Навіны за 28 ліпеня 2009

28.07.2009 Алесю Стральцову суд змякчыў пакаранне, ад якога ён ужо павінен быў быць вызвалены

Фігурант “справы 14-ці” Алесь Стральцоў накіраваў у Менскі гарадскі суд скаргу на пастанову суду Цэнтральнага раёну ад 15 чэрвеня 2009 году пра замену неадбытай часткі пакарання ў выглядзе абмежавання волі без накіравання ў папраўчую ўстанову на больш мяккае. Дадзеная судовая пастанова замяняе пакаранне, ад якога малады чалавек ужо павінен быў быць вызвалены ў адпаведнасці з законам “Аб амністыі”.

28.07.2009 Узбуджаная грамадзянская справа па нерэгістрацыі бярозаўскай "Спадчыны"

Гарадзенскі абласны суд узбудзіў грамадзянскую справу па скарзе дэмакратычных актывістаў з Бярозаўкі на адмову Галоўнага ўпраўлення юстыцыі Гарадзенскага аблвыканкама ў рэгістрацыі грамадскага культурна-асветніцкага аб’яднання “Спадчына”.

28.07.2009 У рэгіёнах пачалася кампанія за вяртанне ільготаў насельніцтву

Гомельскія абласныя дэмакратычныя сілы пачалі палітычную кампанію за ўвядзенне ў рэгіёне ільготаў для сацыяльна слабых катэгорыяў грамадзянаў.

На думку Кардынацыйнай Рады АДС, крызісныя з'явы ў эканоміцы, якія нарастаюць, робяць жыццё людзей, пазбаўленых (у перыяд адноснага дабрабыту), дзяржаўнай падтрымкі, проста невыносным.

28.07.2009 У Лідзе затрымалі маладафронтаўцаў за распаўсюд налепак "Свабоду Дубскаму!"

Уначы на 28 ліпеня ў раёне чыгункі міліцыянты затрымалі актывістаў Лідзкага Маладога Фронту Вадзіма Бароўскага і Кастуся Ліцьвінскага за распаўсюд налепак "Свабоду Дубскаму!".

28.07.2009 Незалежны журналіст Ігар Банцэр атрымаў позву з пракуратуры

Галоўны рэдактар часопіса “Магазын польскі ў выгнанні” Ігар Банцэр атрымаў позву з пракуратуры Гарадзенскай вобласці, паводле якой павінен будзе даць тлумачэнні намесніку пракурора.

28.07.2009 Масавыя арышты ў Дзень незалежнасці ў Менску

Супрацоўнікі АМАПа арыштавалі 20 актывістаў грамадзянскай кампаніі «Еўрапейская Беларусь», якія збіраліся адзначыць у цэнтры Менска 19-я ўгодкі прыняцця Дэкларацыі аб суверэнітэце.

28.07.2009 У Шклове цікавіліся, ці існуе “Белсат”

Галоўны інжынэр шклоўскага заводу газэтнай паперы вінаваціць магілёўскага журналіста Генадзя Судніка ў распаўсюджваньні непраўдзівых зьвестак пра стан яго прадпрыемства.
слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Prava-BY.info Беларускі Праўны Партал Восточный корреспондент Свободу Алесю Беляцкому ! Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international
диски enzo