Праваабарончы цэнтр «ВЯСНА»

Навіны за 29 верасьня 2010

29.09.2010 Баранавіцкі раён: У тэрытарыяльнай выбарчай камісіі - толькі прадстаўнікі ўлады і праўладных арганізацый

Адкрытага абмеркавання і галасавання па кандыдатурах не было. Пасля кароткага выступлення загадчыцы арганізацыйна-кадравай службы Таццяны Канаш удзельнікі сумеснага паседжання сталі па чарзе прапаноўваць кандыдатаў у склад выбарчай камісіі. Як толькі дайшлі да лічбы 13, то вылучэнне прэтэндэнтаў было спынена.

29.09.2010 «Дзедзіч» вяртаецца

У Брэсце зарэгістравана грамадская арганізацыя, якая сярод задач сваёй дзейнасці бачыць спрыянне выпуску і распаўсюду маланакладных выданняў.

29.09.2010 Галіна Сямдзянава: “Ілюзій быць не павінна”

У склад Менскай гарадской камісіі, якая была сфармавана 28 верасня, прайшлі 3 прадстаўнікі ад апазіцыі - старшыня сталічнай арганізацыі БСДП (Грамада) Аляксей Сігаеў, сябра Сойму Партыі БНФ Юры Хадыка і старшыня Рэвізійнай камісіі Партыі БНФ Галіна Сямдзянава. Спадарыня Сямдзянава распавяла, як адбывалася паседжанне па фармаванні гарадской і раённых камісій і падзялілася асабістымі ўражаннямі ад яго.

29.09.2010 Гарадок: Сябра БСДП (Г) не ўключылі ў выбарчую камісію з-за "рэпутацыі скандаліста"

Пры прадстаўленні кандыдатур, вылучаных у склад Гарадоцкай раённай камісіі па выбарах Прэзідэнта Рэспублікі Беларусь, намеснік старшыні выканкама Н. Бурунова ахарактарызавала Леаніда Гаравога як чалавека, "які раней скандаліў у выбарчых камісіях, мае адміністрацыйныя правапарушэнні за ўмяшальніцтва ў працу камісіяў". Леанід Гаравы лічыць інфармацыю Н. Буруновай ілжывай, абразлівай і не адпаведнай нормам беларускага заканадаўства.

29.09.2010 Бабруйск: Фармаванне камісіі - хутка і закрыта

На паседжанне не пусцілі старшыню бабруйскай суполкі Партыі БНФ Сяргея Лацінскага, які вылучаўся ў гарадскі выбаркам, і праваабаронцу Ігара Ходзьку. Пасля паседжання Сяргей спрабаваў даведацца, хто ўключаны у камісію, але даведаўся толькі, што не прайшоў ён сам.

29.09.2010 Пінск: Пра сябраў раённай камісіі публікуецца толькі спосаб вылучэння

З трынаццаці сябраў камісіі чацвёра - прадстаўнікі праўладных грамадскіх арганізацый, два чалавекі вылучаліся працоўнымі калектывамі, астатнія – збіралі подпісы грамадзян. Прадстаўнікі палітычных партый у раённую выбарчую камісію не вылучаліся.

29.09.2010 У склад Гродненскай абласной камісіі ўключаны прадстаўнік АГП

Кандыдатуры паасобку не абмяркоўваліся. Быў зачытаны прапанаваны спіс з 13 чалавек, за які і прагаласавалі члены аблвыканкаму і прэзідыўму абласнога Савета.

29.09.2010 Слонім: “Пра склад камісіі даведаецеся, калі будзе апублікаваны спіс”

Прадстаўніка грамадзянаў, якія вылучылі І.Шэгу, на паседжанне не пусцілі і прапанавалі чакаць на калідоры, а пасля завяршэння паведамілі, што іх вылучэнец у склад камісіі не патрапіў. Іншай інфармацыі даведацца прадстаўніку не ўдалося.

29.09.2010 У склад Салігорскай тэрытарыяльнай камісіі ўвайшлі толькі прадстаўнікі ўлады

Сярод трынаццаці сяброў камісі два чалавекі з'яўляюцца супрацоўнікамі выканкаму: загадчык па арганізацыйнай працы райвыканкаму Кохан Віталь вылучаны праз збор подпісаў, а начальнік аддзела кіравання райвыканкаму вылучана мясцовай структурай прафсаюза работнікаў.

29.09.2010 Баранавічы: Гарадскую выбарчую камісію сфармавалі за 9 хвілін

“Цудаў” у Баранавічах не адбылося – прадстаўнікам дэмакратычных структур не знайшлося месца ў гарадской выбарчай камісіі.

29.09.2010 Гомель: Чыноўнікі ператварыліся ў грамадскіх дзеячаў

6 з 13 сяброў Гомельскай абласной выбарчай камісіі ўжо працавалі на мінулых выбарах у мясцовыя саветы. І зноў жа чыноўнікі прайшлі ў камісію як прадстаўнікі грамадскіх аб'яднанняў.

29.09.2010 Кіраваць Мазырскай раённай камісіяй будуць “правераныя” падчас мясцовых выбараў асобы

Кіраўнічы склад Мазырскай раённай выбарчай камісіі не змяніўся з сёлетніх выбараў у мясцовыя Саветы: старшыня - кіраўнік справамі райвыканкама Міхал Пашынскі, намеснік – дырэктар медыцынскага каледжа Юлія Прыходзька і сакратар камісіі – загадчыца аддзела арганізацыйна-кадравай работы райвыканкама Вераніка Байкова.

29.09.2010 У музеі Вялікай айчыннай павесяць плакаты супраць смяротнага пакарання

100 лепшых постэраў з усёй Еўропы адбірала спецыяльная камісія Савета Еўропы. Інфапункт гэтай арганізацыі ўжо больш за год працуе ў Беларусі.

29.09.2010 Раённыя выбарчыя камісіі сталіцы: у “лідэрах” усе тыя ж

Найбольш распаўсюджанымі арганізацыямі (увайшлі ва ўсе дзевяць камісій) сталі прадстаўнікі БРСМ, “Белай Русі”, Чырвонага крыжа, Федэрацыі прафсаюзаў Беларусі, Саюза жанчын, Фонда міра і КПБ. Гэта сем аб’яднанняў, якія атрымалі безумоўнае лідэрства ў складзе камісій.