Навіны за 22 студзеня 2009

22.01.2009 Праваабаронцы адзначаюць прагматычны падыход уладаў у пытанні смяротнага пакарання

Праваабаронцы далі сваю ацэнку выказванню Генеральнага пракурора Беларусі Рыгора Васілевіча наконт сітуацыі па пытанні смяротнага пакарання ў нашай краіне.

22.01.2009 Праваабаронцу Шчукіна вінавацяць у хуліганстве (дапоўнена)

Валеры Шчукіна асудзілі да штрафу памерам дзьве базавыя велічыні. Суддзя Андрэй Прэйс прызнаў праваабаронцу вінаватым, разгледзеўшы міліцэйскі пратакол, паводле якога спадар Шчукін нібыта непрыстойна паводзіў сябе ў гарадcкім клінічным шпіталі №2, спрабуючы пазбавіць непаўнагадовага Максіма Андрэева ад псіхічнага ціску ўрача-псіхіятара ў снежні мінулага году.

22.01.2009 Суд прыпыніў прызыў Франка Вячоркі

Суд Савецкага раёну Менску прыпыніў прызыў у войска Франка Вячоркі. Старшыня Моладзі БНФ зьвярнуўся ў суд са скаргай на шматлікія парушэньні, зьдзейсьненыя супраць яго вайскоўцамі і мэдыкамі падчас прызыўной кампаніі.

22.01.2009 Берасцейскі ідэолаг запрасіў на сустрэчу праваабаронцу Уладзімера Вялічкіна

Сёньня ў Берасьці па ініцыятыве кіраўніка ідэалягічнага аддзелу Берасьцейскага аблвыканкаму Аляксандра Рагачука адбылася яго сустрэча з праваабаронцам Уладзімерам Вялічкіным.

22.01.2009 Пад сёлетнюю амністыю не трапяць карупцыянеры, а цяжарныя за яе заплацяць

У гэтым годзе ў Беларусі чакаецца чарговая амністыя. У адрозненне ад леташняй яна дазваляе скарачаць тэрмін пакарання зняволеным на год. Пра гэта Еўрарадыё паведаміў начальнік аддзела па наглядзе за законнасцю выканання крымінальных пакаранняў Генеральнай пракуратуры Юрый Гарошка.

22.01.2009 Трусаў: Зьмены будуць тады, калі грамадзкая думка ня будзе “спаць у шапку”

У першыя клясы зь беларускай мовай навучаньня сёлета пайшлі 16,7% школьнікаў. Гэта на 2% менш, чым летась. Такія несуцяшальныя зьвесткі прыводзіць газэта “Наша Ніва”. З кожным годам статыстыка робіцца ўсё больш сумнай. Яшчэ тры гады таму па-беларуску ў школах краіны навучалася 22% дзяцей, а сёлета іх 18,4%. Калі ж параўнаць гэтыя лічбы з дадзенымі дзесяцігадовай даўніны, то ўвогуле робіцца ніякавата. Цяжка ў гэта паверыць, але яшчэ ў 1994 годзе на роднай мове ў Беларусі навучаліся 69% школьнікаў.

22.01.2009 Беларускамоўных не бяруць на працу?

Сябра Рады Моладзі БНФ Вольга Усьціновіч паведаміла, што ў кадравым агенцтве яе прасілі выкрэсьліць з анкеты пункт пра тое, што яна добра валодае беларускай моваю.

22.01.2009 У Менску ідуць перамовы ў справе вызвалення Эмануіла Зельцэра

У беларускім Міністэрстве замежных справаў пачаліся перамовы з прадстаўніком Дзярждэпартаменту ЗША ў справе вызвалення Эмануіла Зэльцэра. Не выключана, што вынікам перамоваў стане вызваленне амерыканскага грамадзяніна, які адбывае трохгадовае пакаранне ў магілёўскай калоніі.

22.01.2009 Віцебскія ўлады не дазволілі ўшанаваць памяць Высоцкага

Прадстаўнік БХК у Віцебскай вобласьці Павал Левінаў хацеў правесьці акцыю, прысьвечаную памяці актора і барда Ўладзімера Высоцкага. Але гарвыканкам ня даў на гэта дазволу.

22.01.2009 Кіраўнік БДІПЧ АБСЕ з візітам у Менску

Дырэктар Бюро АБСЕ па дэмакратычных інстытутах і правах чалавека амбасадар Янэз Лянарчыч 22 студзеня наведае Менск для абмеркавання рэкамендацый, якія заклікаюць палепшыць выбарчую сістэму ў Беларусі.
слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Prava-BY.info Беларускі Праўны Партал Восточный корреспондент Свободу Алесю Беляцкому ! Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international
Для комплектации строительства ригели стальные, железобетонные. . doma.ru тюмень строительство домов в г. Москве