Праваабарончы цэнтр «ВЯСНА»

Навіны за 10 красавіка 2009

10.04.2009 Міжнародная фундацыя па абароне праваабаронцаў Front Line выказвае занепакоенасць у сувязі з крымінальным пераследам Леаніда Свеціка

Міжнародная фундацыя па абароне праваабаронцаў Front Line 8 красавіка накіравала ліст да прэзідэнта Беларусі ў сувязі з крымінальным пераследам праваабаронцы Леаніда Свеціка.

10.04.2009 Агляд-хроніка парушэньня правоў чалавека ў Беларусі, сакавік 2009 году

Традыцыйна, значнай падзеяй сакавіка зьяўляецца падрыхтоўка і сьвяткаваньне чарговых угодкаў абвяшчэньня незалежнасьці Беларускай Народнай Рэспублікі: 25 сакавіка беларусы адзначылі традыцыйнае сьвята незалежнасьці – Дзень Волі. Упершыню за апошнія гады мірная акцыя сапраўды прайшла спакойна, без сілавога разгону і затрыманьняў. Між тым, нельга сказаць, што ўсё было дазволена і прайшло ў адпаведнасьці з гарантаваным правам на свабоду мірных сходаў.

10.04.2009 Асамблеі НДА паўторна адмовілі ў рэгістрацыі

Пра гэта паведамілі на прэс-канферэнцыі 10 красавіка кіраўнікі Асамблеі няўрадавых дэмакратычных аб’яднанняў, якія днямі атрымалі адказ з Мінюсту.

10.04.2009 Спецслужбы сарвалі музычную імпрэзу

Віцебскі гурт “Паўночны Воўк” меўся прэзентаваць у Мастах новую беларускамоўную праграму. Аднак, 8 красавіка на аднаго з музыкаў гурта выйшлі прадстаўнікі спецслужбаў і настойліва “парэкамендавалі” адмовіцца ад удзелу ў канцэрце.

10.04.2009 У Гарадку шукаюць распаўсюднікаў артыкула Валерыя Шчукіна

Міліцыя раённага цэнтра Гарадок, што на Віцебшчыне, адрэагавала на заяву мясцовай жыхаркі, якая палічыла артыкул журналіста і праваабаронцы Валерыя Шчукіна «Вызывающее поведение» паклёпам на мясцовых міліцыянтаў.

10.04.2009 У адносінах да Віктара Карніенкі Беларусь дапусціла правапарушэнні

Як стала вядома з апублікаванай статыстычнай інфармацыі Управы Вярхоўнага Камісара па правах чалавека, у Камітэце ААН па правах чалавека разгледжана індывідуальная скарга старшыні фонда “Грамадскія ініцыятывы”, даверанай асобы Аляксандра Мілінкевіча падчас прэзідэнцкай выбарчай кампаніі 2006 года Віктара Карніенкі. Устаноўлена парушэнне правоў Віктара Карніенка і Аляксандра Мілінкевіча. На руках Карніенка рашэння яшчэ не мае.

10.04.2009 Выяжджаць за мяжу стане цяжэй?

Палата прадстаўнікоў прыняла ў першым чытаньні законапраект аб парадку выезду і ўезду ў Рэспубліку Беларусь. Ён мае замяніць сабою дзейны цяпер закон. У новым дакумэнце адной з прычынаў забароны на выезд за мяжу можа стаць “усталяваньне судом прэвэнтыўнага нагляду або адкрыцьцё судом конкурснай вытворчасьці”.