Праваабарончы цэнтр «ВЯСНА»

Навіны за Чэрвень 2008

26.06.2008 У Пінску адбыўся стыхійны пратэст прадпрымальнікаў

Стыхійны пратэст прадпрымальнікаў супраць падаткавікоў з Ганцавіч адбыўся ўчора ў Пінску. Калі іншагароднія падаткавікі пачалі апісваць тавар у аднаго з гандляроў пінскага калгаснага рынку, прадпрымальнікі сабраліся вакол "пацярпелага". Яны прымусілі супрацоўнікаў падатковай інспекцыі сыйсці з рынку. Выкліканыя на дапамогу міліцыянты не сталі правакаваць натоўп на актыўны супраціў і таксама спакойна сыйшлі.

26.06.2008 Франак Вячорка супраць БДУ: суд за адукацыю

Сёньня а 16-й гадзіне ў судзе Маскоўскага раёну Менску мае пачацца разгляд судовай скаргі, пададзенай старшынём культурніцкай камісіі Партыі БНФ Франакам Вячоркам на Беларускі дзяржаўны ўнівэрсытэт. Франака Вячорку выключылі з трэцяга курсу факультэту журналістыкі БДУ ў лютым гэтага году. Падставай для адлічэньня былі несправядлівыя, на думку актывіста, нездавальняючыя адзнакі, пацьверджаныя адмысловай камісіяй.

25.06.2008 Вылучэнне кандыдатаў у дэпутаты Палаты пачнецца 20 ліпеня

З 20 ліпеня пачнецца вылучэнне кандыдатаў у дэпутаты Палаты прадстаўнікоў. Пра гэта стала вядома пасля таго, як Цэнтрвыбаркам зацвердзіў каляндарны план правядзення выбарчай кампаніі. Вылучэнне кандыдатаў у дэпутаты працягнецца да 18 жніўня. З 19-га да 28 жніўня будзе адбывацца іх рэгістрацыя, пасля чаго пачнецца агітацыйная кампанія.

25.06.2008 Віцебскія апазіцыянеры - на старце выбарчай кампаніі

Па чатырох акругах абласнога цэнтра сябры віцебскай суполкі Аб’яднаных дэмакратычных сіл на выбарах ў Палату прадстаўнікоў падтрымалі кандыдатуры сакратара абкама ПКБ Алеся Вінаградава, лідэркі хрысціянскіх дэмакратаў вобласці Таццяны Севярынец, прадстаўніка БСДП (Грамада) Міхаіла Шпакоўскага і старшыні рэспубліканскага прафсаюзу малога бізнэсу “Разам”, які знаходзіцца ў пэрманэнтнай стадыі рэгістрацыі, прадпрымальніцы Ірыны Яскевіч.

25.06.2008 Алесь Чыгір супраць бабруйскай міліцыі

Сёньня актывіст Руху "За Свабоду" Алесь Чыгір даў тлумачэньні сьледчаму службы ўласнай бясьпекі Міністэрства ўнутраных спраў па факце зьняволеньня ў ноч з 29 на 30 траўня.

25.06.2008 Фермера запрасілі ў калонію

У адказ на зварот любаньскага фермера Алеся Касача (з нагоды парушэнняў правоў яго сына ў Шклоўскай калоніі), - начальства калоніі запрасіла Алеся на перамовы.

25.06.2008 Гадзіна маўчаньня

Гадзіна маўчаньня

25.06.2008 Напярэдадні парламенцкіх выбараў ціск на праваабаронцаў узмацняецца

У дзень, калі праваабаронцы абвясьцілі аб сваім намеры праводзіць маніторынг маючых адбыцца парламенцкіх выбараў, 12 чэрвеня, на "Першым канале" НДТРК Беларусі быў праанансаваны сюжэт, што ганьбуе гонар і годнасьць вядомых беларускіх праваабаронцаў, які затым быў паказаны ў нядзельнай "Панараме".

25.06.2008 КДБ працягвае запалохваць студэнтаў

Актывіст моладзевага дэмакратычнага руху Алесь Галавач паведаміў “Свабодзе”, што супрацоўнік КДБ патрабаваў ад яго інфармацыю ў кабінэце дэканату. За адмову ён пагражаў студэнту адлічэньнем зь Беларускага ўнівэрсытэту культуры.

24.06.2008 Праваабаронца Алесь Бяляцкі правёў перамовы з старшынём дэлегацыі Еўрапарламенту па стасунках з Беларусьсю Яцэкам Пратасевічам

Віцэ-прэзідэнт Міжнароднай федэрацыі правоў чалавека, старшыня зачыненага ўладамі праваабарончага цэнтра “Вясна” Алесь Бяляцкі 23 чэрвеня знаходзіўся з візітам ў Брусэлі. Вядомы беларускі праваабаронца сустракаўся са старшынём дэлегацыі Еўрапарламенту па стасунках з Рэспублікай Беларусь спадаром Яцэкам Пратасевічам, з прадстаўніцтвамі ў Еўразьвязе такіх краін як Фінляндыя, Нямеччына, Венгрыя, Францыя. Трэба дадаць, што неўзабаве Францыя ачоліць Раду краінаў Еўразьвязу на бліжэйшыя паўгады.

24.06.2008 Рух не будзе вылучаць кандыдатаў

Адзін з лідэраў стваранага Руху “За Свабоду” Віктар Карняенка заявіў, што Рух будзе ўдзельнічаць у кампаніі АДС “За свабодныя і справядлівыя выбары”, але вылучаць сваіх кандыдатаў не будзе.

24.06.2008 Ганна Антонава пацярпела за свае хрысьціянскія перакананьні

Хрысціянскую дэмакратку Ганну Антонаву адлічылі з БДПУ ім. Максіма Танка, 1 курса факультэта беларускай філалогіі і культуры, за тое, што студэнтка ад свайго імя напісала заяву на правядзенне пікету ў падтрымку палітзьняволенага А.Казуліна. Адказ чамусьці прыйшоў не ёй, а намесніцы дэкана Ганчаровай-Цынкевіч Таццяне Уладзіміраўне.

24.06.2008 За праект "Аб СМІ" прагаласавалі 96 дэпутатаў, супраць былі толькі 2

Праект закона "Аб СМІ" ў другім чытанні прыняты ў Палаце прадстаўнікоў 24 чэрвеня. Як паведамляе "Інтэрфакс", яго падтрымалі 96 парламентароў, супраць выказаліся толькі 2. Нагадаем, па выніках першага чытання на мінулым тыдні супраць праекту прагаласаваў адзін дэпутат.

24.06.2008 На Слонімшчыне ўшанавалі памяць паўстанцаў

22 чэрвеня ў вёсцы Парэчча, што ў Слонімскім раёне, адбылося ўшанаванне памяці Міхала Валовіча і ягоных паплечнікаў – паўстанцаў 1830-33 гадоў, якія былі пакараныя сьмерцю. Культурна-асьветніцкая акцыя сабрала каля паўсотні грамадзка-палітычных актывістаў і краязнаўцаў Гарадзеншчыны. Колькі гадоў таму ў Парэччы быў усталяваны памятны крыж, які некалькі разоў зьнішчаўся вандаламі на загад сённяшніх уладаў.