Праваабарончы цэнтр «ВЯСНА»

Навіны за 7 кастрычніка 2009

07.10.2009 Валянцін Стэфановіч: Сітуацыя з правамі чалавека за апошнія паўгады прыводзіць да несуцяшальных высноваў

Апошнім часам у СМІ з’яўляюцца выказванні некаторых еўрапейскіх чыноўнікаў пра станоўчыя тэндэнцыі ў палітычнай лібералізацыі ў нашай краіне. У прыватнасці, напачатку тыдня кіраўнік прадстаўніцтва Еўракамісіі ў Беларусі і ва Украіне Жазэ Мануэль Пінту Тэйшэйра адзначыў "пэўны прагрэс" па дэмакратызацыі Беларусі. Як беларускія праваабаронцы ацэньваюць сітуацыю ў краіне напярэдадні разгляду пытання пра аднаўленне санкцыяў Еўразвяза ў дачыненні да афіцыйнага Менску? Пра гэта – у гутарцы з прадстаўніком Праваабарончага Цэнтру “Вясна” Валянцінам Стэфановічам.

07.10.2009 Вынікі конкурсу творчых працаў па тэме смяротнага пакарання будуць абвешчаныя 10-га кастрычніка

Пераможцы конкурсу творчых працаў, які праходзіў у межах кампаніі “Праваабаронцы супраць смяротнага пакарання ў Беларусі”, будуць абвешчаныя 10-га кастрычніка.

07.10.2009 Кадыраў перамог “Мемарыял”

Як паведамляе “Радыё Свабода”, расейскі суд 6 кастрычника загадаў праваабарончай арганізацыі “Мемарыял” спыніць закіды на адрас прэзыдэнта Чачні Рамзана Кадырава ў дачыненьні да забойства журналісткі і праваабаронцы Натальлі Эстэміравай. Суд прызнаў закіды беcпадстаўнымі і загадаў Мэмарыялу выплаціць Кадыраву кампэнсавыю памерам $2 340 даляраў.

07.10.2009 Барысаў: Незалежны журналіст прайграў ў судзе

Раніцай 7 кастрычніка суд Барысаўскага раёну вынес рашэньне па пазову рэдактара райвыканкамаўскай газэты "Адзінства" Пратасевіч В. М. да ПВУП "Букас мэдыя-цэнтар" і журналіста Ніцкага В. І. аб абароне гонару, годнасьці й спраўнай рэпутацыі, кампэнсацыі маральнай шкоды. Справа разглядалася судом з канца красавіка 2009 г.

07.10.2009 Тысячы беларусаў просяць прэзідэнта Расіі спыніць перамовы ў справе АЭС

Больш як пяць тысяч беларускіх грамадзян звярнуліся да прэзідэнта Расіі Дзмітрыя Мядзведзева з просьбай спыніць перамовы аб будаўніцтве АЭС у Беларусі.