559 еўрапарламентарыяў падтрымалі рэзалюцыю па Беларусі, 15 прагаласавалі супраць. У рэзалюцыі гаворыцца, што дзеля значнага паляпшэння стасункаў з Еўрасаюзам Беларусь павінна заставацца краінай без палітвязняў, урад павінен гарантаваць свабоду СМІ, працягваць супрацоўніцтва з АБСЕ ў рэформе выбарчага заканадаўства, паляпшаць умовы для дзейнасці няўрадавых арганізацый, гарантаваць свабоду сходаў і палітычных асацыяцый.
14 студзеня праваабаронца з Беларускага Хельсінскага камітэту Павел Левинов наведаў у Ветрынскай школе-інтэрнаце 15-гадовага Максіма Андрэева, якога ў парушэньне Канвенцыі аб правах дзіцяці і Канстытуцыі Рэспублікі Беларусь адміністрацыя Кастрычніцкага раёна г. Віцебску без судовага рашэння пазбавіла права пражываць з бацькамі, а абласныя медыкі ўтрымлівалі ў псіхіятрычнай клініцы.
Гаспадарчы суд Мінскай вобласці прысудзіў газеце "Борисовские новости" штраф у астранамічную суму 48 мільёнаў рублёў. Па словах заснавальніка фірмы "Букас медыя-цэнтр" і рэдактара выдання Анатоля Букаса, такая мера пагражае кампаніі банкруцтвам. Без працы могуць застацца 22 чалавекі.
 |
|
 |