Праваабарончы цэнтр «ВЯСНА»

Навіны за Ліпень 2009

28.07.2009 Незалежны журналіст Ігар Банцэр атрымаў позву з пракуратуры

Галоўны рэдактар часопіса “Магазын польскі ў выгнанні” Ігар Банцэр атрымаў позву з пракуратуры Гарадзенскай вобласці, паводле якой павінен будзе даць тлумачэнні намесніку пракурора.

28.07.2009 Масавыя арышты ў Дзень незалежнасці ў Менску

Супрацоўнікі АМАПа арыштавалі 20 актывістаў грамадзянскай кампаніі «Еўрапейская Беларусь», якія збіраліся адзначыць у цэнтры Менска 19-я ўгодкі прыняцця Дэкларацыі аб суверэнітэце.

28.07.2009 У Шклове цікавіліся, ці існуе “Белсат”

Галоўны інжынэр шклоўскага заводу газэтнай паперы вінаваціць магілёўскага журналіста Генадзя Судніка ў распаўсюджваньні непраўдзівых зьвестак пра стан яго прадпрыемства.

27.07.2009 Праваабаронцы выступаюць супраць моўнай дыскрымінацыі ў войску

Праваабаронцы ПЦ "Вясна" накіравалі адкрыты зварот да міністра абароны і генеральнага пракурора Рэспублікі Беларусь з патрабаваннем спыніць незаконны пераслед і ціск на ваенаслужачага Франака Вячорку ды іншых беларускамоўных служачых ў сувязі з выкарыстаннем імі беларускай мовы пры праходжанні вайсковай службы.

27.07.2009 Белсаюздрук адмовіў «ARCHE» у распаўсюдзе

Рэдакцыя часопіса «ARCHE» атрымала ліст за подпісам дырэктара РУП «Белсаюздрук» Ігара Дудзіча, у якім зазначаецца, што цяпер «адсутнічае магчымасць распаўсюджання часопіса праз гандлёвую сетку з прычыны надзвычай высокай яе насычанасці перыядычнымі выданнямі, у тым ліку масава палітычнай і літаратурна мастацкай тэматыкі».

27.07.2009 Гарадок: затрыманні за пікет з нагоды абвяшчэння дзяржаўнага сувірэнітэту Беларусі

У Гарадку (Віцебская вобласць) сябры «Маладой Беларусі», «Еўрапейскай Беларусі» і «Моладзі БНФ» правялі пікет прысвечаны гадавіне абвяшчэння дзяржаўнага сувірэнітэту Беларусі. Шаснаццаць чалавек выйшлі да будынку мясцовага райвыканкаму з расцяжкай.

27.07.2009 Няўрадавыя арганізацыі Магілёўшчыны ўхвалілі праект Канцэпцыі разьвіцьця грамадзянскай супольнасьці

84 дэлегаты ад няўрадавых арганізацыяў Магілёўшчыны ўхвалілі распрацаваны Асамблеяй НДА праект Канцэпцыі разьвіцьця Грамадзянскае супольнасьці. Адпаведная рэзалюцыя была прынятая на абласным Форуме грамадзкіх арганізацыяў, зладжаным магілёўскай філіяй Асамблеі.

27.07.2009 Сяргей Мацкевіч: лібэралізацыя на ўзроўні рыторыкі

Кампанія Асамблеі НДА “Стоп 193-1” за адмену артыкула Крымінальнага кодэксу, які прадугледжвае адказнасьць за ўдзел у незарэгістраванай арганізацыі, цягнецца два месяцы. За гэты час да ініцыятывы далучыліся дзясяткі беларускіх і замежных аб’яднаньняў. Якіх яшчэ вынікаў удалося дасягнуць? Чаму ініцыятыва “Стоп 193-1” стартавала цяпер? Наколькі інфармаваная міжнародная супольнасьць наконт існаваньня ў Беларусі заканадаўчых перашкодаў грамадзянскага актывізму? Над гэтымі і іншымі пытаньнямі разважае старшыня Рабочай групы Асамблеі Сяргей Мацкевіч.

27.07.2009 Алег Трусаў: «Армія абавязаная перайсці на беларускую мову»

Днямі стала вядома, што камандаванне вайсковай часткі ў Мазыры вынесла дысцыплінарнае спагнанне гвалтоўна прызванаму ў армію моладзеваму лідэру.

27.07.2009 Падчас малітоўнай сустрэчы ў Івянцы затрымалі Насту Палажанку

На малітоўнай сустрэчы моладзі ў Івянцы, што праходзіла на выходных, здарылася ганебная падзея: каталіцкія маладзёны затрымалі маладафронтаўку Насту Палажанку за распаўсюд буклетаў на нацыянальную тэматыку.

25.07.2009 Да ўвагі журналістаў і прадстаўнікоў грамадзкасці: разгляд скаргі праваабаронцаў пераносіцца

На 27 ліпеня ў Вярхоўным судзе быў прызначаны разгляд скаргі заснавальнікаў ГПА "Наша Вясна" на адмову ў дзяржрэгістрацыі, аднак у сувязі з ад'ездам прадстаўнікоў грамадзкага аб'яднання паседжанне не адбудзецца.

24.07.2009 Абвешчаны прысуд прадпрымальніцы Вользе Мінько

Суд Баранавіцкага раёна і г.Баранавічы пакараў прадпрымальніцу Вольгу Мінько па арт. 23.4 КаАП за нібыта непадпарадкаванне службовай асобе пры выкананні ёю службовых абавязкаў штрафам у памеры 25 базавых велічыняў.

24.07.2009 Гары Паганяйла: «Амністыя пухавіцкіх забойцаў - гэта проста здзек з права»

Праваабаронцы заяўляюць, што амністыя забойцаў пухавіцкага падпальшчыка можа стварыць ілюзію беспакаранасці за здзяйсненне асабліва цяжкіх злачынстваў.

24.07.2009 Упершыню беларускі салдат пакараны за беларускую мову

23 ліпеня 2009 году антыбеларуская істэрыя ў в/ч № 48694 у Мазыры дасягнула піку. Ф.Вячорку афіцыйна вынесена адно з найбольш жорсткіх дысцыплінарных спагнаньняў, прадугледжаных арт. 49 Дысцыплінарнага статуту Ўзброеных сілаў: скарачэньне адпачынку за ўвесь пэрыяд вайсковай службы да 5 сутак (наступнае і найбольш жорсткае пакараньне – гаўптвахта).