Праваабарончы цэнтр «ВЯСНА»

Навіны за 12 траўня 2010

12.05.2010 Грамадзкія актывісты не далі ўрадавай дэлегацыі схаваць праблему рэпрэсіўнага заканадаўства ў Беларусі

Сёньня, 12 красавіка, у Радзе па правах чалавека ААН (Жэнэва), адбылося абмеркаваньне праблемы рэпрэсіўнага артыкулу 193.1, арганізаванае Асамблеяй НДА Беларусі ў супрацы з міжнародным альянсам CIVICUS ды Міжнароднай фэдэрацыяй правоў чалавека (FIDH). Падзея прымеркаваная да разгляду справаздачы ўраду Рэспублікі Беларусь пра становішча з правамі чалавека ў краіне ў рамках Ўнівэрсальнага пэрыядычнага агляду (Universal periodic review) - новага мэханізму ААН дзеля абароны правоў чалавека.

12.05.2010 Праваабарончы цэнтр “Вясна” віншуе Тамару Чыкунову з узнагародай!

Праваабаронца Тамара Чыкунова, старшыня узбекскай арганізацыі “Маці супраць смяротнага пакарання і катаванняў”, узнагароджана Ордэнам Ганаровага Легіёну (Légion d’honneur) за актыўнае змаганне супраць смяротнага пакарання.

12.05.2010 Суды і штрафы за “брыдкаслоўе”

12 траўня ў судзе Ленінскага раёна Мінску судзілі дэмакратычных актывістаў, якіх затрымалі пасля суду над Мікалаем Аўтуховічам, Уладзімірам Асіпенкам і Міхаілам Казловым.

12.05.2010 Колькі смяротных прысудаў у Беларусі выканана з 1990 года?

12 траўня праваабаронцы ў межах кампаніі супраць смяротнага пакарання ў Беларусі накіравалі на імя Міністра ўнутраных справаў, Генеральнага пракурора і Старшыні Вярхоўнага Суда Рэспублікі Беларусь запыты пра колькасць вынесеных і выкананых смяротных прысудаў з 1990 па 2009 год.

12.05.2010 «Патэнцыйныя» заснавальнікі і рэдактары сустрэліся з Ліліяй Ананіч

12 траўня «патэнцыйныя» заснавальнікі і рэдактары незарэгістраваных выданняў — Вадзім Баршчэўскі («Наш дом»), Сяргей Балай («Хімік. Два города») і Уладзімір Шыла («Солигорск плюс»), а таксама старшыня праўлення «Цэнтру прававой трансфармацыі» Алена Танкачова — па чарзе пабывалі на прыёме ў намесніцы міністра інфармацыі Ліліі Ананіч, а затым усе разам правялі прэс-канферэнцыю ў офісе ГА «БАЖ».

12.05.2010 Савет па правах чалавека ААН "слухае” Беларусь

Сёньня ў Жэневе Савет па правах чалавека ААН будзе разглядаць справаздачу ўраду Рэспублікі Беларусь пра становішча з правамі чалавека ў краіне ў рамках Універсальнага перыядычнага агляду - новага механізму ААН для абароны правоў чалавека. Альтэрнатыўны агляд па Беларусі быў падрыхтаваны шэрагам праваабарончых арганізацый. У яго падрыхтоўцы удзельнічалі Праваабарончы цэнтр «Вясна», Беларускі Хельсінскі камітэт, Беларуская асацыяцыя журналістаў, Асамблея няўрадавых арганізацый, а таксама міжнародныя арганізацыі. Нагадаем, што Перыядычны агляд, які праводзіць Савет ААН па правах чалавека – гэта штогадовая справаздача 192 краін-сябраў ААН пра тое, як выконваюцца міжнародныя нормы у галіне абароны правоў чалавека.

12.05.2010 Вынікі выбараў: давярай, але правярай

Грамадскі актывіст Аляксей Паўлоўскі ў чарговы раз не стаў дэпутатам. Але як і раней ён не паверыў вынікам выбараў і вырашыў праверыць сапраўднасць іх вынікаў.

12.05.2010 Сёньня ў Віцебску судзяць нацыянальны сьцяг і … Сяргея Каваленку (дапаўняецца)

У судзе абвешчаны перапынак да 13 траўня. Заўтра будуць выслуханыя сведкі, якія мусяць распавесьці акалічнасьці вывешваньня сьцяга і затрыманьня Сяргея Каваленкі. Калі яго прызнаюць вінаватым, актывісту пагражае да 5 гадоў турмы.

12.05.2010 Міліцыянты палічылі паветраныя балёнікі друкаваным выданьнем

Аршанца Руслана Канавалава выклікалі сёньня ў аршанскую транспартную міліцыю для складаньня пратаколу пра адміністрацыйнае правапарушэньне. 30 красавіка ў яго канфіскавалі 1.700 балёнікаў зь лягатыпам кампанію «Гавары праўду».