Праваабарончы цэнтр «ВЯСНА»

Навіны за Сьнежань 2010

19.12.2010 Наваполацк: Зафіксавана ўкідванне стосу бюлетэняў

Назіральнікі Міхась Новікаў (“Рух за свабоду”) і Яўген Апяцёнак (Партыя БНФ), якія праводзяць назіранне на гэтым выбрачым участку, сталі сведкамі таго, што адзін з выбаршчыкаў закідваў у выбарчую скрыню вялікі стос бюлютэняў.

19.12.2010 Орша: Пячаткі на скрынях для датэрміновага галасавання - змяніліся за ноч

Пячаткі і папяровыя лісткі з подпісамі сябраў камісіі, якімі апячатаны скрыні датэрміновага галасавання на ўчастках № 4 і № 52 па горадзе Орша, раніцай 19 снежня апынуліся зусім не ў тым месцы, у якім былі ўвечары 18-га.

19.12.2010 Салігорск. Давераныя асобы Лукашэнкі ўмешваюцца ў працу камісіяў

Як стала вядома салігорскім праваабаронцам, давераныя асобы кандыдата А.Лукашэнкі Барыс Батура і Мікалай Ашэйчык праводзілі так званыя "тлумачальныя" гутаркі з некаторымі старшынямі ўчастковых камісій.

19.12.2010 Магілёў. З выбарчага ўчастка № 66 выдалілі назіральніка

Старшыня камісіі вынесла Наталлі Самахвалавай папярэджанне, у якім абвінаваціла яе ў тым, што назіральніца першапачаткова падала аб сабе ў выбарчую камісію несапраўдныя звесткі і хацела сарваць пломбу са скрыні для галасавання, а таксама скандаліла. Cвае подпісы пад актам паставілі школьны вартаўнік і загадчык гаспадаркі школы, якія з’яўляюцца на гэтым участку назіральнікамі.

19.12.2010 Віцебск: З участкаў пачалі выдаляць незалежных назіральнікаў

Ужо ў 8.40 раніцы назіральніцы Антаніне Піванос уручылі акт, дзе было напісана, што яна правакуе канфліктныя сітуацыі, і яе выдаляюць з участка. Паводле А. Піванос, яна толькі звярнула ўвагу камісіі на тое, што па ўчастку для галасавання ходзіць дырэктар школы №11, у якой месціцца выбарчы ўчастак, – пабочная асоба падчас выбарчага працэсу:

19.12.2010 Цэнтральны офіс Партыі БНФ у аблозе

Сёньня зраніцы каля цэнтральнага офісу Партыі БНФ (пр. Машэрава, 8) дзяжурыць той жа самы аўтобус, на якім ўчора быў затрыманы лідэр "Маладога Фронту" Зьміцер Дашкевіч.

19.12.2010 Гродна: Участковая камісія “памылілася” ажно на 100 галасоў

Увечары 18 снежня ў прысутнасці назіральнікаў была афіцыйна абвешчана колькасць прагаласаваўшых датэрмінова – 387 чалавек. Якое ж было здзіўленне назіральнікаў, калі з раніцы старшыня камісіі сказала ім, што адбылася памылка і сапраўдная колькасць прагаласаваўшых датэрмінова на гэтым участку – 487.

19.12.2010 Добруш: За пільнасць назіральніка пазбавілі акрэдытацыі

У Добрушы пазбавілі акрэдытацыі і выдалілі з участка назіральніка ад БХК Насту Гулакову. Праўладныя назіральнікі, верагодна, з БРСМ ці «Белай Русі» таксама не асталіся «староннімі назіральнікамі», і склалі скаргу на Гулакову — маўляў, яна перашкаджае камісіі працаваць.

19.12.2010 Вялікая Машчаніца: Міжнародны назіральнік незадаволены якасцю апячатання скрыні

Міжнародны назіральнік у цэлым застаўся задаволены арганізацыяй працы ўчастковай выбарчай камісіі, аднак выказаў здзіўленне нізкай якасцю адбіткаў пячатак, якімі была апячатана скрыня для датэрміновага галасавання.

19.12.2010 Баранавічы: На ўчастках “далі жару” (фота)

Мы раней паведамлялі, што на некаторых выбарчых участках у Баранавічах падчас датэрміновага галасавання была вельмі нізкая тэмпература. Пасля скаргаў у ТВК і санэпідэмстанцыю Баранавіцкія цепласеткі, каб тэрмінова выправіць сітуацыю і аслабіць гнеў грамадзян, затапілі так, што выбаршчыкі прыходзяць галасаваць у шортах.

19.12.2010 Cветлагорск: Банкіры пералічваць грошы прапануюць першым Лукашэнку

Ва ўсіх аддзяленнях “Беларусбанка” г.Светлагорска вывешаны аб’явы аб магчымасці пералічэння грашовых сродкаў на рахункі кандыдатаў у прэзідэнты РБ. На першым месцы стаіць прозвішча дзеючага прэзідэнта.

19.12.2010 Бялыніцкі раён: Датэрмінова прагаласавала 35,9 % выбаршчыкаў

Барыс Вырвіч: "Сапраўды, актыўнасць выбаршчыкаў па ўдзелу ў датэрміновым галасаванні ў Бялыніцкім раёне была высокая, але, на жаль, дасягалась яна звычайнымі для нашай краіны метадамі. Паўсюдна ў раёне адміністрацыі прадпрыемстваў вельмі настойліва прапаноўвалі сваім супрацоўнікам у абавязковым парадку прагаласаваць датэрмінова".

19.12.2010 Гродна: Невядомыя пагражаюць журналісту і праваабаронцу Уладзіміру Хільмановічу

А палове дзевятай увечары 18 снежня невядомы затэлефанаваў на мабільнік журналісту і праваабаронцу Уладзіміру Хільмановічу. Упэўніўшыся, што ён трапіў па прызначэнні, невядомы кінуў фразу, пагражаючы хуткай расправай, і адразу абарваў размову.

19.12.2010 Мінск: Партыйнае назіранне пазбаўляюць сувязі

Увечары 18 снежня прапала мабільная сувязь з Сяргеем Калякіным, Аленай Скрыган, Аляксеем Елісеевым і Валерыем Ухналёвым – прадстаўнікамі кампаніі па назіранні за выбарамі ад дэмакратычных партый Беларусі “За справядлівыя выбары”.

19.12.2010 Бабруйск: Таісію Кабанчук выклікалі да пракурора

Таісія Кабанчук адмовілася ехаць да пракурора. Ёй стала вядома, што адміністрацыйная справа, па якой яе выклікаюць, звязаная з яе выказваннямі наконт плошчы падчас сустрэчы з Кастусёвым. На сустрэчы у той дзень з ідэалагічнага апарата прысутнічаў толькі Аляксандр Маркачоў. Мяркуецца, што адміністратыўная справа з'явілася з яго падачы.