Праваабарончы цэнтр «ВЯСНА»

Навіны за 23 лістапада 2007

23.11.2007 Гомель: КДБ дапытваў сябра БАЖ наконт "Белсату"

Сёньня ў Гомелі а 16-й гадзіне супрацоўнікі КДБ гвалтоўна затрымалі сябра Беларускай асацыяцыі журналістаў Сяргея Падсасоннага ў ягонай кватэры.

23.11.2007 2008-ы стане Годам Беларускай Народнай Рэспублiкi

Сойм Партыi БНФ ухвалiў канцэпцыю, а таксама план кампанii па святкаваннi 90-х угодкаў абвяшчэння Беларускай Народнай Рэспублiкi, кульмiнацыяй якой стане акцыя 25 сакавiка.

23.11.2007 Віталь Супрановіч: Музыкам далі час. Час выбіраць.

Шэф лэйблу БМА‑груп, арганізатар рок‑канцэртаў і аўтар фэсту «Права быць свабодным» Віталь Супрановіч выклаў на просьбу "Тузін Гітоў" свае думкі, што да сустрэчы музыкаў у адміністрацыі прэзыдэнта.

23.11.2007 Вернікі-пратэстанты часова ня будуць пускаць чыноўнікаў у свой храм

Вернікі пратэстанцкай царквы “Новае жыцьцё” Аб’яднаньня суполак хрысьціян поўнага Эвангельля прынялі рашэньне часова прыпыніць наведваньне свайго храма менскімі чыноўнікамі. Рашэньне было прынятае на сходзе вернікаў з мэтай не дапусьціць захопу будынку на час, пакуль ня будзе вырашана пытаньне вернікаў у Вышэйшым гаспадарчым судзе.

23.11.2007 Мікалаў Чаргінец пакрыўдзіўся на незалежнага журналіста і хоча кампенсацыі ў 600 мільёнаў рублёў

Дэпутат Савету Рэспублікі Нацыянальнага Сходу Мікалай Чаргінец падаў пазоў аб абароне гонару і годнасьці супраць газэты Саюзу беларускіх пісьменьнікаў "Новы час" і журналіста Аляксандра Тамковіча. Ад газэты Чаргінец патрабуе выплаціць у якасьці кампэнсацыі маральнай шкоды 500 мільёнаў рублёў, а ад журналіста – 100 мільёнаў.

23.11.2007 КДБ працягвае перасьлед дэімакратычнай моладзі

Актывістцы моладзі БНФ Марыі Рудакоўскай 22 лістапада патэлефанаваў супрацоўнік КДБ Новік Сяргей Міхайлавіч і прапанаваў сустрэцца, каб паразмаўляць аб яе жыцьці і плянах на будучыню.

23.11.2007 Каталіцкага сьвятара высылаюць з Рэчыцы

Не быў працягнуты дазвол на святарскую дзейнасць настаяцелю прыхода Святой Троіцы ў г. Рэчыца Гомельскай вобласці грамадзяніну Польшчы ксяндзу Гжэгашу Худэку. Аб гэтым яму паведаміў 17.11.2007 старшыня камітэту па справах рэлігіі Гомельскага аблвыканкаму Жукевіч Міхаіл Рыгоравіч. Тэрмін дзейнасці кс. Гжэгаша на Беларусі канчаецца 21.11.2007. Пасля гэтага ён павінен будзе пакінуць краіну.

23.11.2007 КДБ шукае арганізатараў акцыі пратэсту школьнікаў у Мазыры

Супрацоўнікі КДБ у Мазыры наведваюць школьнікаў і студэнтаў, якія ўдзельнічалі ў акцыі пратэсту 16 лістапада. Яны патрабуюць назваць прозьвішчы арганізатараў акцыі. У той дзень міліцыянты затрымалі дваццаць пяць чалавек на плошчы Леніна, сярод якіх былі 12-гадовыя школьнікі. У затрыманых знайшлі расьцяжку “Не — скасаваньню льготаў!”.

23.11.2007 "Витебский курьер" зачынілі канчаткова?

Віцебскі аблвыканкам адклікаў уласны дазвол на перарэгістрацыю ЗАТ “Выдавецкі дом "Витебский курьер", дадзены ў кастрычніку бягучага году. Недзяржаўная газэта, якая спыніла выхад увесну гэтага году паводле тэхнічных прычынаў і ўнутраных канфліктаў у рэдакцыйным асяродку, страчвае апошнюю магчымасьць аднаўленьня свае дзейнасьці.