Праваабарончы цэнтр «ВЯСНА»

Праваабаронцы, якія ўдзельнічаюць у назіраньні за выбарамі, сёньня падзяліліся з журналістамі першымі ацэнкамі выбарчай кампаніі ў Беларусі. Першыя этапы выбарчай кампаніі ў Беларусі многія праваабаронцы, якія вядуць назіраньне за выбарамі, ацэньваюць крытычна. Праваабаронца Валянцін Стэфановіч адзначыў, што прысутнасьць у складзе выбарчых камісій толькі 0,07% прадстаўнікоў дэмакратычных сіл — нават меншая, чым на былых парлямэнцкіх выбарах, якія ў дэмакратычным сьвеце не былі прызнаныя справядлівымі. Да гэтага праваабаронца дадае, што большасьць сяброў камісій — тыя самыя людзі, якія праводзілі выбары 2004 году.

Участковыя выбарчыя камісіі ў многіх выпадках створаныя задоўга да заканадаўчага тэрміну – 13 жніўня. Пра гэта сведчыць выпадак, пра які распавёў старшыня Беларускага Хельсінскага камітэта Алег Гулак.

«Дзяржаўныя медыя працягваюць асвятляць выбарчы працэс паводле надзвычай спрошчанай схемы, гэта значыць, не надаючы ніякай ўвагі іншым (акрамя ЦВК і прэзідэнта) суб’ектам», — адзначаецца ў чарговым бюлетэні БАЖ «Асвятленне парламенцкіх выбараў 2008 г. у беларускіх СМІ», які сёння прэзентаваў медыяэксперт Алесь Анціпенка.

Незалежныя кандыдаты ў беларускі парламент па Гродзенскай-Занёманскай акрузе аб’ядноўваюць свае намаганні ў барацьбе за дэпутацкі мандат. Аляксандр Васільеў і Сяргей Кузьмянок дамовіліся сёння аб супольных дзеяннях падчас агітацыйнай кампаніі.

Беларускія праваабаронцы падзяліліся з журналістамі сваімі высновамі з назіраньня за першымі этапамі выбарчага працэсу ў Беларусі: фармаваньнем участковых выбарчых камісій, вылучэньнем кандыдатаў і зборам подпісаў за іх.

Менскі міжнародны адукацыйны цэнтар IBB адмовіў Аляксандру Казуліну ў правядзеньні прэсавай канфэрэнцыі.

На беларуска-польскай мяжы затрыманыя прадстаўнікі незарэгістраванага Саюза Палякаў на Беларусі. Як паведаміла Радыё Рацыі Інэс Тодрык: "Ужо на працягу 3-х гадзін мяне разам з кіраўніком гродзенскага адзялення Саюза Палякаў Мячыславам Яскевічам трымаюць на мяжы і мы не можам выехаць у Польшу". За гэты час беларускія мытнікі паўтары гадзіны проста трымалі іх пашпарты нічога не кажучы, а потым пачаўся асабісты дагляд. Апроч гэтага іх прымусілі запоўніць дэкларацыі, хаця гэтага простыя грамадзяце на дадзены момант рабіць не павінны.