16 ліпеня, у Дзень салідарнасці, на паседжанні Пастаяннай рады АБСЕ у Вене была зроблена заява Еўразвяза па сітуацыі ў Беларусі. У заяве, агучанай прадстаўніком Еўрапейскага Звяза, асуджаецца ў тым ліку і адмова ў рэгістрацыі праваабарончай арганізацыі “Наша Вясна”.
Сёння, 16 ліпеня, суддзя Віцебскага абласнога суду Галіна Урбановіч вынесла прысуд Леаніду Свеціку. Праваабаронцу пакаралі штрафам у памеры 900 базавых велічыняў. Да таго ж, суд абавязаў Свеціка кампенсаваць маральную шкоду старшыні віцебскай філіі праўладнага Саюзу пісьменьнікаў Беларусі Тамары Красновай-Гусачэнка. Памер кампенсацыі – 1 мільён рублёў.
Усеўкраінская моладзевая арганізацыя «Нацыянальны Альянс» распачынае кампанію ў падтрымку палітзьняволенага Арцёма Дубскага. У межах кампаніі ў бліжэйшы час у розных рэгіёнах Украіны пройдуць прэс-канфэрэнцыі і вулічна-інфармацыйныя акцыі.
Сябра ЦК ПКБ, грамадскі актывіст з Баранавіч Віктар Цяпін звярнуўся з адкрытым лістом да старшыні Вярхоўнага суда Сукалы пад назвай "На чыёй вы старане, Валянцін Алегавіч?".Актывіст даводзіць старшыні ВС, што многа гадоў высілкамі выканаўчай улады ў правінцыі адменена свабода сходаў, мітынгаў, дэманстрацый і пікетаў, гарантаваных Канстытуцыяй. Суддзі дэ-факта узаконілі адмену цэлага шэрагу палажэнняў Канстытуцыі.
Амбсадар Літвы ў Беларусі Эдмінас Багдонас прапанаваў сумесна адсвяткаваць у 2010 годзе 600-ю гадавіну Грунвальдскай бітвы. Эксперты “Заўтра тваёй краіны” адзначаюць, што гэта сталася б неблагой нагодай паяднаць былым вайсковым гонарам суседнія народы, а для беларусаў – нацыянальным святам, на якім, да таго ж, можна было б і грошы зарабіць.
 |
|
 |