходзіліся актывісты Юльян Місюкевіч, Зміцер Ясевіч, разам са сваімі сябрамі з расійскай арганізацыі “Абарона”. Зараз сувязь з імі адсутнічае. Дагэтуль невядомы лёс Кастуся Жукоўскага, затрыманага сёньня. Дзяжурны па ГУУС Менску паведамляе, што інфармацый пра іх затрыманьне не валодае. Таксама міліцыянты спрабавалі трапіць у жытло моладзевых актывістаў Змітра Хведарука, Міколы Дземідзенкі і Кацярыны Людвіг.

18.12.2010 Зміцер Дашкевіч і Паліна Дзякава затрыманыя прэвентыўна (дапаўняецца)

Прыкладна паўгадзіны таму ў Фрунзенскім раёну Менска быў затрыманы “маладафронтавец” Зміцер Дашкевіч. Ён выносіў сьмецце, калі некалькі чалавек схапілі яго і адвалаклі ў мікрааўтобус цёмна-сіняга колеру.

18.12.2010 Маладэчна: Міліцыянераў абавязалі дакладаць пра назіральнікаў на ўчастках

У Маладэчне, як і ў іншых гарадах Беларусі, міліцыя прымае ў выбарчым працэсе вельмі актыўны ўдзел. Акрамя назірання за парадкам на выбарчым участку, яна выконвае яшчэ шмат важных функцый, напрыклад – назірае за назіральнікамі.

18.12.2010 Вядомыя музыкі далучыліся да кампаніі “Праваабаронцы за свабодныя выбары”

Лявон Вольскі і Алег Хаменка вырашылі не толькі выканаць свой грамадзянскі абавязак – прыняць удзел у выбарах прэзідэнта Беларусі, але і стаць сведкамі таго, наколькі працэс волевыяўлення грамадзянаў краіны адпавядае заканадаўчым нормам пры правядзенні галасавання.

18.12.2010 Бабруйск: “Птушачкі” на ўзорах для галасавання перамяшчаюцца

У Бабруйску на двух участках - № 26 і № 32 - адбыліся дзіўныя метамарфозы з узорамі бюлетэняў для галасавання. Першыя тры дні “птушачкі” стаялі насупраць кандыдата № 1, а ўчора раптоўна ўзоры замянілі на іншыя. У іх “птушачка” стаяла насупраць кандыдата № 2.

18.12.2010 Гродна: Без даведкі пра датэрміновае галасаванне дактары адмовілі ў накіраванні ў дыспансер

На ўчастак №57 Ленінскага раёна прыйшоў чалавек, які папрасіў выдаць яму даведку пра тое, што ён прагаласаваў датэрмінова. Выявілася, што без гэтай даведкі дактары адмовіліся даць яму накіраванне ў кардыялагічны дыспансер. Такую даведку грамадзяніну ўчастковая камісія выдала.

18.12.2010 Бабруйск: Трох назіральнікаў выдалілі з участкаў

За сённяшні дзень (18 снежня) у Бабруйску выдалілі адразу трох незалежных назіральнікаў на розных выбарчых участках: Валянціна Глухава – участак № 5, Ніна Федзяева - № 6, Аляксандр Смірноў - № 17. Матывацыя выдалення ва ўсіх трох выпадках аднолькавая – “за стварэнне нярвознай абстаноўкі і неабаснаваныя скаргі”.

18.12.2010 Спецыяльна для БТ: Прымусовае галасаванне ў Мінскім дзяржаўным тэхналагічным каледжы (відэа)

Учора па БТ Юры Пракопаў падрыхтаваў рэпартаж пра тое, што праваабаронцы хлусяць, сцвярджаючы, што ў навучальных установах Беларусі навучэнцы і студэнты масава змушаюцца да датэрміновага галасавання. Паказаў журналіст (за што асобнае дзякуй) і сайт Праваабарончага цэнтра "Вясна", дзе выкладаюцца такія факты. Сёння мы вырашылі прапанаваць Пракопаву відэазапіс прымусу ў Мінскім дзяржаўным тэхналагічным каледжы.