Праваабарончы цэнтр «ВЯСНА»

Навіны за Ліпень 2010

22.07.2010 Справу Зарэмбюка перадалі з КДБ у міліцыю

Пра гэта даведаўся актывіст Руху "За Свабоду" Сяргей Трафімчык з адказу УКДБ па Гродзенскай вобласці на сваю заяву.

22.07.2010 Чарговы асуджаны пастар

29 чэрвеня 2010 года суд Кобрынскага раёна Брэсцкай вобласці прызнаў пастара Царквы Хрысціян Веры Евангельскай (г. Кобрын, вёска Вялікія Лепесы) Віктара Новіка вінаватым у адміністрацыйным правапарушэнні на падставе ч.2 арт.23.34 КаАП РБ. Яму выставілі штраф у памеры 2.100.000 бел. руб. (па 700 тыс. за кожнае богаслужэнне - 31 траўня, 7 чэрвеня і 14 чэрвеня).

21.07.2010 Сваякі загінулай ад кулі міліцыянта дзяўчыны звярнуліся ў «Вясну»

Яны паведамілі пра тое, што не вераць у афіцыйную версію трагедыі аб выпадковасці стрэлу ў галаву. Праваабаронцы лічаць, што неабходна арганізаваць грамадскае назіранне за ходам расследавання дадзенай крымінальнай справы.

21.07.2010 Касацыйная скарга Абрамовіча не задаволеная

Учора адбыўся разгляд касацыйнай скаргі Алеся Абрамовіча на рашэньне суда Барысаўскага раёну, які прызнаў яго вінаватым у парушэньні арт. 23.34, 23.4 Кодэксу аб адміністратыўных правапарушэньнях (парушэньне парадку арганізацыі альбо правядзеньня масавага мерапрыемства ці пікетаваньня, і непавінавеньне законнаму распараджэньню альбо патрабаваньню службовай асобы пры выкананьні ёй службовых паўнамоцтваў).

21.07.2010 Журналіста Радыё Рацыя зноў не акрэдытавалі ў Беларусі

Міністэрства Замежных Спраў чарговы раз не задаволіла заявы на акрэдытацыю журналіста Радыё Рацыя Віктара Парфёненкі. Ён падаваў ужо ў МЗС заяву на акрэдытацыю год таму, аднак тады таксама атрымаў адмову.

20.07.2010 А суддзі хто? Таксама “бульбашы”!

Больш за год віцебскі праваабаронца Валерый Місьнікаў, разам з актывістам Сяргеем Каваленка, намагаюцца ад заводу вінаградных вінаў “Дыяніс” (СТАА ЗВВ “Дыяніс”) спыненьня вытворчасьці і рэалізацыі на тэрыторыі Беларусі спіртных напояў пад гандлёвым знакам “БУЛЬБАШЪ”. Валерый лічыць, што прадукцыя з такой назвай утрымлівае зневажальна-абразлівую мянушку беларусаў і нясе ў сабе знявагу нацыянальнага гонару, беларускай культуры, адценьне непаўнавартаснасьці беларусаў.

20.07.2010 Алесь Бяляцкі стаў ганаровым грамадзянінам Генуі

Муніцыпалітэт гораду Генуя надаў старшыні Праваабарончага цэнтру "Вясна" Алесю Бяляцкаму ганаровае грамадзянства. Італьянская грамадскасць такім чынам выказала сваю занепакоенасць сітуацыяй з правамі чалавека ў Беларусі, у прыватнасці, наяўнасцю смяротнага пакарання, абмежаваннем свабоды СМІ, грамадзянскіх і палітычных правоў, і падтрымку беларускім праваабаронцам.

20.07.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.

20.07.2010 Сьмяротныя прысуды: што скажа Вярхоўны суд 30 ліпеня?

Прызначаная дата разгляду з Вярхоўным Судзе Беларусі касацыйных скаргаў асуджаных да вышэйшай меры пакараньня жыхароў Гародні Алега Грышкаўцова і Андрэя Бурдыкі. 30 ліпеня будзе выкарыстаны апошні шанец захаваць жыцьцё гарадзенскім забойцам. Праўда ў асуджаных яшчэ застаецца ілюзорная магчымасьць памілаваньня прэзідэнтам краіны, але, як сведчыць практыка, на гэта спадзявацца не даводзіцца, бо за ўвесь час незалежнасьці Беларусі прэзідэнт памілаваў толькі аднаго чалавека.

20.07.2010 Затрыманні ў Брэсце

На Брэсцкім чыгуначным вакзале 19 ліпеня ў 21 гадзіну 40 хвілін па выхадзе з вагона цягніка Мінск-Брэст былі затрыманы супрацоўнікамі лінейнага аддзела міліцыі намеснік старшыні рэспубліканскага грамадскага аб’яднання “Перспектыва” Віктар Чайкоўскі і старшыня абласнога Свабоднага прафсаюза Беларускага Валянцін Лазарэнкаў.

20.07.2010 Журналісты выступілі ў падтрымку «Салідарнасці»

Група вядомых беларускіх журналістаў 19 ліпеня выступіла з заявай у падтрымку інтэрнет-газеты «Салідарнасць». Нагодай для публічнай заявы стаў ціск на інтэрнет-рэсурс з боку прафсаюзных функцыянераў.

19.07.2010 Сяргея Каваленку вызвалілі з-пад варты

Віцебскага сябру КХП БНФ позна ўвечары 19 ліпеня адпусцілі з ізалятара часовага ўтрымання, куды ён трапіў 9 ліпеня. Цягам гэтых дзён у ізалятары ён трымаў галадоўку пратэсту супраць несправядлівых, на ягоную думку, затрыманняў і пакаранняў.

19.07.2010 Маладафронтавец Цянюта і ў войску знайшоў магчымасць абразіць прэзідэнта

У войску актывісту Маладога Фронта Андрусю Цянюту пагражаюць крымінальнай адказнасцю за абразу прэзідэнта і дзяржаўных сімвалаў Беларусі.

19.07.2010 Віцебскі актывіст абразіў Прэзідэнта Лукашэнку?

Па ініцыятыве Адміністрацыі Прэзідэнта Рэспублікі Беларусь пракуратурай Чыгуначнага раёна г. Віцебска 13 ліпеня 2010 г. распачата праверка ў дачыненьні апазіцыйнага актывіста Сяргея Белязекі.