Праваабарончы цэнтр «ВЯСНА»

Навіны за 16 красавіка 2010

16.04.2010 Алеся Зарэмбюка затрымалі

Алесь Зарэмбюк знаходзіцца ў Ашмянскім РАУС. Ён патлумачыў, што яго затрымалі на выезьдзе з Ашмянаў, калі ён накіраваўся дахаты ў Масты. Паводле яго, ДАІ ўжо чакала яго.

16.04.2010 Орша: Друк - толькі па ўзгадненні з гарвыканкамам

Кандыдат у дэпутаты Віцебскага абласнога Савета Мікалай Петрушэнка падаў скаргу ў пракуратуру горада Оршы на Аршанскі гарвыканкам. Ён абураны тым, што гарвыканкам робіць папярэднюю цэнзуру матэрыялаў кандыдатаў, і просіць пракуратуру даць прававую ацэнку працэдуры такога ўзгаднення.

16.04.2010 Супраць Алеся Зарэмбюка заведзеная крымінальная справа

Яго абвінавачваюць у махлярстве. Нібыта палітык пазычыў у некага грошай, але не аддаў. Да бацькоў каардынатара Руху «За Свабоду» па Гродзенскай вобласці Алеся Зарэмбюка прыйшлі з ператрусам.

16.04.2010 Баранавічы: М. Чарнавус просіць, каб пракуратура разабралася з падробкамі

Да Цэнтральнай камісіі Мікалай Чарнавус звярнуўся з просьбай праверыць працу Баранавічкай гарадской камісіі на адпаведнасць Выбарчаму кодэксу, навесці парадак, пакараць вінаватых і забяспечыць правядзенне гэтых і наступных выбараў згодна заканадаўству. Яшчэ ён просіць прызнаць працу гэтай камісіі не адпавядаючай заканадаўству, непрафесійнай, парушаючай Канстытуцыю.

16.04.2010 Мазыр: У Дом культуры кандыдатаў у дэпутаты не пусцілі

15 красавіка сустрэча кандыдатаў у дэпутаты Францішака Вячоркі і Уладзіміра Целяпуна з выбаршчыкамі мікрараёна “Чыгуначны” г.Мазыра адбылася на пляцоўцы каля будынку Дома культуры “40 год Кастрычніка”. У сам Дом культуры кандыдатаў у дэпутаты не пусцілі – на гэты час там прызначылі паказ відэафільма. Як паведаміў кіроўца, які прывёз відэатэку, графік паказу відэафільма раптам змянілі і замест серады, 14 красавіка, паступіла каманда перанесці паказ на чацвер.

16.04.2010 Міжнародная супольнасць абураная смяротнымі пакараннямі ў Беларусі

14 красавіка сябры Сеткі дамоў правоў чалавека, а таксама шэраг міжнародных праваабарончых арганізацый прынялі зварот у сувязі з стаўшым вядомым фактам смяротнага пакарання двух грамадзянаў Беларусі.

16.04.2010 Ізноў не стрымаліся і затрымалі…(Дапаўняецца)

Акцыя актывістаў "Маладога фронту", каля цэнтральнага офісу БРСМ у Менску закончылася масавымі затрыманьнямі.

16.04.2010 Магілёў: Майстар ЖЭУ загадала паздзіраць усе плакаты апазіцыйнага кандыдата

Кандыдат ў дэпутаты у гарсавет па Дняпроўскай выбарчай акрузе №26 Антон Цыдзік, які з’яўляецца сябрам ГА “БНФ Адраджэнне”, паведаміў, што паздзіралі ўсе яго перадвыбарчыя плакаты. Майстар ЖЭУ-4 Тамара Габрусева загадала іх паздзіраць і папярэдзіла, каб ён больш не вывешваў свае агітацыйныя матэрыялы на замацаваных за ёй дамах.

16.04.2010 Мазыр: Акруговая камісія не лічыць патрэбным прытрымлівацца графіка працы

Нікога ў памяшканні камісіі кандыдат не знайшоў, нягледзячы на вызначаны графік працы камісіі: з 10-00 да 14-00 і з 16-00 да 19-00. І гэта ўжо не першы падобны выпадак, на што кандыдат і раней рабіў заўвагі сакратару камісіі Пінчук Е.М. На гэты раз прыйшлося звярнуцца да Центральнай камісіі за дапамогай ў арганізацыі працы акруговай камісіі.

16.04.2010 Магілёў: Праўладны кандыдата падключыў пошту да распаўсюду сваіх улётак?

Актывіст аргкамітэту Партыі БХД Канстанцін Тыртычный: “Учора па пошце я атрымаў газету “Савецкая Беларусь”, і ўнутры яе знаходзілася ўлётка дырэктара Магілёўскага аўтобуснага парка Віктара Лазарэнкі. Улётка знаходзілася паміж старонкамі газеты і патрапіць унутр выпадкова не магла. Яе туды спецыяльна паклалі”.

16.04.2010 Барысаў: Раёнка ігнаруе выбарчую кампанію

У апошнім шматстаронкавым нумары барысаўскай выканкамаўскай газеты “Адзінства”, які выйшаў 16 красавіка, няма ніводнай інфармацыі, што тычыцца ходу выбарчай кампаніі па выбарах дэпутатаў у мясцовыя Саветы дэпутатаў дваццаць шостага склікання. Хаця да выбараў засталося крыху больш за тыдзень, і наступны нумар газеты выйдзе ўжо напярэдадні выбараў 21 красавіка.

16.04.2010 На Віцебшчыне зарэгістравана больш за трыста назіральнікаў

Для маніторынгу маючых адбыцца выбараў у мясцовыя Саветы дэпутатаў у Віцебскай вобласці ў цяперашні час выбарчымі камісіямі ўсіх узроўняў зарэгістраваныя 307 назіральнікаў. З іх 138 вылучаны працоўныхмі калектывамі, 135 - грамадскімі аб'яднаннямі, 30 - шляхам падачы заяваў, 4 - палітычнымі партыямі.

16.04.2010 Яўген Крыжаноўскі шкадуе, што ў Беларусі не распаўсюджана практыка дыспутаў паміж кандыдатамі

Падчас перадвыбарнай гонкі не абыйшлося і без "чорнага піяру". Артыст распавёў, што ў акрузе, па якой ён балатуецца, развесілі ксеракопіі яго перадвыбарных улётак - а гэта просты крок атрымаць папярэджанне ад выбарчай камісіі за парушэнне заканадаўства.

16.04.2010 Салігорск: На прадпрыемствах горада агітуюць супраць А.Валабуева

Высвятляюцца новыя падрабязнасці ідэалагічнай нарады, прысвечанай выбарам у мясцовыя Саветы дэпутатаў. Адна з асноўных задач ідэалагічнага апарата на завяршальным этапе выбарчай кампаніі – правесці размовы ў працоўных калектывах і пераканаць падначаленых не аддаваць галасы ў падтрымку незалежнага кандыдата Аляксея Валабуева.

16.04.2010 Аршанскія дэмакраты здымаюцца з выбараў

15 красавіка ў акруговую выбарчую камісію падаў заяву пра зняццё сваёй кандыдатуры сябра АГП Аляксей Ціханенкаў. У якасці прычын для адмовы ад далейшага ўдзелу ў выбарчай кампаніі ён указвае адсутнасць магчымасцяў для кантролю за празрыстасцю выбараў - ва ўчастковыя камісіі ў яго акрузе не ўключаны ніводзін прадстаўнік апазіцыі, а таксама рашэнне апошняга з'езду АГП.