Праваабарончы цэнтр «ВЯСНА»

Польскiя дэпутаты пачалi працэс вылучэння Аляксандра Казулiна на прэмiю iмя Андрэя Сахарава. Еўрапейскi парламент штогод прызначае гэтую прэмiю за дзейнасць на карысць правоў чалавека.

Мэта прэміі, заснаванай галяндзкай уладай - прызнаньне асабаў, якія праявілі выключную маральную ўстойлівасьць у абароне і прасоўваньні правоў іншых людзей.

У апошні дзень рэгістрацыі кандыдатаў у дэпутаты Палаты прадстаўнікоў акружныя выбаркамы не зарэгістравалі цэлы шэраг дэмакратычных кандыдатаў. Прычыны адмовы ў рэгістрацыі стандартныя: частка подпісаў за іх прызнана несапраўднай, альбо выяўленая незадэклараваная маёмасць. Прадстаўнікі ўладаў кажуць, што іх экспэрты працавалі адказна і сумленна. Апазыцыянеры гавораць, пра палітычную матывацыю адмовы ў рэгістрацыі.

Мінскі гарадскі выканаўчы камітэт забараніў правядзенне 31 жніўня ў цэнтры сталіцы мітынга супраць ваенных дзеянняў у падтрымку захавання тэрытарыяльнай цэласнасці Грузіі. Заяўку на правядзенне 31 жніўня ў цэнтры Мінска акцыі супраць ваенных дзеянняў у падтрымку захавання тэрытарыяльнай цэласнасці Грузіі падавалі актывісты моладзевага крыла Беларускага народнага фронту.

На памежным пераходзе «Варшаўскі мост» на беларуска-польскай мяжы ў Ю.Алейніка і ягонага бацькі памежнікі знайшлі раздрукоўкі з сайту «Свабоды» ды іншых беларускіх і расейскіх інфармацыйных рэсурсаў. Найбольшую ўвагу прыцягнулі адказы Аляксандра Казуліна ў часе онлайн-канфэрэнцыі на сайце Lenta.ru

Рэгістрацыя кандыдатаў у дэпутаты Палаты прадстаўнікоў завяршілася 28-га жніўня. Пакуль даступны толькі папярэднія дадзеныя аб выніках рэгістрацыі.

Сёньня камісія Барысаўскай гарадзкой выбарчай акругі №62 адмовіла ў рэгістрацыі кандыдатам у дэпутаты Палаты Прадстаўнікоў уласьніку і рэдактару недзяржаўнай газэты «Борисовские новости» Анатолю Букасу.

Актывіст грамадзянскай кампаніі «Еўрапейская Беларусь» Павел Лукша быў прысуджаны сёння судом Ленінскага раёна Менска да 10 сутак арышта за распаўсюджванне газеты «Выбар», у якой змяшчаліся заклікі да байкоту маючых адбыцца «парламенцкіх выбараў» і пратэстаў супраць магчымых фальсіфікацый вынікаў «выбараў». Суддзя Міхаіл Хома прызнаў Паўла Лукшу вінаватым у парушэнні артыкула 23.34 КААП (заклік да ўдзелу ў несанкцыянаваным мерапрыемстве).