Навіны за 16 студзеня 2009

16.01.2009 Дзень Салідарнасьці — затрыманыя Фінькевіч і Кастыленка

Байцы спэцназу міліцыі ў цывільным затрымалі лідэра руху «Маладая Беларусь» Артура Фінькевіча разам з актывістам арганізацыі Сяргеям Кастыленкам. Гэта адбылося праз некалькі хвілінаў пасьля завяршэньня акцыі, якую праводзілі актывісты “Маладой Беларусі” каля сталічнага ўнівэрсаму Серабранка ў гонар дня салідарнасьці.

16.01.2009 Пададзеная заяўка на правядзеньне Асамблеі няўрадавых арганізацый

15 студзеня была пададзеная заяўка ў адміністрацыю Нямецкага адукацыйнага цэнтра (ІBB) на правядзеньне 6-7 сакавіка вялікага Форуму НДА – Асамблеі няўрадавых арганізацыяў Беларусі.

16.01.2009 Воіны-інтэрнацыяналісты маюць намер адмовіцца ад дзяржаўнай узнагароды

8 студзеня Аляксандр Лукашэнка падпісаў указ аб заснаванні юбілейнага медаля "20 гадоў вываду савецкіх войск з Афганістана". Клецкая раённая арганізацыя воінаў-інтэрнацыяналістаў заявіла аб тым, што адмовіцца ад узнагароды. Ініцыятыву падтрымалі і былыя "афганцы" з іншых куткоў Беларусі.

16.01.2009 "Дом друку" адмовіўся друкаваць незалежнае выданне

"Беларускі дом друку" скасаваў дамову на выданне незалежнай газеты "Борисовские новости", падпісаную 8 студзеня 2009 года. Пра гэта Еўрарадыё паведаміў рэдактар газеты Анатоль Букас.

16.01.2009 Амерыканскiя адвакаты лiчаць, што ў беларускай турме катуюць грамадзянiна ЗША

Адвакацкая фiрма Patton Boggs звярнулася да спецдакладчыка ААН па катаваннях з просьбай аб расследаваннi прымянення катаванняў да Эмануiла Зельцэра.

16.01.2009 Новы прэзідэнцкі закон не вяртае льготаў чарнобыльцам

Як высвятлілася, новы закон аб сацабароне "чарнобыльцаў" усяго толькі кампіляцыя ўжо існуючых заканадаўчых актаў.

16.01.2009 Франака Вячорку забіраюць у войска 26 студзеня

Як паведамлялася раней, сёньня супрацоўнікі праваахоўных органаў у цывільным і амапу ў камуфляжы ўварваліся ў абласны шпіталь, дзе праходзіў прымусовае абсьледваньне моладзевы актывіст, старшыня Моладзі БНФ, Франак Вячорка. Па апошніх зьвестках з ужываньнем грубай фізічнай сілы ён быў гвалтоўна вывезены на чорнай машыне і дастаўлены ў ваенкамат Савецкага раёну.

16.01.2009 Франака Вячорку супрацоўнікі КДБ гвалтоўна вывозяць са шпіталю (дапоўнена)

Як стала вядома праваабаронцам, прыкладна пасьля 10 гадзінаў раніцы ў вайсковы шпіталь, дзе прымусова абследаваўся лідэр "Моладзі БНФ" Франак Вячорка уламіліся супрацоўнікі КДБ і амапаўцы. Без тлумачэньня прычынаў яны загадалі Франаку тэрмінова зьбіраць асабістыя рэчы і паведамілі, што ён адправіцца разам з імі. На пытаньне "Куды?" адказу не прагучала. Падрабязнасці высьвятляюцца.

Як паведаміў Франак Вячорка па тэлефоне, супрацоўнікі спецслужбаў на ягоныя настойлівыя просьбы заявілі, што ў дачыненьні да яго медычнае абследваньне завяршылася і зараз яго прымусова даставяць у ваенкамат. Франак запатрабаваў, каб яму паказалі заключэньне медыкаў аб прыдатнасьці да вайсковай службы. Аднак ніхто ніякіх папер яму не прадставіў. На гэтым сувязь з Франакам па мабільным тэлефоне абарвалася.

16.01.2009 Прадпрымальнікі судзяцца з гарвыканкамам

Ленінскі суд Магілёва пачаў разгляд пазову жыхара мікрараёну Саломінка, былога кандыдата ў дэпутаты Палаты прадстаўнікоў Ігара Каваленкі супраць гарвыканкаму.

16.01.2009 Суд — завочны. Штраф — рэальны

15 студзеня ў суд Калінкавіцкага раёну позвай быў выкліканы сябра АГП Дзяніс Рабянок. Судовы выканаўца Антаніна Ўласава запатрабавала, каб беспрацоўны актывіст сплаціў 1 мільён 50 тысяч беларускіх рублёў штрафу, завочна вынесенага Ельскім раённым судом нібыта за парушэньне заканадаўства аб выбарах.
слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Prava-BY.info Беларускі Праўны Партал Восточный корреспондент Свободу Алесю Беляцкому ! Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international