Праваабарончы цэнтр «ВЯСНА»

“Праваабаронцы за свабодныя выбары” запрашаюць на прэс-канферэнцыю, прысвечаную вынікам фармавання тэрытарыяльных камісій па выбарах Прэзідэнта Рэспублікі Беларусь. Прэс-канферэнцыя адбудзецца 1 кастрычніка ў офісе РПГА “Беларускі Хельсінкскі Камітэт” у 12 гадзін.

У Магілёве ўпершыню за апошнія 16 год праваабаронцаў пусцілі на першыя пасяджэнні раённых і Магілёўскай абласной выбарчай камісіі.

Маладэчанскім праваабаронцам толькі з другой спробы ўдалося атрымаць спіс сябраў раённай выбарчай камісіі. Пры першым звароце ім чамусьці ў гэтым адмовілі - маўляў, інфармацыя хутка з’явіцца ў прэсе. Праз некаторы час, пры другім запыце, спіс усё ж быў прадастаўлены для азнаямлення.

Склад камісіі здзіўлення не выклікаў. Прадстаўнікі апазіцыі ў ім адсутнічаюць.

29 верасьня ў судзе Берасьцейскай вобласьці адбыліся папярэднія слуханьні па зыску заснавальнікаў Грамадзкага праваабарончага аб'яднаньня "Берасьцейская Вясна" да галоўнага ўпраўленьня аблвыканкама, якое не зарэгістравала арганізацыю. Дата судовага разгляду прызначана на 10 раніцы 12 кастрычніка.

На сайце газеты гарвыканкама “Бабруйскае жыццё” з’явілася публікацыя пад назвай “Кампания стартовала и обещает быть интересной”. Аўтар артыкула Аляксандр Цімафееў знаёмы чытачам “БЖ” як пастаянны крытык апазіцыі.

Жыхары Бярозы Тамара Шчапёткіна і Сяржук Русецкі, якія не былі запрошаны на паседжанне прэзідыуму Бярозаўскага райвыканкама і Бярозаўскага райсавета па фармаванню раённай выбарчай камісіі, накіравалі скаргу ў ЦВК.

Сёння адбылося першае паседжанне Мінскай абласной выбарчай камісіі, у склад якой увайшоў вядомы мастак Аляксей Марачкін. Ён дзеліцца сваімі ўражаннямі ад уключэння ў склад камісіі і прайшоўшага мерапрыемства.

Інфармацыя аб сябрах камісіі не ўтрымлівае звестак пра іх месца працы, таму немагчыма падлічыць колькасць дзяржаўных чыноўнікаў, якія трапілі ў яе склад.