Праваабарончы цэнтр «ВЯСНА»

18 сакавіка ў афіцыйнай газеце “Гродзенская праўда” нарэшце былі надрукаваныя склады ўчастковых выбарчых камісій, сфармаваных мясцовымі адміністрацыямі яшчэ 10 сакавіка.

Сёння, 18 сакавіка, суд Кастрычніцкага раёна г.Магілёва другі дзень запар разглядаў скаргу арганізацыі БНФ “Адраджэнне” па пытанні неўключэння прадстаўнікоў ў склад выбарчых камісій.

Змітру Лупачу, актывісту незарэгістраванай Беларускай Хрысціянскай Дэмакратыі з Глыбокага, амовілі ў праве быць кандыдатам ў дэпутаты Глыбоцкага раённага Савета. Падставай для нерэгістрацыі ў якасці кандыдата паслужыла прызнанне несапраўднымі 20% сабраных за вылучэнне спадара Зміцера подпісаў.

Салігорскі выканаўчы камітэт вызначыў месцы для агітацыі і памяшканні, дзе кандыдаты ў дэпутаты змогуць сустракацца з выбаршчыкамі. Мясцовыя чыноўнікі палічылі найбольш зручнымі для перадвыбарчых мерапрыемстваў месцамі стадыён “Будаўнік” і аднайменны палац культуры. Яднае два месцы не толькі назва – абодва аб’екты знаходзяцца на гарадскіх ускраінах.

Падчас наведвання прадпрыемстваў Берасця і размоваў з супрацоўнікамі высветлілася, што далёка не кожны з іх можа трапіць у кандыдаты.

З-за нізкага попыту насельніцтва на дзяржаўную газету яе выпускі, якія выходзяць па аўторках, у продаж не паступаюць. Прадаюцца толькі выпускі, якія выдаюцца па чацвяргах – з тэлевізійнай праграмай.

Пэўная колькасць сябраў незарэгістраванай Беларускай Хрысціянскай Дэмакратыі вымушаны былі адмовіцца ад удзелу ў выбарах з-за ўзмоцненага на іх ціску з боку ўладаў. З 23 сябраў партыі, вылучаных кандыдатамі ў дэпутаты шляхам збору подпісаў па Менску, засталося толькі 19 чалавек.

На 60 дэпутацкіх месцаў ў абласным Савеце прэтэндуюць толькі 107 чалавек. Практычна гэта азначае, што прыблізна на 10 акругах выбары будуць безальтэрнатыўныя.