Праваабарончы цэнтр «ВЯСНА»

Навіны за 24 жніўня 2010

24.08.2010 Маляванне крэйдай на асфальце караецца штрафам у 700 тысяч

24 жніўня Салігорскі суд пакараў штрафамі двух маладафронтаўцаў. Андруся Тычыну і Рыгора Астапеню абвінавацілі ў непарадкаванні міліцыі і прысудзілі штраф у 700 тысяч рублёў.

24.08.2010 Суд перанёс разгляд справы Рамана Кісьляка

Cуд Ленінскага раёна Берасьця перанёс разгляд адміністрацыйнай справы ў дачыненьні да праваабаронцы Рамана Кісляка.

24.08.2010 Усходнія дыктатуры вучацца ў Беларусі

Улады Эгіпта напярэдадні чарговых прэзыдэнцкіх выбараў улічылі багаты досьвед Беларусі па стрымліваньні грамадзкай актыўнасьці. Сярод так званых “антырэвалюцыйных мераў” заплянаванае ўвядзеньне крымінальнай адказнасьці за “дзейнасьць ад імя незарэгістраванай арганізацыі”. У зьвязку з гэтым Асамблея няўрадавых дэмакратычных арганізацыяў накіравала ў Амбасаду Эгіпта Заяву пра салідарнасьць з прадстаўнікамі тамтэйшай грамадзянскай супольнасьці.

Рашэньне пытаньня па сьмяротным пакараньні з'яўляецца не адзіным для атрыманьня Беларуссю статусу спецзапрошанага ў ПАРЭ - дакладчык па Беларусі

24.08.2010 Рашэньне пытаньня па сьмяротным пакараньні з'яўляецца не адзіным для атрыманьня Беларуссю статусу спецзапрошанага ў ПАРЭ - дакладчык па Беларусі

Адмена ці ўвядзеньне мараторыя на сьмяротнае пакараньне ў Беларусі з'яўляецца не адзіным пытаньнем, ад рашэньня якога залежыць аднаўленьне для беларускага парламента статусу спецыяльна запрошанага ў Парламенцкую Асамблею Рады Еўропы, заявіла дакладчык па Беларусі камісіі па палітычных пытаннях ПАРЭ Сініка Хурскайнэн ў аўторак у Мінску.

24.08.2010 Не працуе сайт грамадзянскай кампаніі “Гавары праўду”

Ад раніцы, 24 жніўня, не працуе сайт грамадзянскай кампаніі “Гавары праўду!” zapraudu.info. ЖЖ-карыстальнік teamzapraudu паведамляе, што праблемы з сайтам пачаліся яшчэ ўначы і дагэтуль прычына блакіроўкі незразумелая. Пры гэтым ён прыгадвае бот-атакі па ўсіх формах на сайце, якія пачасьціліся ў апошнія дні.

24.08.2010 Канчатковае рашэньне па справе Уласевіча будзе прынятае сёньня

23 жніўня ў Астраўцы закончылася пасяджэньне суда, які разглядае справу Мікалая Уласевіча. Старшыню Астравецкай раённай арганізацыі АГП абвінавачваюць у непадпарадкаваньні пажарнікам, якія прыйшлі да яго, каб правесці праверку ў хаце. Сам Мікалай Уласевіч лічыць гэтую справу цалкам сфабрыкаванай.

24.08.2010 Прадуктовая пасылка адміністратыўна арыштаваным: неабходнасьць альбо раскоша?

Канстытуцыйны Суд лічыць, што праблема забароны на перадачу прадуктовых пасылак адміністрацыйна арыштаваным знаходзіцца на перыферыі грамадскай сьвядомасьці.

24.08.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду праграмы ў эфір – 15-05. Таксама ў гэты час яе можна слухаць праз інтэрнэт: http://www.racyja.

24.08.2010 У Берасьці судзяць праваабаронцу Рамана Кісьляка

24 жніўня ў 10 гадзін раніцы ў судзе Ленінскага раёна Берасця пачнецца разгляд адміністрацыйнай справы ў дачыненьні да юрыста-праваабаронцы Рамана Кісьляка.