Праваабарончы цэнтр «ВЯСНА»

Навіны за 22 ліпеня 2009

22.07.2009 Вайскойцы не спыняюцца ў пошуках прычынаў для крымінальнага пераследу Франака Вячоркі

За апошні час афіцэры вайсковай часткі як мінімум шэсць разоў паграджалі Франаку Вячорку ўзбуджэннем той ці іншай крымінальнай справы. Прычыны для гэтага называліся розныя – нібыта знойдзены ў ягоных рэчах мабільны тэлефон, непадпарадкаванне загаду, сімуляцыя абсалютна рэальнай хваробы, вядзенне інтэрнэт-дзённіка. Чарговай зачэпкай стала беларускамоўнасць шэрагоўца Вячоркі. Вінцук Вячорка заяўляе, што яго сына падвяргаюць свядомаму маральна-псіхалагічнаму тэрору, ствараючы невыносную атмасферу для чалавека, які ў прынцыпе нармальна нясе службу.

22.07.2009 Сацыяльны пікет аб’яднанай апазіцыі

Аб’яднаныя дэмакратычныя сілы мяркуюць правесці 30 верасня ў Беларусі агульнанацыянальны сацыяльны пікет, пра што было вырашана на паседжанні прэзідыюма палітрады АДС 22 ліпеня.

22.07.2009 Вярхоўны суд Беларусі не задаволіў скаргу партыі БХД на Міністэрства юстыцыі

Суддзя Вярхоўнага Суда Валерый Самалюк агучыў сёння сваё рашэнне па скарзе БХД на Міністэрства юстыцыі. Суд вырашыў “не задавальняць скаргу партыі Беларуская Хрысціянская Дэмакратыя.” “Рашэнне канчатковае і абскарджванню ў Канстытуцыйным Судзе не падлягае”, - дадаў Самалюк.

22.07.2009 Палажанка і Карноў патрабуюць ад пракуратуры працягу сьледзтва па справе іх выкраданьня

Маладафронтаўцы падалі заявы ў пракуратуру і РАЎС з патрабаваньне працягнуць сьледзтва па крымінальнай справе па факце выкраданьня 25 сакавіка.

22.07.2009 Зарэмбюк супраць ваеннай камендатуры

Ваенная пракуратура па нагляду за законнасцю ў ворганах памежнай службы Рэспублікі Беларусь адмаўляецца прызнаваць затрыманні рэгіянальнага каардынатара руха “За свабоду” па Гарадзенскай вобласці Алеся Зарэмбюка палітычна матываванымі.