Праваабарончы цэнтр «ВЯСНА»

Навіны за 11 лютага 2009

11.02.2009 Зінаіда Бандарэнка – у падтрымку “Нашай Вясны”

Зінаіда Бандарэнка, Народная артыстка Беларусі, вядомая і папулярная на працягу дзесяцігоддзяў дыктарка Беларускага тэлебачання выказала сваю падтрымку сябрам “Нашай Вясны”.

11.02.2009 Новыя выбары — паводле правілаў 1994 году?

Сёньня ў Менску завяршыліся двухдзённыя перамовы экспэртаў Бюро дэмакратычных інстытутаў і правоў чалавека АБСЭ і экспэртаў Нацыянальнага цэнтру заканадаўчай дзейнасьці пры прэзыдэнту Беларусі. Яны абмеркавалі магчымыя зьмены беларускага выбарчага заканадаўства.

11.02.2009 Калі метро не ў радасць…

Уласнікі сталічных дамоў, якія зносяць з-за будаўніцтва метро, будуць шукаць праўду ў Пракуратуры і Адміністрацыі прэзідэнта.

11.02.2009 Прэс-канферэнцыя з нагоды затрыманьня ваўкавыскіх прадпрымальнікаў

Прэс-канферэнцыя з нагоды грубага і безпадстаўнага затрыманьня былых палітвязьняў і прадпрымальнікаў з Ваўкавыску М.Аўтуховіча і Ю.Лявонава іУ.Асіпенка адбудзецца 12 лютага ў Цэнтры па правах чалавека (Менск, вул. Кнорына, 3). Пачатак ў 12 гадзін.

11.02.2009 Памяці зніклых

На сённяшняй прэс-канферэццыі лідэры АГП заявілі, што Аб’яднаная грамадзянскай партыя рыхтуе шэраг мерапрыемстваў да дзесяцігоддзя з дня загадкавай смерці былога намесніка старшыні Вярхоўнага Савета Генадзя Карпенкі, гвалтоўнага знікнення экс-старшыні Цэнтрвыбаркама Віктара Ганчара і былога міністра ўнутраных справаў генерала Юрыя Захаранкі, якія былі сябрамі АГП, а таксама вядомага прадпрымальніка Анатоля Красоўскага. Пра гэта ў сераду журналістам распавялі лідэры партыі.

11.02.2009 Кіраўнікам Светлагорска прапануюць далучыцца да роднай мовы

У мясцовы райвыканкам накіраваны зварот актывістаў аб удзеле вертыкальнікаў і дэпутатаў у другой нацыянальнай дыктоўцы па беларускай мове. Яна запланавана на 21 лютага.

11.02.2009 Лявон Баршчэўскі: “Любы чалавек па Канстытуцыі мае тыя ж правы, што і тая рада пры Адмінстрацыі”

На прэс-канферэнцыі, прысвечанай святкаванню 25 сакавіка Дня Волі, лідэры Партыі БНФ агучылі патрабаванні, якія будуць выказаныя ўладам падчас шэсця. Адначасова, старшыня Партыі Лявон Баршчэўскі вельмі катэгарычна выказашўся наконт грамадска-кансультатыўнай ды іншых рад, створаных у апошні час пры розных дзяржструктурах, назваўшы іх “бутафорскімі”.

11.02.2009 Алёна Аўтуховіч: "Гэта грэх – вінаваціць нас у тэрарызме"

Калі ў дом уварваліся байцы "Алмаза", Аўтуховіч толькі і сказаў жонцы: "Алёна, збяры мне сумку". Пра тое, як праходзіла акцыя, распавядае Алёна Аўтуховіч і супрацоўнікі фірмы, дзе працаваў яе муж.

11.02.2009 "Дамова з правасуддзем" у Беларусі не будзе перавышаць $60 тысяч

Кошт "дамовы з правасуддзем" у Беларусі будзе прызначаць дзяржаўны абвінаваўца. Яна ў эквіваленце не будзе перавышаць 60 тысяч долараў ЗША. Пра гэта паведаміў на прэс-канферэнцыі ў Мінску старшыня Вярхоўнага суда Беларусі Валянцін Сукала.

11.02.2009 Дзень святога Валянціна пакуль не дазволілі

Менгарвыканкам пакуль не даў адказу на просьбу актывістаў Маладога Фронту аб правядзенні шэсця ў Дзень святога Валянціна. Між тым моладзевыя актывісты гавораць, што намераны праводзіць святочную імпрэзу і без дазволу гарадскіх уладаў.

11.02.2009 Актывісту “Руху за Свабоду” пагражаюць пераразмеркаваннем

Студэнту-выпускніку Гарадзенскага сяльгасуніверсітэту Алегу Пронскаму пагражае пераразмеркаванне ў Гомельскую вобласць. Па словах самога Алега Пронскага – гэта помста ўладаў за ягоную актыўную грамадскую дзейнасць ды прыналежнасць да “Руху за Свабоду”.

11.02.2009 Інтэрнэт на службе спэцслужбаў

Выпадкі, калі супрацоўнікі спэцслужбаў шукаюць патэнцыйных агентаў у інтэрнэце, сталі нярэдкай зьявай. Супрацоўнікі КДБ запрашаюць студэнтаў у дэканаты і кажуць, што прасачылі іх віртуальныя кантакты. Яны патрабуюць супрацоўнічаць, пагражаючы адлічэньнем з вучобы. Правайдэры цьвердзяць, што ў беларускіх умовах сачыць за віртуальнымі кантактамі ня цяжка.