Праваабарончы цэнтр «ВЯСНА»

Прыкладна 20 % выбаршчыкаў не вераць, што тыя кандыдаты, за якіх зараз збіраюць подпісы, будуць адстойваць іх інтарэсы і часта кажуць, што гэта марная справа. Жаночая частка больш актыўная ў палітычным плане і праяўляе большую зацікаўленасць да таго, за каго яны ставяць подпісы.

Сябры ініцыятыўных групаў з розных рэгіёнаў паведамляюць пра забароны на збор подпісаў у інтэрнатах навучальных установаў, якія знаходзяцца на тэрыторыях выбарчых акругаў, па якіх вылучаюцца іх кандыдаты.

У Вярхоўным Судзе Рэспублікі Беларусь 22 сакавіка 2010 году будзе разглядацца скарга Гарадзенскай абласной арганізацыі партыі БСДГ на вызначэнне Гарадзенскага абласнога суда аб узбуджэнні грамадзянскай справы. Пачатак судовага паседжання ў 10 гадзінаў.

Моладзевы актывіст Іван Шыла 1 сакавіка атрымаў адмоўны адказ на паседжанні Салігорскай выбарчай камісіі на зварот выбаршчыкаў, якія прапанавалі яго ў якасці назіральніка.

Міністэрства юстыцыі ў трэці раз адмовіла “Асамблеі няўрадавых дэмакратычных аб’яднаньняў” у рэгістрацыі. Чыноўнікі зь Мінюста вырашылі не арыгінальнічаць, паўтарыўшы тыя самыя, што і ў мінулы раз, прычыны адмовы.

Кіраўнік “Маладой Беларусі” Артур Фінкевіч тэрмінова выкліканы 3 сакавіка для дачы тлумачэнняў да следчага ўпраўлення ўнутраных спраў Менгарвыканкама. Прычынай выкліку стала заява маці Ільлі Шчарбіцкага, якая сцвярджае, што сябры гэтай арганізацыі нібыта спрабуюць уцягнуць яе сына ў супрацьпраўную дэструктыўную дзейнасць, якая можа парушаць грамадскі парадак.

Сёння, 2 сакавіка, старшыня бабруйскай суполкі БСДП “Грамада” Юры Грынявецкі наведаў КДБ, куды яго папрасілі з’явіцца як “асобу, што ведае пра акалічнасці, якія маюць значэнне для забеспячэння нацыянальнай бяспекі”. Усю размову з супрацоўнік КДБ запісваў, патлумачыўшы тым, што гэта “апытанне”.