Праваабарончы цэнтр «ВЯСНА»

У пятніцу 15 жніўня дырэктара прыватнага прадпрыемства “Аліда і К” ў Рэчыцы А. Шабетніка выклікалі ў падатковую інспекцыю. Там яго распытвалі, ці сапраўды ў гэтым прадпрыемстве працуе В. Пуціцкі, які вылучаны прэтэндэнтам у кандыдаты. Размова вялася ў прысутнасці нейкага чалавека ў цывільным.

Прэтэндэнта ў кандыдаты па Навагрудскай выбарчай акрузе Юрыя Істоміна сёння пасля абеду затрымалі ў Наваградку разам з некалькімі сябрамі ініцыятыўнай групы. Юрый Істомін, старшыня абласной арганізацыі партыі АГП, разам з сваімі калегамі працягвалі збор подпісаў. Міліцыянты ў гэтых дзеяннях нібыта ўгледзелі “датэрміновую агітацыю”. Такім чынам міліцыянты не толькі перашкодзілі збору подпісаў, але і пазбавілі Юрыя Істоміна магчымасці іх зацвердзіць.

Сябру ініцыятыўнай групы Валерыя Рыбчанка на працы прымусілі ў пісьмовай форме адмовіцца ад сабраных подпісаў.

Прэтэндэнт у кандыдаты ў дэпутаты Юры Новікаў атрымаў ужо сем заказных лістоў з органаў фінансавых раследванняў КДК. У лістах позвы - патрабаванні явіцца ў орган фінансавых раследванняў і бланкі, якія неабходна запоўніць яму і ўсім яго родным.

Не памяняліся прынцыпы стварэння ўчастковых камісій у Полацку – як і на папярэдніх выбарах у камісіях найчасцей працуюць члены аднаго працоўнага калектыву, а старшынём камісіі выбіраецца чалавек, ад якога астатнія сябры камісіі знаходзяцца ў працоўнай залежнасці. Возьмем для прыкладу камісію № 1.

У склад участковых камісій у Маладзечанскай гарадской выбарчай акрузе № 70 і сельскай №71 паводле рашэнняў Маладзечанскага і Валожынскага райвыканкамаў уключаны прадстаўнікі толькі ад праўладных грамадскіх аб'яднанняў і палітычных партый, агулам 72 чалавека. Гэта такія арганізацыі, як Партыя КПБ, ГА «Беларускі саюз жанчын», арганізацыі ветэранаў, ГА «БРСМ», ГА "Белая Русь".

У чарговым нумары газеты “Наш край” за 16 жніўня (№ 96-97) надрукаваныя спісы сябраў выбарчых камісій па Баранавіцкіх гарадскіх і сельскай выбарчай акругах (№№ 5, 6, 7). Мала таго, што паседжанні, на якіх зацвярджаліся склады камісій, улады правялі “сакрэтна”, не паведаміўшы нічога ні назіральнікам, ні прэсе, на гэты раз у газеце няма ніякіх звестак пра тых, хто ў іх увайшоў – толькі прозвішча, імя і імя па-бацьку.