1 лютага 2010 года суд суд Мінскага р-на прыгаварыў Івана Міхайлава да трох месяцаў арышту за ўхіленне ад мерапрыемстваў, зваязаных з прызывам на вайсковую службу.
Паводле інфармацыі афіцыйных СМІ, да 14 лютага мясцовыя ўлады павінны вызначыць месцы для правядзення пікетаў па зборы подпісаў у падтрымку кандыдатаў у дэпутаты мясцовых Саветаў. Пра гэта паведаміла старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына 1 лютага на прэс-канферэнцыі ў Менску. Але гэтае патрабаванне супярэчыць артыкулу 61 Выбарчага кодэкса Рэспублікі Беларусь, засцерагаюць праваабаронцы.
Пасля таго, як прадстаўнікоў апазіцыі не ўключылі ў тэрытарыяльныя камісіі ў Оршы і Аршанскім раёне, лідэры палітычных партый Аршаншчыны - аддзяленняў БСДП, Партыі БНФ, "Справядлівы свет" і АГП накіравалі зварот у органы ўлады, а таксама рэкамендавалі патэнцыйным кандыдатам у дэпутаты ад дэмакратычных сіл, незалежным кандыдатам устрымацца ад удзелу ў выбарах.
2 лютага суддзя суда Цэнтральнага раена Гомеля Сяргей Шыцікаў прыняў рашэнне адмовіць Гомельскай гарадской арганізацыі АГП у задавальненні скаргі на рашэнне прэзідыума гарсавета дэпутатаў і гарвыканкама аб утварэнні гарадской выбарчай камісіі. Рашэнне суда з'яўляецца канчатковым.
Мясцовыя ўлады дакладна выканалі патрабаванне выбарчага закона адносна прадстаўніцтва ў выбарчых камісіях сяброў палітычных партый і грамадскіх аб'яднанняў. Гэта, як гаворыцца, колькасны бок. Калі звярнуць увагу на якасць, то карціна бачыцца ў іншым святле.
Прэзентацыя беларускага гей-лесбі часопіса «GAY: good as you» адбудзецца ў ноч з суботы на нядзелю 27 лютага ў сталічным клубе «Клубе 6_А». Як паведамляюць заснавальнікі, часопіс збіраецца знаёміць грамадскасць з праблемамі ЛГБТ-супольнасці, разважаць на сур'ёзныя тэмы, забаўляць, выклікаць дыскусіі і даваць свае старонкі для творчай рэалізацыі геям, лесбіянкам, бісэксуалам, транссэксуалам, а таксама па-сяброўску настроеным гетэрасексуалам.
 |
|
 |