Навіны за 14 ліпеня 2008

Праваабарончы цэнтр «ВЯСНА»

Магілёў: назіральнікі ад дэмакратычных партыяў і арганізацыяў спрабуюць патрапіць на першыя паседжаньні акруговых камісій

Берасьце: Вынікі фармаваньня акруговых камісій

Магілёў: Дэмакраты заяўляюць пратэст

Магілёў: На першае паседжаньне акруговай камісіі не пусьцілі назіральніка

Гародня: Аблвыканкам адмаўляецца паведаміць пра склад акруговых камісій

Берасьце: У акруговых камісіях не хапіла месца ўсім жадаючым

Менск і Менская вобласьць: сябраў БХК не пусьцілі на паседжаньне

Гародня: паседжаньне па фармаваньні акруговых камісіяў прайшло фактычна ў закрытым фармаце

Моладзевы актывіст з Астравецкага раёну патрапіў пад увагу міліцыі ў сувязі з выбухам у Менску

Віктар Івашкевіч: "50 амапаўцаў і 50 дэмакратычных актывістаў ішлі па вуліцах пад сьцягам Эўразьвязу"

Гомельшчына: у 13 з 17 акруговых камісій увайшлі апазыцыянэры

Магілёўшчына: фармаваньне акруговых камісіяў прайшло без галасаваньня

Па справе выбуху 4 ліпеня затрыманы грамадзянін Расіі

Новая хваля перасьледу дэмакратычных актывістаў і праваабаронцаў – фінансавая

Магілёўшчына: толькі 2 апазыцыянэры ў складзе акруговых выбарчых камісіяў

Журналіста Сяргея Панамарова міліцыя груба выдаліла з райвыканкама

Вольга Нікалайчык не пусціла ў кватэру прадстаўнікоў сілавых структур

У Магілёве ўзнікла праблема куды падаваць пратаколы паседжаньняў, на якіх вылучаны назіральнікі ад МГА “Магілёўскі праваабарончы цэнтар”, Беларускага Народнага Фронту “Адраджэньня”, Партыі камуністаў Беларускай і магілёўскай гарадской дабрачынай арганізацыі “Отклик” і як патрапіць на першыя паседжаньні акруговых выбарчых камісій.

Сёньня, 14 ліпеня, у Берасьці на сумесным паседжаньні прэзідыума абласнога Савета дэпутатаў і абласнога выканаўчага камітэта адбылося зацьвержданьне спісу 208 сябраў 16 акруговых выбарчых камісій.

Магілёўскія дэмакраты заяўляюць пратэст па працэдуры правядзеньня паседжаньня і механізму фармаваньня акруговых камісій

У Магілёве сябру сойму БНФ Зміцеру Салаўёву паведамілі, што першае паседжаньне акруговай камісіі ўжо адбылося.

У Гарадзенскім аблвыканкаме катэгарычна адмаўляюцца паведаміць пра ўключэньне ці неўключэньне вылучэнцаў у акруговыя камісіі ад Аб’яднаных Дэмакратычных Сілаў.

Сёньня, 14 ліпеня, у Брэсце на сумесным паседжаньні прэзідыума абласнога Савету дэпутатаў і абласнога выканаўчага камітэта адбылося зацвержванне спіса 208 сябраў 16 акруговых выбарчых камісіяў.

На сумеснае паседжаньне абласнога савета дэпутатаў і аблвыканкама не пусьцілі прадстаўнікоў БХК, у якіх было накіраваньне ад арганізацыі. У прыватнасцьці, не патрапіў на паседжаньне Уладзімір Осіпчык.

Сумеснае паседжаньне Гарадзенскага аблвыканкаму і аблсавету па фармаваньні акруговых камісій па папярэдняй інфармацыі павінна было адбыцца 14 ліпеня а 10-й гадзіне. Але калі прадстаўнікі партый, няўрадавых арганізацыяў, прэсы і праваабаронцы прыйшлі ў вызначаны час, то ім паведамілі, што камісіі ўжо сфармаваныя, і іх склад абвешчаны.

9 ліпеня ў Астравецкім раене дадому да сябра АГП Ягора Краснова прыйшлі два супрацоўнікі Астравецкага РАУС, каб высьветліць, дзе моладзевы актывіст правёў ноч з 3 на 4 ліпеня, калі ў Менску адбыўся выбух. У адсутнасьць Ягора Краснова пісьмовае тлумачэньне аб ягоным знаходжаньні было узята у маці А.В. Віткоускай. Пры гэтым міліцыянтаў цікавіла не толькі ноч на 4, але і дзе яе сын правёў апошнія 10 дзен, якія папярэднічалі тэракту у Менску. Як сведчыць Віткоўская, на руках у міліцыянтаў быў даволі вялікі спісак асобаў, якія трапілі пад падазрэньне ў сувязі з тэрактам у Менску.

Удзельнікаў акцыі ў падтрымку арыштаваных пасьля выбуху 3 ліпеня дэмакратычных актывістаў давялі ў ачапленьні да вуліцы Багдановіча. Затым міліцыянты прапанавалі ўсім разысьціся ў розныя бакі.

Сёньня на сумесным паседжаньні Гомельскага аблвыканкаму й прэзыдыюму аблсавету сфармаваны 17 акруговых выбарчых камісій па выбарах дэпутатаў Палаты прадстаўнікоў Нацыянальнага сходу.

Адбылося сумеснае паседжаньне аблвыканкаму і прэзыдыюму аблсавету дэпутатаў Магілёўскай вобласьці, на якім былі зацьверджаныя акруговыя выбарчыя камісіі на Магілёўшчыне.

Расійскі грамадзянін затрыманы па падазрэнні ў датычнасці да выбуху 4 ліпеня ў Мінску. Гэта - 21-гадовы Уладзімір Бялунін. Ён навучаецца ў адным з мінскіх ВНУ. Бацькі затрыманага сцвярджаюць, што ён моцна хворы, і не можа нават нармальна харчавацца.

У Беларусі набірае моц кампанія па праверцы даходаў і маёмасьці вядомых палітычных дзеячоў і дэмакратычных актывістаў, а таксама тых, хто заявіў аб сваім намеры браць удзел у выбарчай кампаніі, або ў якасьці кандыдата у дэпутаты, або ў якасьці назіральніка. Нецяжка здагадацца, што падатковыя праверкі пачаліся пасьля гучных заяў Прэзідэнта Лукашэнкі аб тым, што, маўляў, апазіцыя жыве лепей за ўсіх і нідзе не працуе.

З 20-ці прадстаўнікоў апазыцыйных палітычных і грамадзкіх арганізацыяй у склад акруговых выбарчых камісіяў на Магілёўшчыне абраныя толькі 2 чалавекі - прадстаўнік ад партыі БНФ Мігурскі Пётр і прадстаўнікі ад ПКБ Валер Беразіенка.

Намер журналіста, актывіста Руху “За Свабоду” Сяргея Панамарова трапіць на сустрэчу клецкіх чыноўнікаў з прадпрымальнікамі (якіх запрасілі ў абавязковым парадку) сутыкнуўся з катэгарычным непрыманьнем уладаў.

Незалежны кінадакументаліст Вольга Нікалайчык адмовілася пускаць у сваю кватэру прадстаўнікоў сілавых структур. Вольга паведаміла, што у кватэру яе маці-інваліда па вуліцы Валгаградскай спрабаваў увайсці міліцыянер, які назваўся участковым інспектарам. Паводле яе слоў, разам з міліцыянерам на лесвічнай пляцоўцы знаходзіліся два мужчыны ў цывільным.

Ліпень 2008