Праваабарончы цэнтр «ВЯСНА»

Навіны за Сакавік 2008

12.03.2008 20 сакавіка спадарожнікавае тэлебачаньне пакажа “Плошчу” Хашчавацкага

На спадарожнікавым еўрапейскім тэлеканале “Arcoiris Tv” 20 сакавіка будзе паказаны фільм Юрыя Хашчавацкага “Плошча”. Як стала вядома ПЦ “Вясна”, пачатак трансляцыі ў 22-15 па мясцовым часе.

12.03.2008 На Алеся Макаева складзены пратакол

12 сакавіка аднаго з лідэраў прадпрымальніцкага руху, прыхільніка Руху “За Свабоду” Аляксандра Макаева выклікалі ў РАУС Маскоўскага раёна Мінска, дзе склалі пратакол аб ўдзеле у мітынгу прадпрымальнікаў 11 лютага ў Баранавічах

12.03.2008 Пазьняк: Рэжым зьбіраецца забараніць беларускую мову

Лідэр Кансэрватыўна-хрысьціянскай партыі БНФ Зянон Пазьняк апублікаваў ліст «Улада цемры», у якім, сярод іншага, выказаў сваё стаўленьне да новага правапісу беларускай мовы, які ўпершыню ў гісторыі будзе прыяты законам.

12.03.2008 Карэн Сцюарт пакідае Мінск

Амбсадарка ЗША ў Беларусі Карэн Сцюарт з’язджае ў Вашынгтон для кансультацый. Такое рашэнне было прынятае па выніках яе ўчорашняй тэлефоннай размовы з Дзярждэпартаментам ЗША. Карэн Сцюарт спадзяецца, што кансультацыі будуць нядоўгімі, магчыма 2-3 тыдні.

12.03.2008 Брэсцкія ўлады дазволілі пікет за вызваленне Аляксандра Казуліна

Брэсцкі гарвыканкам задаволіў заяўку на правядзенне пікета за вызваленне экс-кандыдата ў прэзідэнты, старшыні Беларускай сацыял-дэмакратычнай партыі (Грамада) Аляксандра Казуліна.

12.03.2008 Актывіста Алеся Зарэмбюка цкуе КДБ

Учора мастоўскага актывіста руху "За Свабоду" Алеся Зарамбюка цягам двух з паловай гадзінаў трымалі ва ўпраўленьні КДБ па Гарадзенскай вобласьці.

12.03.2008 У Полацку затрымалі моладзь з налепкамі да Дня Волі

Учора вечарам ў Полацку міліцыя затрымала актывіста БХД Сяргея Глінскага і Касю Салаўёву. У маладзёнаў былі знойдзены налепкі з заклікамі да Дня Волі 25 сакавіка

12.03.2008 Сума абсурдных зыскаў да заяўнікаў «Эўрапейскага маршу» дасягнула 10 мільёнаў

Учора ў Савецкім судзе Менску працягнуўся судовы разгляд справы УП «Гаррамаўтадор» Менску да заяўнікаў «Эўрапейскага маршу». Прадпрыемства патрабавала спагнаць з адказчыкаў Віктара Івашкевіча, Яўгена Афнагеля, Змітра Федарука, Анатоля Лябедзькі, Аляксандра Мілінкевіча і Вінцука Вячоркі 2.135.974 рублі за выдаткі па дадатковай уборцы вуліц і вывазе сьмецьця.

11.03.2008 Віцебскага актывіста Барыса Хамайду не пакідаюць у спакоі

Сёньня ўчастковы з Чыгуначнага РАУСа Віцебска ўзяў пісьмовыя тлумачэньні ў старэйшага дэмакратычнага актывіста рэгіёна. Пры гэтым ён паведаміў Барысу Хамайду, што галоўная рэдактарка газеты “Віцебскі рабочы” Алена Бегунова напісала ў пракуратуру заяву наконт ананімнага ліста з пагрозамі, які прыйшоў на яе адрас.

11.03.2008 Чыноўнікі Мінадукацыі гуляюць у футбол скаргай Франака Вячоркі

Сябра Моладзі БНФ Франак Вячорка, атрымаў адказ з Міністэрства адукацыі на сваю скаргу з нагоды адлічэньня з журфака БДУ. У лісце, у прыватнасьці паведамляецца, што скарга адлічанага студэнта накіраваная ў рэктарат БДУ.

11.03.2008 У Менску судзяць арганізатараў “Эўрапейскага маршу”

У Савецкім судзе Менску пачаўся разгляд пазову арганізацыі “Гараўтадор” да арганізатараў “Эўрапейскага маршу”, які прайшоў у Менску 14 кастрычніка мінулага году.

11.03.2008 Навукоўцы супраць ядзернага шантажу

Аўтарытэтныя беларускія навукоўцаў ініцыявалі рух "За безьядзерную Беларусь". Сярод навукоўцаў - прафэсар Георгій Лепін, кандыдаты тэхнічных навук Віктар Юшко і Ягор Фядзюшын. Навукоўцы плянуюць супрацьстаяць палітычнаму рашэньню ўладаў узводзіць у краіне атамную электрастанцыю.

11.03.2008 Сяргею Парсюкевічу правялі вочную стаўку са “збітым” ім міліцыянтам

Учора ў следчым ізалятары на вуліцы Валадарскага актывіста прадпрымальніцкага руху наведала адвакатка Вера Страмкоўская.

10.03.2008 Журналістцы Савушкінай параілі адзначаць «Дзень спецслужбаў»

Незалежнай журналістцы, сябры ГА «БАЖ» Марыі Савушкінай 7 сакавіка зноў патэлефанаваў супрацоўнік «дэпартаменту добрых спраў КДБ», гэтым разам — на хатні тэлефон. Ананім сказаў, што тэлефануе павіншаваць са святам. Калі журналістка адказала, што не святкуе 8 сакавіка, невядомы параіў ёй адзначаць «Дзень спецслужбаў».

10.03.2008 Урад Беларусі дэманструе ігнараваньне ААНаўскай сістэмы па абароне правоў

Праваабаронца Алесь Бяляцкі атрымаў з офісу Камісарыяту па правам чалавека ААН каментар кампетэнтных органаў РБ ў адносінах да меркаваньняў Камітэту па правам чалавека (далей – Камітэт) па паведамленьню А. Бяляцкага. Прадстаўлены дакумент дасланы Прадстаўніцтвам РБ пры аддзяленьні ААН і іншых міжнародных арганізацыяў у Жэневе і тычыцца Рашэньня Камітэту па правам чалавека ААН, якое было прынятае ў ліпені 2007 год па звароту старшыні рады ПЦ “Вясна” Алеся Бяляцкага і 10 сябраў арганізацыі ў сувязі з ліквідацыяй грамадзкага аб’яднаньня “Вясна” ў кастрычніку 2003 году.