Праваабарончы цэнтр «ВЯСНА»

Навіны за 24 кастрычніка 2008

24.10.2008 Галоўны рэдактар даў тлумачэнні Міністэрству інфармацыі

Былы кандыдат у дэпутаты Палаты прадстаўнікоў чацвёртага склікання, рэдактар і заснавальнік газеты «Борисовские новости» Анатоль Букас накіраваў у Міністэрства інфармацыі ліст-тлумачэнне з прычыны надрукаванага ў сваёй газеце артыкула.

24.10.2008 Чаму на службу міліцыі і КДБ пастаўлены ваенкаматы?

Аб тым, што расследаванне справы аб лiпеньскiм выбуху ў Мiнску працягваецца, карэспандэнт "Народнай волi" даведаўся ў... ваенкамаце.

24.10.2008 ЦВК не задаволіў скаргі, у якіх апратэстоўваліся вынікі выбараў

Цэнтрвыбаркам не задаволіў пяць скаргаў, у якіх апратэстоўваліся вынікі выбараў у Палату прадстаўнікоў. Іх у ЦВК падавалі Аляксандр Мех з Кобрына, Вячаслаў Мельянец з Лунінца, Леанід Аўтухоў з Віцебшчыны, Віктар Хоміч з Гомелю і Валерый Рыбчанка са Жлобіна.

24.10.2008 Страйк у Барозаўцы

Несвоечасовая выплата заробкаў на бярозаўскім шклозаводзе “Нёман” прывяла да стыхійнага страйку працоўных.Толькі пасля таго, як работнікі адмовіліся выконваць працу, грошы былі пералічаныя на рахункі.

24.10.2008 Прадстаўнік “Міжнароднай амністыі” намагаецца сустрэцца з кіраўнікамі сілавых міністэрстваў

Афіцыйны прадстаўнік праваабарончай арганізацыі “Міжнародная амністыя” (Amnesty International) Хізэр МакГілл наведвае з візітам Беларусь. Пад час візіту яна плануе правесьці шэраг сустрэч з адказнымі супрацоўнікамі Міністэрства унутраных спраў і Мінюста, Вярхоўнага Суда, іншых арганізацый.

24.10.2008 Жыхары Дружнага збіраюцца стварыць рэспубліканскую экалагічную арганізацыю

Жыхары пасёлка Дружны (Мінская вобласць) маюць намер стварыць рэспубліканскую экалагічную арганізацыю. Аб гэтым паведаміла ўдзельніца грамадскай кампаніі супраць будаўніцтва ў рэгіёне завода па вытворчасці пестыцыдаў Анастасія Рысявец.

24.10.2008 Сахараўская прэмія — кітайскаму палітвязьню

Ляўрэатам прэміі імя Андрэя Сахарава “За свабоду думкі” стаў кітайскі палітычны актывіст Ху Цзя, які цяпер знаходзіцца ў турме. Пра гэта абвясьціў сёньня старшыня Эўрапарлямэнту Ханс-Герт Пётэрынг. На прэмію імя Сахарава вылучаўся сёлета і экс-кандыдат у прэзыдэнты, былы палітвязень Аляксандар Казулін.