Праваабарончы цэнтр «ВЯСНА»

Навіны за 16 ліпеня 2009

16.07.2009 АБСЕ лічыць неабгрунтаванай адмову ў рэгістрацыі “Нашай Вясне”

16 ліпеня, у Дзень салідарнасці, на паседжанні Пастаяннай рады АБСЕ у Вене была зроблена заява Еўразвяза па сітуацыі ў Беларусі. У заяве, агучанай прадстаўніком Еўрапейскага Звяза, асуджаецца ў тым ліку і адмова ў рэгістрацыі праваабарончай арганізацыі “Наша Вясна”.

16.07.2009 Леаніда Свеціка пакаралі штрафам у 900 базавых велічыняў

Сёння, 16 ліпеня, суддзя Віцебскага абласнога суду Галіна Урбановіч вынесла прысуд Леаніду Свеціку. Праваабаронцу пакаралі штрафам у памеры 900 базавых велічыняў. Да таго ж, суд абавязаў Свеціка кампенсаваць маральную шкоду старшыні віцебскай філіі праўладнага Саюзу пісьменьнікаў Беларусі Тамары Красновай-Гусачэнка. Памер кампенсацыі – 1 мільён рублёў.

16.07.2009 Вярхоўны суд разгледзіць скаргу праваабаронцаў 27 ліпеня

Сёння адбылася папярэдняя гутарка па пададзенай у Вярхоўны суд заснавальнікамі ГПА “Наша Вясна” скарзе на рашэне Міністэрства юстыцыі аб адмове ў дзяржрэгістрацыі. Інтарэсы праваабаронцаў прадстаўляў Уладзімір Лабковіч

16.07.2009 Праваабаронцы перадалі Аўтуховічу прадукты для выхаду з галадоўкі

Сёння прадстаўнікі ПЦ “Вясна” наведаліся ў следчы ізалятар № 1 Менска, каб перадаць Мікалаю Аўтуховічу прадукты, неабходныя для паступовага выхаду з працяглай галадоўкі.

16.07.2009 "Нацыянальны альянс" правядзе кампанію ў падтрымку палітзьняволенага Арцёма Дубскага.

Усеўкраінская моладзевая арганізацыя «Нацыянальны Альянс» распачынае кампанію ў падтрымку палітзьняволенага Арцёма Дубскага. У межах кампаніі ў бліжэйшы час у розных рэгіёнах Украіны пройдуць прэс-канфэрэнцыі і вулічна-інфармацыйныя акцыі.

16.07.2009 Ціск з дапамогай падаткавікоў

Прыхільніка Руху "За Свабоду" Мікіту Краснова пакаралі штрафам за няяўку у падатковую інспекцыю і пагражаюць сур'ёзным пакараннем за арганізацыю "навучальных гурткоў".

16.07.2009 Актывіст ПКБ звярнуўся да Валянціна Сукалы

Сябра ЦК ПКБ, грамадскі актывіст з Баранавіч Віктар Цяпін звярнуўся з адкрытым лістом да старшыні Вярхоўнага суда Сукалы пад назвай "На чыёй вы старане, Валянцін Алегавіч?".Актывіст даводзіць старшыні ВС, што многа гадоў высілкамі выканаўчай улады ў правінцыі адменена свабода сходаў, мітынгаў, дэманстрацый і пікетаў, гарантаваных Канстытуцыяй. Суддзі дэ-факта узаконілі адмену цэлага шэрагу палажэнняў Канстытуцыі.

16.07.2009 Беларускія памежнікі не пусцілі Сяргея Салаша ў ЗША

Палітыка завярнулі пры праходжанні ў аэрапорце пашпартнага кантролю, паведаміўшы, што ён знаходзіцца ў спісе невыязных з краіны.

16.07.2009 Мінскі кляштар бернардзінцаў вернікам не аддадуць

Мінскі касцёл бернардзінцаў не могуць аддаць вернікам з‑за таго, што няма куды перамясціць размешчаныя ў гэтым будынку фонды архіваў.

16.07.2009 Як скарыстаць Грунвальдскую бітву на карысць сучаcнай Беларусі

Амбсадар Літвы ў Беларусі Эдмінас Багдонас прапанаваў сумесна адсвяткаваць у 2010 годзе 600-ю гадавіну Грунвальдскай бітвы. Эксперты “Заўтра тваёй краіны” адзначаюць, што гэта сталася б неблагой нагодай паяднаць былым вайсковым гонарам суседнія народы, а для беларусаў – нацыянальным святам, на якім, да таго ж, можна было б і грошы зарабіць.

16.07.2009 З 16 ліпеня Мікалай Аўтуховіч спыняе галадоўку

Ваўкавыскі прадпрымальнік Мікалай Аўтуховіч з 16 ліпеня спыняе галадоўку. Аб гэтым БелаПАН паведаміў яго адвакат Павел Сапелка, які 15 ліпеня наведаў свайго падабароннага ў следчым ізалятары № 1 Менска. Галадоўка доўжылася тры месяцы, з 16 красавіка. За гэты час зняволены пахудзеў на 35 кг.