Праваабарончы цэнтр «ВЯСНА»

Навіны за 8 лістапада 2010

08.11.2010 Віцебская міліцыя папярэджвае пра небяспеку на выбарчых участках

У газеце “Віцебскі рабочы” з’явілася аб’ява ад імя Кастрычніцкага райаддзела міліцыі, якая ўжо за паўтары месяцы да выбараў папярэдзіла грамадзян: трэба сачыць, ці няма навокал падазроных асобаў, пакінутых без гаспадароў клункаў, а таксама плакатаў “антыдзяржаўнага і антысеміцкага зместу”. Тым, хто заўважыць такое і “прасігналізуе” супрацоўнікам міліцыі, паабяцана ўзнагароджанне і гарантавана ананімнасць.

08.11.2010 Затрыманне падчас прыезду Лукашэнкі

Больш за чатыры гадзіны ўтрымлівалі ў Ленінскім адзьдзеле міліцыі Магілёва актывіста незарэгістраванай арганізацыі “Малады фронт” Валянціна Лабачова. Яго затрымалі ля Палацу гімнастыкі, які сёньня адкрываў Аляксандар Лукашэнка.

08.11.2010 Затрыманьні каля Леніна

У гадавіну бальшавісцкага перавароту сябраў салігорскага Маладога Фронту затрымалі каля помніка Леніну супрацоўнікі міліцыі.

08.11.2010 Беларускіх актывістаў усю ноч пратрымалі азэрбайджанскія памежнікі

Шасьцярым актывістам няўрадавай арганізацыі "Модэс" з Магілёва азэрбайджанскія памежныя службы забаранілі ўезд у краіну. Іх утрымлівалі на мяжы ўсю ноч. Аксана Самуйлава, Вадзім Пагосьцер, Мікалай Лапуцін, Крысьціна Сібагатуліна, Аляксандар Гарбачоў знаходзіліся ў паліцэйскім участку памежнага пераходу "Баюк Касік". Адтуль яны вярнуліся ў Тбілісі. Са сталіцы Грузіі яны накіроўваліся ў Баку, каб вылецець у Менск.

08.11.2010 Палітвязень Уладзімір Асіпенка на свабодзе

5 лістапада прадпрымальніка вызвалілі з Івацэвіцкай калоніі ўмоўна-датэрмінова.

08.11.2010 Узровень свабоды слова ў Беларусі застаецца надзвычай нізкім

Пра тое сведчыць рэйтынг свабоды прэсы 2010, які апублікавала міжнародная недзяржаўная арганізацыя “Рэпарцёры без межаў”, якая выступае за свабоду слова ва ўсім свеце і змагаецца за вызваленне журналістаў, якія сталі вязнямі праз сваю прафесійную дзейнасць.

08.11.2010 Карэспандэнт “Народнай волі” ва Украіне А.Цынкевіч: “Я проста ў шоку!”

Аляксандр Цынкевіч звязвае сілавы ціск у адносінах да сябе і сваёй сям'і з уласнай прафесійнай дзейнасцю. У сувязі з адбыўшыміся падзеямі мы вырашылі задаць некалькі пытанняў непасрэдна самому журналісту.

08.11.2010 Гродна: Затрыманні сяброў Партыі БНФ

7 лістапада ўвечары амаль адначасова ў розных месцах былі затрыманы актывісты гарадской арганізацыі Партыі БНФ – Вадзім Саранчукоў і Максім Губарэвіч. Абодва -- актыўныя ўдзельнікі выбарчага штабу прэтэндэнта ў кандыдаты Рыгора Кастусёва.

08.11.2010 Партызанская ТВК сталіцы ставіць на Цярэшчанку “крыж”, а ў Лукашэнкі выяўляе несапраўдныя подпісы

З усіх пададзеных ініцыятыўнымі групамі подпісаў гэтая камісія анулявала за вылучэнне Віктара Цярэшчанкі. У Андрэя Саннікава і Яраслава Раманчука камісія наогул не знайшла несапраўдных подпісаў.