Праваабарончы цэнтр «ВЯСНА»

Навіны за 15 кастрычніка 2007

15.10.2007 "Народная воля" абскарджвае рашэнне па зыску А. Праляскоўскага

Газета “Народная воля” і журналістка Марына Коктыш падалі касацыйную скаргу ў Мінскі гарадскі суд на рашэнне суда Ленінскага раёна па зыску Алега Праляскоўскага да рэдакцыі выдання і яго супрацоўніцы. Зыскоўцы патрабуюць адмяніць вынесенае рашэнне і адмовіць у зыску цалкам – як у частцы грашовай кампенсацыі, так і ў апублікаванні абвяржэння.

15.10.2007 “Салідарнасьць” папярэджвае пра адказнасьць

Камітэт абароны рэпрэсаваных “Салідарнасьць” шукае новых формаў працы: актывісты рассылаюць лісты супрацоўнікам праваахоўчых органаў, судзьдзям, кіраўніцтву ўпраўленьняў унутраных справаў, старшыням судоў – усім тым, хто перад “апейскім маршам” праводзіў прэвэнтыўныя затрыманьні грамадзкіх актывістаў, хто выносіў прысуды.

15.10.2007 "Ганцавіцкі час" зноў не ўключылі ў падпісны каталог

Недзяржаўную газету “Ганцавіцкі час” у чарговы раз адмовіўся ўключыць у падпісны каталог брэсцкі філіял “Белпошты”. Дзяржаўнае прадпрыемства-манапаліст палічыла “немэтазгодным” супрацоўніцтва з недзяржаўным выданнем.

15.10.2007 «апейскі марш» падсумавалі

Сёньня раніцай заяўнікі «апейскага маршу» падвялі вынікі ўчорашняй акцыі. Старшыня аргкамітэту Віктар Івашкевіч паведаміў, што акцыя паказала, як і дасягненьні, так і недахопы апазыцыі.

15.10.2007 Славацкі дыплямат: Некалькі тыдняў мы былі сьведкамі запалохваньня людзей

Нягледзячы на дастаткова мірнае правядзеньне і завяршэньне апазіцыйнай акцыі - Еўрапейскага шляху, прадстаўнікі міжнароднай супольнасьці ведаюць аб прэвентыўных затрыманьнях, судах і арыштах дэмакратычных актывістаў у Беларусі.

15.10.2007 "Еўрапейскі марш" прайшоў без затрыманьняў

14 кастрычніка ў Менску прайшла вулічная акцыя “Еўрапейскі марш”. У ёй узялі ўдзел паводле розных падлікаў ад 3 да 5 тысяч чалавек. Марш праходзіў пад лозунгам еўрапейскага выбару Беларусі. Менскія ўлады дазволілі правесьці акцыю ад Акадэміі навук да плошчы Бангалор. Аднак частка людзей сабралася на Кастрычніцкай плошчы, планаваным раней месцы збору, і адтуль пайшлі праспектам Незалежнасьці да Акадэміі навук.

15.10.2007 У магілёўскай папраўчай калоніі №18 адбыўся дабрачынны канцэрт беларускія музыкі

Ігар Лучанок, Анатоль Ярмоленка ды дзіцячы ансамбль “Вясёлка” выступілі перад асуджанымі магілёўскай папраўчай калёніі №18. Двухгадзінны дабрачынны канцэрт беларускія музыкі прысьвяцілі заснавальніку фэстывалю “Залаты шлягер” Уладзімеру Браілоўскаму, які адбывае пакараньне ў гэтай турме. Канцэрты салідарнасьці з Уладзімерам Браілоўскім у калёніі праходзяць рэгулярна.