Праваабарончы цэнтр «ВЯСНА»

Навіны за 23 красавіка 2008

23.04.2008 Сёньня будзе абвешчаны прысуд па справе Парсюкевіча

Судовы разгляд крымінальнай справы лідэра віцебскіх прадпрымальнікаў Сяргея Парсюкевіча скончаны. Абвяшчэньне прысуду чакаецца паміж 19:30 і 20:30.

23.04.2008 Беларусь прынесла прабачэньні за затрыманьне літоўскіх журналістаў 25 Сакавіка

Як паведамляе прэс‑служба Міністэрства замежных спраў Літвы, 22 красавіка адбылася сустрэча пасла Беларусі ў Вільнюсе Уладзіміра Дражына з сакратаром літоўскага МЗС.

23.04.2008 Канфіскаваныя абсалютна ўсе ўлёткі да "Чарнобыльскага шляху"

Паводле зьвестак «НН», сёлета КГБ сканфіскавала ўсе да аднае ўлёткі і абвесткі да шэсьця: і тыя, што рыхтаваў БНФ, і тыя, што АДС, і Руху за Свабоду.

23.04.2008 Патрабаваньні Гаррэмаўтадора да заяўнікаў Еўрапейскага шляху задаволеныя цалкам

Сёньня ў судзе Савецкага раёну завяршыўся разгляд грамадзянскай справы іскавога патрабаваньня дзяржпрадпрыемства Менгарвыканкаму "Гаррэмаўтадор" да заяўнікаў "Еўрапейскага маршу". Супольна шасьцёра заяўнікаў - Вінцук Вячорка, Віктар Івашкевіч, Зьміцер Хведарук, Аляксандар Мілінкевіч, Анатоль Лябедзька і Яўген Афнагель павінны сплаціць 2 мільёны 240 тысяч 770 рублёў за дадатковыя выдаткі, нанесеныя ўдзельнікамі акцыі ў выніку зьмены дазволенага ўладамі маршруту.

23.04.2008 Новы арышт у Гомелі: 15 сутак пенсіянеру Няпомняшчаму

Гомельскага пэнсіянэра Уладзімера Няпомняшчага асудзілі сёньня на 15 сутак зьняволеньня. Так вырашыў суд Навабеліцкага раёну Гомеля, дзе 23 красавіка працягваліся слуханьні ў адміністратыўнай справе супраць удзельнікаў экскурсіі, прысьвечанай 90-м угодкам Беларускай Народнай Рэспублікі.

23.04.2008 Суд над Парсюкевічам: пракурор падтрымаў абвінавачаньне

У Маскоўскім судзе Менску працягваецца працэс над прадпрымальнікам зь Віцебску Сяргеем Парсюкевічам, якога вінавацяць у зьбіцьці міліцыянта.

23.04.2008 Асуджаныя па “справе 14-ці” будуць абскарджваць прысуды ў вышэйшай інстанцыі

22 красавіка суддзя Цэнтральнага раёна Мінска Алена Ільіна прыгаварыла маладзёвага актывіста Андрэя Кіма да пазбаўлення волі на паўтара года з адбываннем пакарання ў калоніі агульнага рэжыму. Уладзімір Сяргееў і Антон Койпіш прыгавораны да штрафа ў 100 базавых велічынь кожны; Аляксей Бондар, Арцём Дубскі, Міхаіл Пашкевіч, Таццяна Цішкевіч, Алесь Стральцоў, Міхаіл Крываў і Алесь Чарнышоў - да абмежавання волі без накіравання ў папраўчыя ўстановы адкрытага тыпу на два гады.

23.04.2008 23 красавіка Мінюст адклаў рэгістрацыю ПАГА “Рух “За Свабоду”.

Мілінкевіч лічыць, што Рух на шляху легалізацыі і рэгістрацыі

23.04.2008 Сіўчыка затрымалі і павезьлі ў Старыя Дарогі

Супрацоўнікі міліцыі затрымалі Вячаслава Сіўчыка каля Маскоўскага раённага суду Менску. Яго пасадзілі ў аўтамабіль і ў суправаджэньне яшчэ трох аўтамабіляў павезьлі ў Старыя Дарогі. На Сіўчыка складзены пратакол за ўдзел у несанкцыянаваным мерапрыемствы.

23.04.2008 Паўла Севярынца аштрафавалі

22 красавіка ў Маскоўскім судзе Менску адбыўся адміністрацыйны працэс над вядомым палітыкам Паўлам Севярынцам.

23.04.2008 Казуліну дазволілі доўгатэрміновае спатканьне з дочкамі

Адміністрацыя калоніі “Віцьба-3” дазволіла экс-кандыдату ў прэзідэнты, лідэру Беларускай сацыял-дэмакратычнай партыі (Грамада) Аляксандру Казуліну трохдзённае спатканне з дочкамі, якое пачнецца 3 траўня.

23.04.2008 Франака Вячорку выклікалі ў ваенкамат

Міліцыянты не дапусьцілі актывіста Моладзі БНФ Франака Вячорку на адкрыты ўрок у школу нумар 189 гораду Менску, дзе ён меўся распавесьці школьнікам аб прафэсіі журналіста.

23.04.2008 Восем новых палітвязьняў

Вынесьлі прысуд удзельнікам "працэсу 14-ці": Андрэй Кім пойдзе ў турму на паўтара году, Уладзімер Сяргееў і Антон Койпіш заплацяць 3,5 млн рублёў штрафу, астатнія 7 чалавек атрымалі па 2 гады абмежаваньня волі без накіраваньня ў калёніі адкрытага тыпу. Андрэй Кім прысуджаны да 1,5 году калёніі агульнага рэжыму.

23.04.2008 Сёньня працягнецца суд над прадпрымальнікам Парсюкевічам

Разгляд крымінальнай справы віцебскага прадпрымальніка Сяргея Парсюкевіча пачаўся 22 красавіка ў Маскоўскім судзе беларускай сталіцы. Яго абвінавачваюць у тым, што падчас адбыцьця адміністратыўнага арышту на Акрэсьціна Парсюкевіч нібыта напаў і зьбіў міліцыянта. У першы дзень былі заслуханыя сьведчаньні пацярпелага і абвінавачанага, а таксама два сьведкі з боку пацярпелага. Прадпрымальніку пагражае да шасьці гадоў зьняволеньня.

23.04.2008 У Гомелі судзілі журналіста за чырвонае паліто і белыя паветраныя шырыкі

За ўдзел у экскурсіі, прысвечанай 90-м угодкам Беларускай Народнай Рэспублікі, у Гомелі аштрафавалі актывістаў дэмакратычных палітычных партый Івана Адаменку і Дзмітрыя Кутасава, а таксама журналіста Таццяну Бублікаву. Ім прысудзілі штраф ад 525 да 700 тысяч рублёў.